ಕುಶಾಲನಗರಕ್ಕೆ ಬೇಕಿದೆ ಸುಸಜ್ಜಿತ ಕ್ರೀಡಾಂಗಣ

ಪ್ರಮುಖ ಮುಖ್ಯಾಂಶಗಳು

• ಗು0ಡೂರಾವ್ ಹೆಸರಿನ ಕ್ರೀಡಾಂಗಣಕ್ಕೆ ಬೇಡಿಕೆ
• ಹೋರಾಟಕ್ಕಾಗಿ ಸಮಿತಿ ರಚನೆ
• ರಚನಾತ್ಮಕ ಹೋರಾಟಕ್ಕೆ ನಿರ್ಧಾರ

ಜಿಲ್ಲೆಯ ಶೈಕ್ಷಣಿಕ ರಾಜಧಾನಿಯಾಗಿ ಗುರುತಿಸಿಕೊಂಡಿರುವ ವಾಣಿಜ್ಯನಗರ ಕುಶಾಲನಗರ ಕ್ರೀಡಾ ಚಟುವಟಿಕೆಗಳ ಮೂಲಕ ದೇಶದ ಗಮನ ಸೆಳೆದಿದೆ. ಇಲ್ಲಿ ಪ್ರತಿ ವರ್ಷ ಉತ್ಸವದ ಮಾದರಿಯಲ್ಲಿ ನಡೆಯುವ ಲೆಜೆಂಡ್ ಕ್ರಿಕೆಟ್ ದೊಡ್ಡ ಮಟ್ಟದಲ್ಲಿ ಹೆಸರು ಮಾಡಿದೆ. ಕೊಡಗಿನ ಇತರ ಭಾಗಗಳಿಗೆ ಹೋಲಿಸಿದರೆ ವರ್ಷದ ಬಹುತೇಕ ದಿನಗಳು ಇಲ್ಲಿ ಕ್ರೀಡಾ ಚಟುವಟಿಕೆಗಳಿಗೆ ಪೂರಕ ವಾತಾವರಣ ಇರುತ್ತದೆ. ಈಗ ತಾಲೂಕು ಕೇಂದ್ರವಾಗಿಯೂ ಗುರುತಿಸಿಕೊಂಡಿದೆ. ಹಾಗಾಗಿ ಇಲ್ಲಿಗೊಂದು ತಾಲೂಕು ಕ್ರೀಡಾಂಗಣದ ಅಗತ್ಯ ದೊಡ್ಡ ಮಟ್ಟದಲ್ಲಿ ಕಂಡುಬAದಿರುವುದರಿAದ ಇದಕ್ಕಾಗಿ ಹೋರಾಟ ರೂಪಿಸಲಾಗುತ್ತಿದೆ.

ರಾಜ್ಯಕ್ಕೆ ಮುಖ್ಯಮಂತ್ರಿ ಒಬ್ಬರನ್ನು ಕೊಡುಗೆಯಾಗಿ ಕೊಟ್ಟ ಊರು ಕುಶಾಲನಗರ. ಆರ್. ಗುಂಡೂರಾವ್ ಅವರ ದೂರದೃಷ್ಟಿಯ ಫಲವಾಗಿಯೇ ಈ ಊರು ಇಂದು ಇಷ್ಟರ ಮಟ್ಟಿಗೆ ಅಭಿವೃದ್ಧಿ ಸಾಧಿಸಿದೆ. ಕುಶಾಲನಗರ ತಾಲೂಕು ಆಗಬೇಕು ಎನ್ನುವ ಅವರ ಕನಸು ಈಗಾಗಲೇ ಈಡೇರಿದೆ. ಕೂಡಿಗೆಗೆ ಕ್ರೀಡಾಶಾಲೆ ತಂದಿದ್ದ ಗುಂಡೂರಾವ್ ಅವರು ಜಿಲ್ಲೆಯಿಂದ ಕ್ರೀಡಾ ಕ್ಷೇತ್ರಕ್ಕೆ ಸಾಧಕರು ಹೆಚ್ಚಿನ ಸಂಖ್ಯೆಯಲ್ಲಿ ಬರಬೇಕು ಎನ್ನುವ ಮಹತ್ವಾಕಾಂಕ್ಷೆ ಇಟ್ಟುಕೊಂಡಿದ್ದರು. ಇದಕ್ಕೆ ಪೂರಕವಾಗಿ ಕುಶಾಲನಗರಕ್ಕೆ ಗುಂಡೂರಾವ್ ಹೆಸರಿನಲ್ಲಿ ಕ್ರೀಡಾಂಗಣ ಬರಲೇಬೇಕಿದೆ.

ಒಂದು ಊರು ಆರೋಗ್ಯಯುತವಾಗಿ ಇರಬೇಕು ಎಂದರೆ ಅಲ್ಲಿಗೆ ಸುಸಜ್ಜಿತ ಕ್ರೀಡಾಂಗಣದ ಅಗತ್ಯ ಇರುತ್ತದೆ. ಒಳ್ಳೆಯ ಕ್ರೀಡಾ ಮೈದಾನಗಳು ಇದ್ದಾಗ ಸಹಜವಾಗಿ ಯುವಜನತೆ ಕ್ರೀಡಾ ಚಟುವಟಿಕೆಗಳತ್ತ ಆಸಕ್ತರಾಗುತ್ತದೆ. ಇದರಿಂದ ಅವರು ದುಶ್ಚಟಗಳಿಂದ ದೂರ ಉಳಿಯಲು ಸಾಧ್ಯವಾಗುತ್ತದೆ. ಹಾಗಾಗಿ ಕುಶಾಲನಗರಕ್ಕೆ ಗುಂಡೂರಾವ್ ಹೆಸರಿನಲ್ಲಿ ಕ್ರೀಡಾಂಗಣ ತರುವ ಸಲುವಾಗಿ ಹಂತ ಹಂತವಾಗಿ ಹೋರಾಟ ಮಾಡಲಾಗುವುದು. ಎಲ್ಲರನ್ನೂ ವಿಶ್ವಾಸಕ್ಕೆ ತೆಗದುಕೊಂಡು ಕ್ರೀಡಾಂಗಣದ ಕನಸು ನನಸು ಮಾಡಲಾಗುವುದು.