ಎಸ್‌ಎಸ್‌ಎಲ್‌ಸಿಯಲ್ಲಿ 8ನೇ ಸ್ಥಾನಕ್ಕೆ ಕುಸಿದ ಕೊಡಗು

ಈ ಬಾರಿಯ ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿ ಕೊಡಗು ರಾಜ್ಯದಲ್ಲಿ 8ನೇ ಸ್ಥಾನಕ್ಕೆ ಇಳಿದೆ. ಕಳೆದ ಬಾರಿಗೆ ಹೋಲಿಸಿದರೆ ಶೇಕಡವಾರು ಫಲಿತಾಂಶದಲ್ಲಿ ಉತ್ತಮ ಸಾಧನೆ ಮಾಡಿದ್ದು, ಈ ವರ್ಷ ಶೇ. 96.68ರಷ್ಟು ಫಲಿತಾಂಶ ದಾಖಲಿಸಿದೆ. ಕಳೆದ ವರ್ಷ ಶೇ. 82.21 ಫಲಿತಾಂಶದೊAದಿಗೆ ಕೊಡಗು 4ನೇ ಸ್ಥಾನ ಗಳಿಸಿತ್ತು.

ಮಡಿಕೇರಿ ಸಂತ ಜೋಸೆಫ್ ಕಾನ್ವೆಂಟ್‌ನ ಟಿ.ಟಿ. ಲಿನ್ಸಿ ದೇಚಮ್ಮ ಮತ್ತು ಕೊಡಗರಹಳ್ಳಿ ಶಾಂತಿನಿಕೇತನ ಪ್ರೌಢಶಾಲೆಯ ಕೆ.ಐ. ಸಿಂಚನಾ 625ಕ್ಕೆ ತಲಾ 621 ಅಂಕ ಗಳಿಸಿ ಜಿಲ್ಲೆಗೆ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ. ವಿರಾಜಪೇಟೆ ಸೆಂಟ್ ಆ್ಯನ್ಸ್ ಪ್ರೌಢಶಾಲೆಯ ಡೀನ್ ಸಾಲ್ವೋ ಡಿ ಸೋಜಾ 220 ಅಂಕ ಗಳಿಸಿ ಕೊಡಗಿಗೆ ದ್ವಿತೀಯ ಸ್ಥಾನ ಗಳಿಸಿದ್ದಾರೆ. ಸೋಮವಾರಪೇಟೆಯ ವಿಶ್ವ ಮಾನವ ಕುವೆಂಪು ಪ್ರೌಢಶಾಲೆಯ ಶಿವಾನಿ ಶಾರದಾಮಣಿ, ವಿರಾಜಪೇಟೆ ಕಾವೇರಿ ಹೈಸ್ಕೂಲ್‌ನ ಯು.ಎಸ್. ಶ್ರೀವತ್ಸ ಹಾಗೂ ಗೋಣಿಕೊಪ್ಪಲು ಕಳತ್ಮಾಡುವಿನ ಲಯನ್ಸ್ ಹೈಸ್ಕೂಲ್‌ನ ಎನ್.ಟಿ. ಸಿದ್ದಾಂತ್ ಕಾವೇರಪ್ಪ ತಲಾ 619 ಅಂಕ ಗಳಿಸಿ ಜಿಲ್ಲೆಗೆ ಮೂರನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಮಡಿಕೇರಿ ಸಂತ ಜೋಸೆಫ್ ಕಾನ್ವೆಂಟ್‌ನ ಕೆ.ಇ. ಸೋನಾಶ್ರೀ, ಗೋಣಿಕೊಪ್ಪಲು ಸೆಂಟ್ ಥೋಮಸ್ ಹೈಸ್ಕೂಲ್‌ನ ಸಿ.ಎಂ. ನಮನ ತಲಾ 618 ಅಂಕಗಳೊAದಿಗೆ ನಾಲ್ಕನೇ ಸ್ಥಾನದಲ್ಲಿದ್ದು, ಸೋಮವಾರಪೇಟೆಯ ಅವರ್ ಲೇಡಿ ಆಫ್ ವಿಕ್ಟೋರಿಯಸ್ ಹೈಸ್ಕೂಲ್‌ನ ಹೆಚ್.ವಿ. ತನ್ವಿ, ವಿರಾಜಪೇಟೆ ಕಾವೇರಿ ಹೈಸ್ಕೂಲ್‌ನ ಕೆ.ಸಿ. ಮಹಮ್ಮದ್ ಸಿಫಾನ್ ಹಾಗೂ ಕೊಡಗರಹಳ್ಳಿ ಶಾಂತಿನಿಕೇತನ ಪ್ರೌಢಶಾಲೆಯ ಎಂ. ರೆನಿತ್ 617 ಅಂಕ ಗಳಿಸಿ 5ನೇ ಸ್ಥಾನ ಪಡೆದುಕೊಂಡಿದ್ದಾರೆ.

2,904 ಹುಡುಗರು, 3,044 ಹುಡುಗಿಯರು ಸೇರಿದಂತೆ ಒಟ್ಟು 5,948 ವಿದ್ಯಾರ್ಥಿಗಳು ಈ ವರ್ಷ ಪರೀಕ್ಷೆ ಬರೆದಿದ್ದರು. ಇದರಲ್ಲಿ 2,776 ಹುಡುಗಿಯರು, 2,966 ಹುಡುಗರು ಸೇರಿದಂತೆ ಒಟ್ಟು 5,742 ವಿದ್ಯಾರ್ಥಿಗಳು ಉತ್ತೀರ್ಣರಾಗಿದ್ದಾರೆ. 206 ವಿದ್ಯಾರ್ಥಿಗಳು ಅನುತ್ತೀರ್ಣರಾಗಿದ್ದಾರೆ. ಹುಡುಗಿಯರು ಶೇ. 95.59 ಮತ್ತು ಹುಡುಗರು ಶೇ. 97.44 ಪ್ರಮಾಣದಲ್ಲಿ ಉತ್ತೀರ್ಣರಾಗಿದ್ದು ಒಟ್ಟಾರೆಯಾಗಿ ಜಿಲ್ಲೆಗೆ ಶೇ. 96.54ರಷ್ಟು ಫಲಿತಾಂಶ ಬಂದಿದೆ. ತಾಲೂಕುವಾರು ಶೇಕಡ ಫಲಿತಾಂಶದಲ್ಲಿ ಮಡಿಕೇರಿ ತಾಲೂಕು ಶೇ.95.35, ಸೋಮವಾರಪೇಟೆ ಶೇ.97.50, ವಿರಾಜಪೇಟೆ ಶೇ.96.25 ರಷ್ಟು ಫಲಿತಾಂಶ ಬಂದಿದೆ.

ಜಿಲ್ಲೆಯಲ್ಲಿ 140 ಪ್ರೌಢ ಶಾಲೆಗಳ ಪೈಕಿ 84 ಶಾಲೆಗಳು ಶೇ.100 ರಷ್ಟು ಫಲಿತಾಂಶ ಪಡೆದಿರುವುದು ವಿಶೇಷವಾಗಿದೆ. ಇದರಲ್ಲಿ ಸರ್ಕಾರಿ ಪ್ರೌಢ ಶಾಲೆಯ 47 ರಲ್ಲಿ 37 ಪ್ರೌಢ ಶಾಲೆಗಳಲ್ಲಿ ಶೇ.100 ರಷ್ಟು ಫಲಿತಾಂಶ ಬಂದಿದ್ದರೆ, ಅನುದಾನಿತ 40 ಪ್ರೌಢ ಶಾಲೆಗಳಲ್ಲಿ 10 ಶಾಲೆಗಳು ಶೇ.100 ರಷ್ಟು, ಅನುದಾನ ರಹಿತ 53 ಪ್ರೌಢ ಶಾಲೆಯಲ್ಲಿ 37 ಪ್ರೌಢ ಶಾಲೆಗಳು ಶೇ.100 ರಷ್ಟು ಫಲಿತಾಂಶ ಪಡೆದಿವೆ.

2023ರಲ್ಲಿ ಶೇ.93.13ರಷ್ಟು ಫಲಿತಾಂಶದೊAದಿಗೆ 9ನೇ ಸ್ಥಾನದಲ್ಲಿದ್ದ ಕೊಡಗು 2024ರಲ್ಲಿ ಶೇ. 91.24 ಫಲಿತಾಂಶ ಪಡೆದುಕೊಂಡು ರಾಜ್ಯಕ್ಕೆ 4ನೇ ಸ್ಥಾನ ಪಡೆದುಕೊಂಡಿತ್ತು. 2025ರಲ್ಲೂ ಶೇ. 87.54 ಫಲಿತಾಂಶದೊAದಿಗೆ 4ನೇ ಸ್ಥಾನ ಉಳಿಸಿಕೊಂಡಿತ್ತು. ಈ ಬಾರಿ ರಾಜ್ಯದಲ್ಲಿ 8ನೇ ಸ್ಥಾನಕ್ಕೆ ಕುಸಿದಿದೆ.

"