ಪಾಠ ಕಲಿಸಿದ ಗುರುಗಳ ನೆನೆದ ಹಿರಿಯ ವಿದ್ಯಾರ್ಥಿಗಳು

ಹಳೆಯ ವಿದ್ಯಾರ್ಥಿಗಳು ಶಾಲೆಯೊಂದಿಗಿನ ನಮ್ಮ ನೆನಪು, ತಮ್ಮ ಶಿಕ್ಷಕರ ಅನುಕರಣೆ, ಸ್ಮರಣೆ ಮಾಡಿಕೊಂಡರು. ಶಿಕ್ಷಕರು ಪಾಠ ಮಾಡುತ್ತಿದ್ದ ವಿಧಾನ, ನಡೆ ನುಡಿಯನ್ನು ಅನುಕರಿಸಿದ್ದು ಎಲ್ಲರ ಗಮನ ಸೆಳೆಯಿತು. ನಂತರ ಶಿಕ್ಷಕರನ್ನು ಗೌರವಿಸಿ ಗುರುವಂದನೆ ಸಲ್ಲಿಸಲಾಯಿತು.

ಈ ವೇಳೆ ಮಾತನಾಡಿದ ಸಾಹಿತಿ ಊರಾ ನಾಗೇಶ್ ಕುಶಾಲನಗರ, ಮಗು ಹುಟ್ಟುವುದಕ್ಕಿಂತಲೂ ಮೊದಲೇ ಏನನ್ನು ಓದಿಸಬೇಕು, ಮಕ್ಕಳು ಏನಾಗಬೇಕು ಎಂದು ಚಿಂತಿಸುವ ವೇಗದ ಪ್ರಪಂಚದಲ್ಲಿ ನಾವಿಂದು ಇದ್ದೇವೆ. ಇದಕ್ಕೆ ತಕ್ಕಂತೆ ಇಂದಿನ ಶಿಕ್ಷಣ ವ್ಯವಸ್ಥೆ ಬದಲಾಗುತ್ತಿದೆ. ಆದರೆ ಎಲ್ಲ ಕಾಲಕ್ಕೂ ಸತ್ಯವನ್ನು ಅರಸಿ ಹೊಗುವುದೇ ಶಿಕ್ಷಣ. ಇದನ್ನು ಶಿಕ್ಷಕರು ಮಕ್ಕಳಿಗೆ ತಿಳಿಸಿದರೆ ಅವರು ಗೆದ್ದಂತೆ. ಇಂದು ಕ್ರೀಡೆ ಮತ್ತು ಕಲೆಯ ಜತೆ ಗುಣಮಟ್ಟದ ಶಿಕ್ಷಣ ನೀಡಬೇಕಾಗಿದೆ ಎಂದು ಕರೆ ನೀಡಿದರು.

ಮುಖ್ಯಶಿಕ್ಷಕಿ ಸಂಧ್ಯಾ ಮಾತನಾಡಿ, ಸರ್ಕಾರ ಹಾಗೂ ದಾನಿಗಳ ನೆರವಿನಿಂದ ನಮ್ಮ ಶಾಲೆಯನ್ನು ಅಭಿವೃದ್ಧಿಯತ್ತ ಕೊಂಡೊಯ್ಯುವುದು ನಮ್ಮ ಉದ್ದೇಶವಾಗಿದೆ. ಹಳೆ ವಿದ್ಯಾರ್ಥಿಗಳನ್ನೆಲ್ಲಟ್ಟುಗೂಡಿಸಿ ಅವರ ಸಹಕಾರದೊಂದಿಗೆ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದರು.

ಶಾಲೆಯ ಹಿಂದಿನ ಮುಖ್ಯಶಿಕ್ಷಕಿ ಪ್ರೇಮಾ ಮತ್ತು ತಾಲೂಕು ಕೆಡಿಪಿ ಸಮಿತಿ ಸದಸ್ಯರಾದ ವೇದಕುಮಾರ್, ಔರಂಗಜೇಬ್,ದಾನಿಗಳಾದ ಕೆ.ಕೆ.ರೇಣುಕಾ ಮತ್ತು ದಿನೇಶ್ ಡಿ.ವಿ., ಕ್ಷೇತ್ರ ಸಂಪನ್ಮೂಲ ವ್ಯಕ್ತಿ ರವೀಶ್ ಮಾತನಾಡಿದರು. ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷೆ ಜ್ಯೋತಿ ಅಧ್ಯಕ್ಷತೆ ವಹಿಸಿದರು. ಶಿಕ್ಷಕಿ ಉಷಾ ಸ್ವಾಗತಿಸಿ, ಶಿಕ್ಷಕ ಸತೀಶ್ ಕಾರ್ಯಕ್ರಮ ನಿರ್ವಹಿಸಿದರು. ಶಿಕ್ಷಕಿ ಚೂಡಾಮಣಿ ವರದಿ ವಾಚಿಸಿದರು.

ರಾಜ್ಯ ಸರ್ಕಾರಿ ನೌಕರರ ಸಂಘದ ನಿರ್ದೇಶಕ ಸುರೇಶ್, ತಾಲೂಕು ಬಗರ್‌ಹುಕುಂ ಸಮಿತಿ ಸದಸ್ಯ ಜೆ.ಎಲ್.ಜನಾರ್ದನ್, ಬಿಆರ್‌ಪಿ ಮಧು, ಎಸ್‌ಜಿಎಸ್ ಕಿರಿಕೊಡ್ಲಿ ಶಾಲೆಯ ಮುಖ್ಯ ಶಿಕ್ಷಕಿ ತನುಜಾ, ಕೊಡ್ಲಿಪೇಟೆ ಗ್ರಾಪಂ ಹಿರಿಯ ಸದಸ್ಯ ಕೆ.ಆರ್.ಚಂದ್ರಶೇಖರ್, ಕೊಡ್ಲಿಪೇಟೆ ಪ್ಯಾಕ್ಸ್ ನಿರ್ದೇಶಕಿ ಪುಷ್ಪಾ ಸಂತೋಷ್, ಬೆಸೂರು ಕ್ಲಸ್ಟರ್ ಸಿಆರ್‌ಪಿ ಮುರಳಿಧರ್, ಶಾಲೆಯ ಹಿಂದಿನ ಮುಖ್ಯ ಶಿಕ್ಷಕರಾದ ಜಾನಕಿ, ರವಿಶಂಕರಪ್ಪ, ವಿವಿಧ ಸರ್ಕಾರಿ ಶಾಲೆಗಳ ಶಿಕ್ಷಕರಾದ ಫಯಾಜ್, ಜಾನ್, ಮೂರ್ತಿ, ಆಶೋಕ್, ಹರೀಶ್, ದೈಹಿಕ ಶಿಕ್ಷಣ ಶಿಕ್ಷಕರ ಸಂಘದ ಸುಜಾತಾ ಮತ್ತು ಸೌಮ್ಯಾ, ದಾನಿಗಳಾದ ಯತೀಶ್, ಫರ್ಹಾನ್ ಎಣ್ಣೆಗದ್ದೆ, ಅವಿನಾಶ್ ಕೆರಗನಹಳ್ಳಿ, ಶಾಲಾಭಿವೃದ್ಧ್ದಿ ಸಮಿತಿ ಉಪಾಧ್ಯಕ್ಷ ಪ್ರಕಾಶ್ ಇದ್ದರು.

ಕಳೆದ ಶೈಕ್ಷಣಿಕ ವರ್ಷದಲ್ಲಿ 10ನೇ ತರಗತಿಯಲ್ಲಿ ಉನ್ನತ ಅಂಕ ಗಳಿಸಿದ ವಿದ್ಯಾರ್ಥಿಗಳಾದ ಶಿವಕುಮಾರ್, ಚಿನ್ಮಯಿ ಅವರಿಗೆ ಗೌರವ ಸಮರ್ಪಣೆ ಮಾಡಲಾಯಿತು. ಹಿರಿಯ ವಿದ್ಯಾರ್ಥಿಗಳು ಮತ್ತು ಶಾಲಾ ವಿದ್ಯಾರ್ಥಿಗಳ, ಪಾಲಕರ ಸಾಂಸ್ಕೃತಿಕ ಹಾಗೂ ವಿವಿಧ ಕ್ರೀಡಾಕೂಟ ನಡೆಯಿತು.