ಅಪರಾಧಮುಕ್ತ ಕುಶಾಲನಗರಕ್ಕೆ ಕೈಜೋಡಿಸಿ

ಅರೆಸೇನಾಪಡೆಯ ಮಾಜಿ ಯೋಧರೊಂದಿಗೆ ಮುಕ್ತ ಸಂವಾದ ನಡೆಯಿತು. ಪ್ರದೀಪ್ ಕುಮಾರ್, ಎಂ.ಜಿ.ಯತೀಶ್, ಪುಲಿಯಂಡ ಚೆಂಗಪ್ಪ, ಜಿ.ಕೆ.ದಿನೇಶ್ ಕುಮಾರ್ ಮತ್ತಿತರರು ಭಾಗವಹಿಸಿದ್ದರು.

Published on:

03 Feb 2026, 1:15 pm

ಕುಶಾಲನಗರ: ಅಪರಾಧಮುಕ್ತ ಕುಶಾಲನಗರದ ನಿರ್ಮಾಣಕ್ಕೆ ಪೊಲೀಸ್ ಇಲಾಖೆಯೊಂದಿಗೆ ಸಾರ್ವಜನಿಕರು ಕೈಜೋಡಿಸಬೇಕೆಂದು ವೃತ್ತ ನಿರೀಕ್ಷಕ ಪ್ರದೀಪ್‌ಕುಮಾರ್ ಮನವಿ ಮಾಡಿದರು.

ಗುಮ್ಮನಕೊಲ್ಲಿ ಗ್ರಾಮದಲ್ಲಿ ಮಾಜಿ ಯೋಧ ಜಿ.ಕೆ. ದಿನೇಶ್ ಕುಮಾರ್ ನಿವಾಸದ ಆವರಣದಲ್ಲಿ ಅರೆಸೇನಾಪಡೆಯ ಮಾಜಿ ಯೋಧರೊಂದಿಗೆ ಮುಕ್ತ ಸಂವಾದ ನಡೆಸಿ ಮಾತನಾಡಿದ ಅವರು, ದೇಶದ ಗಡಿಗಳಲ್ಲಿ ದುರ್ಗಮ ಪರಿಸ್ಥಿತಿಗಳಲ್ಲಿ ಹಗಲು, ರಾತ್ರಿ ಕರ್ತವ್ಯಗೈದು ಸುರಕ್ಷಿತವಾಗಿ ಮರಳುವ ಮೂಲಕ ಆರೋಗ್ಯವಂತ ಬದುಕು ನಡೆಸುತ್ತಿರುವ ನಿವೃತ್ತ ಯೋಧರನ್ನು ಇಡೀ ಸಮಾಜ ಸದಾ ಗೌರವಿಸುತ್ತದೆ. ಅಲ್ಲದೆ ಅವರಂತೆಯೇ ಸದಾ ಶಿಸ್ತು ಹಾಗೂ ಜಾಗೃತ ಮನಸ್ಥಿತಿಯೊಂದಿಗೆ ಆರೋಗ್ಯವಂತ ಹಾಗೂ ಸುರಕ್ಷಿತ ಪರಿಸರ ನಿರ್ಮಾಣಕ್ಕೆ ಶ್ರಮಿಸಬೇಕೆಂದು ಹೇಳಿದರು.

ತಮ್ಮ ಪರಿಸರದಲ್ಲಿ ಸಮಾಜಬಾಹಿರ ಚಟುವಟಿಕೆ, ಮಾದಕ ವ್ಯಸನಿಗಳ ಉಪದ್ರವ ಕಂಡು ಬಂದಲ್ಲಿ ಠಾಣೆಗೆ ಮಾಹಿತಿ ನೀಡುವ ಮೂಲಕ ಸಹಕಾರ ನೀಡಬೇಕು. ನಿವೃತ್ತ ಯೋಧರ ಧ್ವನಿಯಾಗಿ ಪೊಲೀಸ್ ಇಲಾಖೆ ಕಾರ್ಯನಿರ್ವಹಿಸಲಿದೆ ಎಂದು ಪ್ರದೀಪ್ ಕುಮಾರ್ ಹೇಳಿದರು.

ಯೋಧರ ಒಕ್ಕೂಟದ ಅಧ್ಯಕ್ಷ ಎಂ.ಜಿ. ಯತೀಶ್, ಉಪಾಧ್ಯಕ್ಷ ಪುಲಿಯಂಡ ಚೆಂಗಪ್ಪ, ಜಿ.ಕೆ. ದಿನೇಶ್ ಕುಮಾರ್, ಪುಟ್ಟೇಗೌಡ, ಬಿ.ಎಂ.ರವೀಂದ್ರ, ಎಂ.ಎನ್.ಭೀಮಯ್ಯ, ಹರೀಶ್ ಗೌಡ, ರಾಜಶೇಖರ, ಮನೋಹರ್, ಕಾಳಪ್ಪ, ಎಸ್.ಎಸ್.ಲೀಲಾವೇಣಿ, ಎಂ.ಎಂ. ವಿಜಯ, ಅಚ್ಚಯ್ಯ, ಸಿ.ಕೆ.ರಾಜು, ಕೆ.ಎ.ಚಂದ್ರೇಶ್, ಗೋಪಾಲಕೃಷ್ಣ, ಕೆ.ಬಿ. ಅಚ್ಚಯ್ಯ, ಎಂ.ಎಂ. ಅಯ್ಯಣ್ಣ ಮತ್ತಿತರರಿದ್ದರು.

ಅಪರಾಧಮುಕ್ತ ಕುಶಾಲನಗರಕ್ಕೆ ಕೈಜೋಡಿಸಿ

Related Stories

ಪೌರ ಕಾರ್ಮಿಕರ ದಿನ ಭಾಷಣಕ್ಕೆ ಸೀಮಿತವಾಗದಿರಲಿ

ಗುಡ್ಡೆಹೊಸೂರಿನಲ್ಲಿ ಸ್ವಚ್ಛತಾ ಹೀ ಸೇವಾ ಕಾರ್ಯಕ್ರಮ

ಕತ್ತಲೆಕಾಡಿನಲ್ಲಿ ಗಣೇಶೋತ್ಸವ ಸಂಭ್ರಮ

ಗಣೇಶೋತ್ಸವ ಹಿನ್ನೆಲೆಯಲ್ಲಿ ರಕ್ತದಾನ ಶಿಬಿರ