ಕೊಡಗು

ಮಕ್ಕಳ ರಕ್ಷಣೆ, ಸುರಕ್ಷತೆಗೆ ಸಹಾಯವಾಣಿ

ಕೊಡಗು ನಕಾಶೆ
ಕೊಡಗು ನಕಾಶೆ
ಸುನಿಲ್ ಪೊನ್ನೇಟಿ
Published on: 
ಮಡಿಕೇರಿ:
ಮಕ್ಕಳ ಹಕ್ಕುಗಳ ರಕ್ಷಣೆ ಮತ್ತು ಅವರ ಸುರಕ್ಷತೆಗಾಗಿ ಸರ್ಕಾರ ತೆಗೆದುಕೊಂಡಿರುವ ಕ್ರಮಗಳಲ್ಲಿ ಮಕ್ಕಳ ಸಹಾಯವಾಣಿ ಕೂಡ ಒಂದು. ಇದು ದೇಶದ ಮೊದಲ 24 ಗಂಟೆಯೂ ಕಾರ್ಯ ನಿರ್ವಹಿಸುವ ಉಚಿತ ತುರ್ತು ದೂರವಾಣಿ ಸೇವೆಯಾಗಿದ್ದು, 2023ರ ಸೆಪ್ಟೆಂಬರ್‌ನಿAದ ಕೊಡಗಿನಲ್ಲೂ ಚಾಲ್ತಿಯಲ್ಲಿದೆ. ಮಕ್ಕಳ ಸಹಾಯವಾಣಿ ಮೂಲಕ ಜಿಲ್ಲೆಯಲ್ಲಿ ಇಲ್ಲಿಯ ತನಕ 784 ಪ್ರಕರಣಗಳು ದಾಖಲಾಗಿದೆ. ವಿಶೇಷ ಎಂದರೆ 46 ಪ್ರಕರಣಗಳು ಬಾಲ್ಯವಿವಾಹಕ್ಕೆ ಸಂಬAಧಿಸಿದ್ದಾಗಿದೆ.
ಸಂಕಷ್ಟದಲ್ಲಿರುವ ಮಕ್ಕಳಿಗೆ ತುರ್ತು ಸ್ಪಂದನೆ ನೀಡಲು ಕೇಂದ್ರ ಸರ್ಕಾರದ ಶೇ. 100ರಷ್ಟು ಆರ್ಥಿಕ ನೆರವಿನೊಂದಿಗೆ 2023 ಸೆಪ್ಟೆಂಬರ್‌ನಿAದ ರಾಜ್ಯ ಸರ್ಕಾರದ ವತಿಯಿಂದ ಕರ್ನಾಟಕದಲ್ಲೂ ಮಕ್ಕಳ ಸಹಾಯವಾಣಿ ಸೇವೆ ಲಭ್ಯವಿದೆ. ಯಾವುದೇ ಮಗು ಸಂಕಷ್ಟದಲ್ಲಿದ್ದರೆ ಅಥವಾ ಅಂಥ ಮಗುವಿನ ಪರವಾಗಿ ಯಾರು ಬೇಕಾದರೂ ಮಕ್ಕಳ ಸಹಾಯವಾಣಿ ಸಂಖ್ಯೆ 1098ಕ್ಕೆ ಕರೆ ಮಾಡಬಹುದಾಗಿದೆ. ದಿನದ 24 ಗಂಟೆಗಳ ಅವಧಿಯಲ್ಲೂ ಕರೆ ಮಾಡಬಹುದಾದ ತುರ್ತು ದೂರವಾಣಿ ಸಂಖ್ಯೆ ಇದಾಗಿದ್ದು ರಾಜ್ಯದಲ್ಲಿ ಇಲ್ಲಿಯ ತನಕ 4,41,869 ಕರೆಗಳು ಸ್ವೀಕೃತವಾಗಿವೆ. ಈ ಕರೆಗಳ ಆಧಾರದಲ್ಲಿ 40,233 ಪ್ರಕರಣಗಳನ್ನು ದಾಖಲಿಸಲಾಗಿದೆ. ಕೊಡಗಿನಲ್ಲಿ 784 ಪ್ರಕರಣಗಳನ್ನು ದಾಖಲಿಸಿಕೊಳ್ಳಲಾಗಿದೆ.
ಅಪಾಯದಲ್ಲಿರುವ ಅಥವಾ ಶೋಷಣೆಗೆ ಒಳಗಾಗುತ್ತಿರುವ ಮಕ್ಕಳ ರಕ್ಷಣೆ, ಆಶ್ರಯವಿಲ್ಲದ ಮಕ್ಕಳಿಗೆ ವಸತಿ ಮತ್ತು ಶಿಕ್ಷಣದ ವ್ಯವಸ್ಥೆ, ಮಕ್ಕಳ ಹಕ್ಕುಗಳ ಬಗ್ಗೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸುವುದು ಮಕ್ಕಳ ಸಹಾಯವಾಣಿ ಆರಂಭಿಸಿರುವುದರ ಹಿಂದಿನ ಪ್ರಮುಖ ಉದ್ದೇಶವಾಗಿದೆ. ಬಾಲ ಕಾರ್ಮಿಕರು ಕೆಲಸ ಮಾಡುತ್ತಿದ್ದಲ್ಲಿ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಹೆಣ್ಣುಮಕ್ಕಳಿಗೆ ಅಥವಾ 21 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಗಂಡುಮಕ್ಕಳಿಗೆ ಮದುವೆ ಮಾಡುತ್ತಿದ್ದರೆ, ಮಕ್ಕಳ ಮೇಲೆ ಹಲ್ಲೆ ಅಥವಾ ಲೈಂಗಿಕ ಕಿರುಕುಳ ನಡೆಯುತ್ತಿದ್ದರೆ, ಮಕ್ಕಳು ಕಾಣೆಯಾದಾಗ ಅಥವಾ ರಸ್ತೆ ಬದಿ ಅನಾಥವಾಗಿ ಕಂಡುಬAದಾಗ, ಮಕ್ಕಳನ್ನು ಅಕ್ರಮವಾಗಿ ಮಾರಾಟ ಮಾಡುತ್ತಿರುವುದು ಗೊತ್ತಾದರೆ ಅಥವಾ ಮಗು ಮಾನಸಿಕ ಒತ್ತಡದಲ್ಲಿದ್ದು ಸಹಾಯದ ನಿರೀಕ್ಷೆಯಲ್ಲಿ ಇದ್ದರೆ 1098ಕ್ಕೆ ಕರೆ ಮಾಡಬಹುದಾಗಿದೆ.
ಮಕ್ಕಳ ಸಹಾಯವಾಣಿಗೆ ಕರೆ ಮಾಡಿದ ಕೂಡಲೇ ಚೈಲ್ಡ್ಲೈನ್ ಕೇಂದ್ರದ ಪ್ರತಿನಿಧಿಗಳು ಮಾತನಾಡುತ್ತಾರೆ. ತುರ್ತು ಸಂದರ್ಭವಾಗಿದ್ದರೆ 60 ನಿಮಿಷಗಳ ಒಳಗಾಗಿ ತಂಡ ಸ್ಥಳಕ್ಕೆ ಆಗಮಿಸುತ್ತದೆ. ಅಗತ್ಯವಿದ್ದರೆ ಪೊಲೀಸರು ಮತ್ತು ವೈದ್ಯರ ಸಹಾಯವನ್ನೂ ಪಡೆಸುಕೊಳ್ಳಲಾಗುತ್ತದೆ. ಮಗುವನ್ನು ಮಕ್ಕಳ ಕಲ್ಯಾಣ ಸಮಿತಿ ಮುಂದೆ ಹಾಜರುಪಡಿಸಿ, ಮುಂದಿನ ರಕ್ಷಣೆಯ ಬಗ್ಗೆ ತೀರ್ಮಾನ ತೆಗೆದುಕೊಳ್ಳಲಾಗುತ್ತದೆ. ಇದು ಸರ್ಕಾರದ ಉಚಿತ ಸೇವೆ ಆಗಿದ್ದು, ಕರೆಗೂ ಯಾವುದೇ ಶುಲ್ಕ ಇಲ್ಲ. ಕರೆ ಮಾಡುವವರ ವಿವರಗಳನ್ನು ರಹಸ್ಯವಾಗಿಡಲಾಗುತ್ತದೆ.
ಸರ್ಕಾರದ ಈ ಸೌಲಭ್ಯ ಬಳಸಿಕೊಂಡು ಜಿಲ್ಲೆಯಲ್ಲೂ ಪ್ರತಿದಿನ ಮಕ್ಕಳ ಸಹಾಯವಾಣಿಗೆ ಕರೆಗಳು ಬರುತ್ತಿರುತ್ತದೆ. ಈ ಕರೆಗಳ ಪರಿಶೀಲನೆ ನಂತರ ಪ್ರಕರಣಗಳು ದಾಖಲಾಗುತ್ತದೆ. 2023ರ ಸೆಪ್ಟೆಂಬರ್‌ನಿAದ 2024ರ ಮಾರ್ಚ್ ತನಕ ಮಕ್ಕಳ ಸಹಾಯವಾಣಿ ಮೂಲಕ 114 ಪ್ರಕರಣಗಳು ದಾಖಲಾಗಿದ್ದು, ಎಲ್ಲನ್ನೂ ವಿಲೇವಾರಿ ಮಾಡಲಾಗಿದೆ. ಈ ಅವಧಿಯಲ್ಲಿ 8 ಪ್ರಕರಣಗಳು ಬಾಲ್ಯ ವಿವಾಹಕ್ಕೆ ಸಂಬAಧಿಸಿದ್ದಾಗಿದ್ದು, ಉಳಿದವರು ಇತರ ಪ್ರಕರಣಗಳಾಗಿವೆ. 2024ರ ಏಪ್ರಿಲ್‌ನಿಂದ 2025ರ ಮಾರ್ಚ್ ತನಕ 436 ಪ್ರಕರಣಗಳು ದಾಖಲಾಗಿದ್ದು, ಎಲ್ಲಾ 436 ಪ್ರಕರಣಗಳನ್ನೂ ವಿಲೇವಾರಿ ಮಾಡಲಾಗಿದೆ. ಈ ಪ್ರಕರಣಗಳ ಪೈಕಿ 20 ಬಾಲ್ಯವಿವಾಹ, 1 ಮಕ್ಕಳ ಭಿಕ್ಷಾಟನೆ ಹಾಗೂ 3 ಮಕ್ಕಳು ಪತ್ತೆಯಾದ ಪ್ರಕರಣಗಳೂ ಸೇರಿವೆ.
2025ರ ಏಪ್ರಿಲ್‌ನಿಂದ 2026ರ ಮಾರ್ಚ್ ತನಕ 235 ಪ್ರಕರಣಗಳು ದಾಖಲಾಗಿದ್ದು, 208 ಪ್ರಕರಣಗಳನ್ನು ವಿಲೇವಾರಿ ಮಾಡಲಾಗಿದೆ. ಮಕ್ಕಳ ಸಹಾಯವಾಣಿ ಮೂಲಕ ದಾಖಲಾದ ಪ್ರಕರಣಗಳಲ್ಲಿ 18 ಬಾಲ್ಯವಿವಾಹ, 7 ಮಕ್ಕಳಿಂದ ಭಿಕ್ಷಾಟನೆ ಹಾಗೂ ಮಕ್ಕಳು ಪತ್ತೆ ಮತ್ತು ನಾಪತ್ತೆಗೆ ಸಂಬAಧಿಸಿದ 41 ಪ್ರಕರಣಗಳೂ ಸೇರಿವೆ.
ಸರ್ಕಾರದ ಜಾಗೃತಿ ಕಾರ್ಯಕ್ರಮಗಳು, ಹೆಚ್ಚಾಗಿರುವ ವಿದ್ಯಾವಂತರ ಸಂಖ್ಯೆ ಮಧ್ಯೆಯೂ ಬಾಲ್ಯ ವಿವಾಹ ಪದ್ಧತಿ ಕೊಡಗಿನಲ್ಲಿ ಇನ್ನೂ ಜೀವಂತವಾಗಿರುವುದು ಪ್ರಜ್ಞಾವಂತರ ಆತಂಕಕ್ಕೆ ಕಾರಣವಾಗಿದೆ. ಹೆಚ್ಚು ಸುಶಿಕ್ಷಿತರು ಮತ್ತು ಕಾನೂನಿಗೆ ಗೌರವ ಕೊಡುವ ಶಿಸ್ತನ್ನು ರೂಢಿಸಿಕೊಂಡಿರುವವರನ್ನು ಹೊಂದಿರುವ ಜಿಲ್ಲೆ ಹೆಗ್ಗಳಿಕೆಯ ಕೊಡಗಿನಲ್ಲೂ ಈ ಅನಿಷ್ಟ ನಡೆಯುತ್ತಿರುವುದು ಕಳವಳಕಾರಿಯಾಗಿದೆ. ಕೊಡಗಿನಲ್ಲಿ 2020 -21ರಲ್ಲಿ 2, 2021-22 ರಲ್ಲಿ 3, 2022-23ರಲ್ಲಿ 2 ಬಾಲ್ಯ ವಿವಾಹ ಪ್ರಕರಣಗಳು ದಾಖಲಾಗಿದ್ದವು. ನಂತರದ ದಿನಗಳಲ್ಲಿ ಮಕ್ಕಳ ಸಹಾಯವಾಣಿ ಮೂಲಕ ಬಾಲ್ಯವಿವಾಹಕ್ಕೆ ಸಂಬAಧಿಸಿದAತೆ ಒಟ್ಟು 46 ಪ್ರಕರಣಗಳು ದಾಖಲಾಗಿವೆ. ರಾಜ್ಯದಲ್ಲಿ ನಡೆದಿರುವ ಪ್ರಕರಣಗಳಿಗೆ ಹೋಲಿಸಿದರೆ ಕೊಡಗಿನಲ್ಲಿ ದಾಖಲಾಗಿರುವ ಬಾಲ್ಯ ವಿವಾಹ ಪ್ರಕರಣಗಳ ಸಂಖ್ಯೆ ಕಡಿಮೆ ಅನ್ನಿಸಿದರೂ ಸುಶಿಕ್ಷಿತರ ಜಿಲ್ಲೆಯಲ್ಲೂ ಈ ಪಿಡುಗು ಇನ್ನೂ ಜೀವಂತವಾಗಿರುವುದು ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
ಕೊಡಗಿನಲ್ಲಿ ಗಿರಿಜನ ಹಾಡಿಗಳಲ್ಲಿ ಈ ಪಿಡುಗು ಹೆಚ್ಚಾಗಿ ಕಂಡುಬರುತ್ತಿದೆ ಎನ್ನುತ್ತಾರೆ ಸಾಮಾಜಿಕ ಹೋರಾಟಗಾರರು. ಇಲ್ಲಿ ಸರ್ಕಾರದ ಗಮನಕ್ಕೆ ಬಂದಿರುವ ಪ್ರಕರಣಗಳು ಇಷ್ಟಾದರೆ, ಅಧಿಕಾರಿಗಳ ಕಣ್ಣು ತಪ್ಪಿಸಿ ಆಗಾಗ್ಗೆ ಬಾಲ್ಯ ವಿವಾಹಗಳು ನಡೆಯುತ್ತಿರುತ್ತದೆ ಎನ್ನುತ್ತಾರೆ ಈ ಸಂಬAಧ ಜಾಗೃತಿ ಕಾರ್ಯಕ್ರಮ ನಡೆಸುತ್ತಿರುವ ಸ್ವಯಂ ಸೇವಾ ಸಂಸ್ಥೆಯೊAದರ ಕಾರ್ಯಕರ್ತೆ. ಇಂಥ ಪ್ರಕರಣಗಳು ತಮ್ಮ ಗಮನಕ್ಕೆ ಬಂದ ಕೂಡಲೇ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಗೆ ತಿಳಿಸುವ ಮೂಲಕ ಇಂತಹ ಅನಿಷ್ಟದ ಹೆಸರಲ್ಲಿ ಎಳೆವೆಯಲ್ಲೇ ಸಂಸಾರ ಬಂಧನಕ್ಕೆ ಒಳಗಾಗುವುದನ್ನು ತಪ್ಪಿಸಲಾಗಿದೆ ಎಂದು ಹೇಳುತ್ತಾರೆ.
ಕೊಡಗಿನಲ್ಲಿ ಒಟ್ಟು 167 ಗಿರಿಜನ ಹಾಡಿಗಳಿವೆ. ಬಾಲ್ಯವಿವಾಹ ಕಾನೂನು ಬಾಹಿರ ಎನ್ನುವುದರ ಬಗ್ಗೆ ಬಹುತೇಕ ಹಾಡಿಗಳಲ್ಲಿ ಜಾಗÊತಿಯೇ ಇಲ್ಲ. ಬಾಲಕಿ ಪ್ರೌಢಾವಸ್ಥೆಗೆ ಕಾಲಿಡುತ್ತಿದ್ದಂತೆ ಅಥವಾ ಮೈತುಂಬಿಕೊAಡು ಕಂಡು ಬಂದರೆ ಅದಕ್ಕೂ ಮೊದಲೇ ಮದುವೆ ಮಾಡುವುದು ರೂಢಿಯಲ್ಲಿದೆ. ಇದನ್ನೊಂದು ಸಂಪ್ರದಾಯ ಎನ್ನುವಂತೆ ಬಹುತೇಕರು ಪಾಲಿಸಿಕೊಂಡು ಬರುತ್ತಿದ್ದಾರೆ. ಸಮಾಜದ ಮುಖ್ಯ ವಾಹಿನಿಯಲ್ಲಿ ಬೆರೆತಿರುವ ಆದಿವಾಸಿ ಕುಟುಂಬಗಳು, ಅP್ಷÀರ ಜ್ಞಾನ ಹೊಂದಿರುವವರಲ್ಲಿ ಬಾಲ್ಯವಿವಾಹ ಸರಿಯಲ್ಲ ಎನ್ನುವ ಅರಿವು ಕಾಣಬಹುದಾಗಿದ್ದರೂ ಇಂತಹವರ ಸಂಖ್ಯೆ ತುಂಬಾ ಕಡಿಮೆ ಇದೆ. ಮಡಿಕೇರಿ ತಾಲೂಕಿನಲ್ಲಿ 23, ಕುಶಾಲನಗರ ಒಳಗೊಂಡು ಸೋಮವಾರಪೇಟೆ ತಾಲೂಕಿನಲ್ಲಿ 57 ಹಾಗೂ ಪೊನ್ನಂಪೇಟೆ ಒಳಗೊಂಡು ವಿರಾಜಪೇಟೆ ತಾಲೂಕು 87 ಹಾಡಿಗಳು ಇವೆ. ಈ ಪೈಕಿ ಸೋಮವಾರಪೇಟೆ ತಾಲೂಕಿನಲ್ಲೇ ಹೆಚ್ಚಿನದಾಗಿ ಬಾಲ್ಯವಿವಾಹ ಪ್ರಯತ್ನಗಳು ಮತ್ತು ಪ್ರಕರಣಗಳು ಬೆಳಕಿಗೆ ಬಂದಿರುವ ಬಗ್ಗೆ ಸ್ವಯಂ ಸೇವಾ ಸಂಸ್ಥೆಯ ಕಾರ್ಯಕರ್ತರು ಮಾಹಿತಿ ನೀಡುತ್ತಾರೆ.
"

ಮಕ್ಕಳ ಸುರಕ್ಷತೆಗೆ ಸಂಬAಧಿಸಿದAತೆ ಸರ್ಕಾರ ಸಾಕಷ್ಟು ರಕ್ಷಣಾ ಕ್ರಮಗಳನ್ನು ತೆಗೆದುಕೊಂಡಿದೆ. ಸಂಕಷ್ಟ ಪರಿಸ್ಥಿತಿಯಲ್ಲಿ ಇರುವ ಯಾವುದೇ ಮಗು ದಿನದ 24 ಗಂಟೆಯೂ ಉಚಿತ ಸಹಾಯವಾಣಿಗೆ ಕರೆ ಮಾಡಬಹುದಾಗಿದೆ. ಈ ಸಂದರ್ಭ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ, ಜಿಲ್ಲಾ ಮಕ್ಕಳ ಸಹಾಯವಾಣಿ ಘಟಕಗಳು ಸಂಕಷ್ಟದಲ್ಲಿ ಇರುವ ಮಕ್ಕಳನ್ನು ತ್ವರಿತವಾಗಿ ತಲುಪಿ ರಕ್ಷಣೆ ಮಾಡುವರು. 14 ವರ್ಷದೊಳಗಿನ ಮಕ್ಕಳನ್ನು ಯಾವುದೇ ರೀತಿಯ ಉದ್ಯೋಗದಲ್ಲಿ ತೊಡಗಿಸಿಕೊಳ್ಳುವುದು, 14-18 ವಯೋಮಾನದ ಮಕ್ಕಳನ್ನು ಅಪಾಯಕಾರಿ ಉದ್ಯಮಗಳಲ್ಲಿ ತೊಡಗಿಸಿಕೊಳ್ಳುವುದನ್ನು ನಿಷೇಧಿಸಲಾಗಿದೆ. ಬಾಲ್ಯ ವಿವಾಹ ತಡೆಯಲು ಗ್ರಾಮ ಪಂಚಾಯಿತಿ, ತಾಲೂಕು, ಜಿಲ್ಲೆ ಹಾಗೂ ರಾಜ್ಯಮಟ್ಟದಲ್ಲಿ ಬಾಲ್ಯ ವಿವಾಹ ನಿಷೇಧಾಧಿಕಾರಿಗಳನ್ನು ನೇಮಿಸಲಾಗಿದೆ.

Help
Child
Line
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net