ಕೊಡಗು

ಕೊಡಗು ಜಿಲ್ಲೆಯಲ್ಲಿ ಅಂತರ್ಜಲ ಮಟ್ಟ ಕುಸಿತ

ಅಂತರ್ಜಲ ಮಟ್ಟ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವ ಕೆರೆಗಳು
ಅಂತರ್ಜಲ ಮಟ್ಟ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುವ ಕೆರೆಗಳು
ಸುನಿಲ್ ಪೊನ್ನೇಟಿ
Published on: 
ಮಡಿಕೇರಿ:
ಕೊಡಗಿನಲ್ಲಿ 2025ರ ಮುಂಗಾರಿನಲ್ಲಿ ಉತ್ತಮ ಮಳೆ ಸುರಿದರೂ ಜಿಲ್ಲೆಯ ಕೆಲವು ತಾಲೂಕುಗಳಲ್ಲಿ ಅಂತರ್ಜಲ ಮಟ್ಟದ ಪ್ರಮಾಣ ಆತಂಕಕಾರಿಯಾಗಿದೆ. ಬಿಸಿಲಿನ ಝಳ ದಿನದಿಂದ ದಿನಕ್ಕೆ ಏರಿಕೆ ಆಗುತ್ತಿರುವುದರಿಂದ ಏಪ್ರಿಲ್-ಮೇ ತಿಂಗಳಿನಲ್ಲಿ ಈ ಇದು ಮತ್ತಷ್ಟು ಕೆಳಕ್ಕೆ ಇಳಿಯುವ ಬಗ್ಗೆ ತಜ್ಞರು ಮುನ್ಸೂಚನೆ ನೀಡಿದ್ದಾರೆ. ನದಿಗಳಲ್ಲಿ ನೀರಿನ ಹರಿಯುವಿಕೆ ಪ್ರಮಾಣ ಕುಸಿತವಾದರೆ ಜನ-ಜಾನುವಾರುಗಳಿಗೆ ಕುಡಿಯುವ ನೀರಿನ ಸಮಸ್ಯೆ ಆಗಬಹುದಾದ ಸಾಧ್ಯತೆಯನ್ನೂ ತಳ್ಳಿ ಹಾಕುವಂತಿಲ್ಲ.
ಈ ಹಿಂದಿನ ವರ್ಷಗಳಿಗೆ ಹೋಲಿಸಿದರೆ ಜಿಲ್ಲೆಯಲ್ಲಿ ವಾಡಿಕೆಗಿಂತ ಹೆಚ್ಚು ಮಳೆಯಾಗಿದೆ. ಅದರಲ್ಲೂ ಕಳೆದ ವರ್ಷ ಮೇ ಮಧ್ಯ ಭಾಗದಿಂದಲೇ ಮಳೆಯ ಆರ್ಭಟ ಶುರುವಾಗಿತ್ತು. ಹಾಗಾಗಿ ಮಾರ್ಚ್ನಿಂದ ಮೇ ತನಕದ ಮುಂಗಾರು ಪೂರ್ವ ಅವಧಿಯಲ್ಲಿ ವಾಡಿಕೆಗಿಂತ ಶೇ. 207ರಷ್ಟು ಎಂದರೆ 750 ಮಿಮೀ ಮಳೆ ಕೊಡಗಿನಲ್ಲಿ ದಾಖಲಾಗಿತ್ತು. ಮುಂಗಾರು ಪ್ರಾರಂಭದ ದಿನಗಳಲ್ಲಿ ಜೂನ್‌ನಲ್ಲಿ ಮಳೆಯ ಪ್ರಮಾಣ ಮಂದಗತಿಯಲ್ಲಿ ಇದ್ದರೂ ಜುಲೈ ನಂತರ ಚೇತರಿಸಿಕೊಂಡಿದ್ದರಿAದ ಜೂನ್‌ನಿಂದ ಸೆಪ್ಟೆಂಬರ್ ತನಕದ ಮುಂಗಾರು ಅವಧಿಯಲ್ಲಿ 2,400 ಮಿಮೀಗೂ ಅಧಿಕ ಮಳೆ ಆಗಿದೆ. ಅಕ್ಟೋಬರ್‌ನಿಂದ ಡಿಸೆಂಬರ್ ತನಕ 250-300 ಮಿಮೀನಷ್ಟು ಸಾಧಾರಣ ಮಳೆಯ ಪ್ರಮಾಣ ಕಂಡು ಬಂದಿದೆ.
ಜಿಲ್ಲೆಯಲ್ಲಿ ಅತ್ಯಧಿಕ ಮಳೆ ಮಡಿಕೇರಿ ತಾಲೂಕಿನಲ್ಲಿ 3,850 ಮಿಮೀ ದಾಖಲಾಗಿದ್ದರೆ, ಅತ್ಯಂತ ಕಡಿಮೆ ಮಳೆ ಕುಶಾಲನಗರ ತಾಲೂಕಿನಲ್ಲಿ 1,850 ಮಿಮೀನಷ್ಟು ಸುರಿದಿದೆ. ಉಳಿದಂತೆ ಪೊನ್ನಂಪೇಟೆ ತಾಲೂಕಿನಲ್ಲಿ 3,420 ಮಿಮೀ, ವಿರಾಜಪೇಟೆ ತಾಲೂಕಿನಲ್ಲಿ 3,280 ಮಿಮೀ ಹಾಗೂ ಸೋಮವಾರಪೇಟೆ ತಾಲೂಕಿನಲ್ಲಿ 2,950 ಮಿಮೀ ಮಳೆ ಆಗಿತ್ತು. ಜುಲೈ ಮಧ್ಯಭಾಗದಲ್ಲಿ ಭಾಗಮಂಡಲ ಮತ್ತು ಶಾಂತಳ್ಳಿ ಭಾಗಗಳಲ್ಲಿ ಒಂದೇ ದಿನ 250 ಮಿಮೀಗೂ ಅಧಿಕ ಮಳೆ ದಾಖಲಾಗಿತ್ತು. ಇಷ್ಟಾದರೂ ಕೊಡಗಿನಲ್ಲಿ ಅಂತರ್ಜಲ ಮಟ್ಟ ಕಡಿಮೆ ಆಗುತ್ತಿರುವುದು ಆತಂಕಕಾರಿಯಾಗಿದೆ.
ಸಣ್ಣ ನೀರಾವರಿ ಇಲಾಖೆ ಮೂಲಗಳ ಪ್ರಕಾರ ಅತೀ ಕಡಿಮೆ ಪ್ರಮಾಣದಲ್ಲಿ ಮಳೆ ದಾಖಲಾಗಿರುವ ಕುಶಾಲನಗರ ತಾಲೂಕಿನಲ್ಲಿ 2023ರಲ್ಲಿ ಭೂಮಿ ಮಟ್ಟದಿಂದ ಸರಾಸರಿ 5.32 ಮೀಟರ್ ಆಳದಲ್ಲಿ ಇದ್ದ ಅಂತರ್ಜಲ 2024ರಲ್ಲಿ 7.31 ಮಿ. ಕೆಳಕ್ಕೆ ಇಳಿಯುವ ಮೂಲಕ 2 ಮೀ.ನಷ್ಟು ಕುಸಿತ ಆಗಿದೆ. 2025ರಲ್ಲಿ ಮತ್ತೆ 7.35 ಮೀ.ಗೆ ಇಳಿದು 0.04 ಮೀ. ಗಳಷ್ಟು ಅಂತರ್ಜಲ ಮಟ್ಟ ಕಡಿಮೆ ಆಗಿರುವುದು ಕಂಡು ಬಂದಿದೆ.
ಅತೀ ಹೆಚ್ಚು ಮಳೆಗೆ ಸಾಕ್ಷಿಯಾಗಿದ್ದ ಮಡಿಕೇರಿ ತಾಲೂಕಿನಲ್ಲೂ ಪರಿಸ್ಥಿತಿ ಇದಕ್ಕಿಂತ ಏನೂ ಭಿನ್ನವಾಗಿಲ್ಲ. 2023ರಲ್ಲಿ ಭೂಮಿ ಮಟ್ಟದಿಂದ ಸರಾಸರಿ 12.21ರಷ್ಟು ಕೆಳಕ್ಕೆ ಇದ್ದ ಅಂತರ್ಜಲ ಮಟ್ಟ 2024ರಲ್ಲಿ 11.27 ಮೀಟರ್‌ಗೆ ಹೆಚ್ಚಾಗುವ ಮೂಲಕ 0.94 ಮೀಟರ್‌ಗೆ ಏರಿ ಸ್ವಲ್ಪ ಸುಧಾರಣೆ ಕಂಡಿತ್ತಾದರೂ 2025ರಲ್ಲಿ 13.86 ಮೀಟರ್‌ಗೆ ಇಳಿದು 2.60 ಮೀ.ಗಳಷ್ಟು ಕುಸಿತ ಕಾಣುವಂತಾಗಿದೆ.
ಪೊನ್ನಂಪೇಟೆ ತಾಲೂಕಿನಲ್ಲಿ ಪ್ರಸ್ತುತ ಪರಿಸ್ಥಿತಿ ಸ್ವಲ್ಪ ಸಮಧಾನಕರವಾಗಿದೆ. 2023ರಲ್ಲಿ ಭೂಮಿ ಮಟ್ಟದಿಂದ ಸರಾಸರಿ 11.85 ಮೀಟರ್ ಆಳದಲ್ಲಿ ಇದ್ದ ಅಂತರ್ಜಲ ಮಟ್ಟ 2024ರಲ್ಲಿ 13.44 ಮೀಟರ್ ಆಳಕ್ಕೆ ಇಳಿದು 1.59 ಮೀ.ಗಳಷ್ಟು ಕುಸಿತ ದಾಖಲಾಯಿತಾದರೂ 2025ರಲ್ಲಿ 10.17 ಮೀಟರ್ ಏರಿಕೆ ಕಂಡು 3.37 ಮೀಟರ್‌ಗಳಷ್ಟು ಅಂತರ್ಜಲ ಮಟ್ಟದಲ್ಲಿ ಹೆಚ್ಚಳ ಸಾಧಿಸಲಾಗಿದೆ.
ಗುಡ್ಡಗಾಡು ಮತ್ತು ಬಯಲು ಪ್ರದೇಶ ಹೊಂದಿರುವ ಸೋಮವಾರಪೇಟೆ ತಾಲೂಕಿನಲ್ಲಿ 2023ರಲ್ಲಿ ಅಂತರ್ಜಲ ಪ್ರಮಾಣ ಭೂಮಿ ಮಟ್ಟದಿಂದ ಸರಾಸರಿ 15.94 ಮೀಟರ್ ಕೆಳಕ್ಕೆ ಇತ್ತು. 2024ರಲ್ಲಿ ಈ ಪ್ರಮಾಣ 14.07 ಮೀಟರ್‌ಗೆ ಏರಿಕೆ ಆಗುವ ಮೂಲಕ ಅಂತರ್ಜಲ ಮಟ್ಟದಲ್ಲಿ 1.87 ಮೀಟರ್‌ಗಳಷ್ಟು ಚೇತರಿಕೆ ಕಂಡು ಬಂದಿತ್ತು. ಆದರೆ 2025ರಲ್ಲಿ 18.71 ಮೀಟರ್‌ಗೆ ಇಳಿಯುವ ಮೂಲಕ 4.64ರಷ್ಟು ಪ್ರಮಾಣದಲ್ಲಿ ಕುಸಿತ ದಾಖಲಾಯಿತು.
ವಿರಾಜಪೇಟೆ ತಾಲೂಕಿನಲ್ಲಿ ಅಂತರ್ಜಲ ಮಟ್ಟ ಆತಂಕಕಾರಿ ಪ್ರಮಾಣದಲ್ಲಿ ಕುಸಿತ ಕಂಡು ಬಂದಿದೆ. 2023ರಲ್ಲಿ ಭೂಮಿ ಮಟ್ಟದಿಂದ ಸರಾಸರಿ 17.72 ಮೀಟರ್‌ನಷ್ಟಿದ್ದ ಅಂತರ್ಜಲ ಮಟ್ಟ 2024ರಲ್ಲಿ 12.51 ಮೀಟರ್‌ಗೆ ಏರಿ 5.21 ಮೀಟರ್‌ಗಳಷ್ಟು ಹೆಚ್ಚಳ ಕಂಡು ಬಂದು ನಿರೀಕ್ಷೆ ಮೂಡಿಸಿತ್ತಾದರೂ 2025ರಲ್ಲಿ 18.53 ಮೀಟರ್‌ಗೆ ಇಳಿದು 6.02 ಮೀಟರ್‌ಗಳಷ್ಟು ದಾಖಲೆಯ ಕುಸಿತ ಕಾಣುವಂತಾಗಿದೆ.
ಜಿಲ್ಲೆಯಲ್ಲಿ ಬೆಟ್ಟ ಪ್ರದೇಶ ಹೆಚ್ಚು ಇರುವುದರಿಂದ ಮಳೆ ಜೋರು ಬಂದರೂ ಭೂಮಿಯಲ್ಲಿ ನೀರು ಇಂಗದೇ ಹರಿದು ಹೋಗುತ್ತದೆ. ಹಾಗಾಗಿ ಹೆಚ್ಚಿನ ಮಳೆ ಬಂದರೂ ಅಂತರ್ಜಲ ಮಟ್ಟದಲ್ಲಿ ದೊಡ್ಡ ವ್ಯತ್ಯಾಸ ಆಗುವುದಿಲ್ಲ. 2018ರಲ್ಲೇ ಇದು ಸಾಬೀತಾಗಿದೆ. ಆ ವರ್ಷ ಜಿಲ್ಲೆಯಲ್ಲಿ ಅತ್ಯಧಿಕ ಎಂದರೆ 4,296 ಮಿ.ಮೀ. ಮಳೆ ಬಂದಿತ್ತು. ಆದರೆ ಅಂತರ್ಜಲ ಮಟ್ಟ ಸರಾಸರಿ 10.07ರಷ್ಟಿತ್ತು.
2018ಕ್ಕೂ ಮೊದಲು ಬೇಸಿಗೆಯಲ್ಲೂ ತಕ್ಕಮಟ್ಟಿಗೆ ನದಿಗಳಲ್ಲಿ ನೀರು ಇರುತ್ತಿತ್ತು. ಆದರೆ ನಂತರದ ವರ್ಷಗಳಲ್ಲಿ ಜೋರು ಮಳೆ ಬಂದಾಗ ನದಿಗಳಲ್ಲಿ ನೀರು ತುಂಬಿ ಹರಿದರೂ ಜನವರಿ ನಂತರ ಕ್ಷೀಣಿಸುತ್ತಾ ಬರುತ್ತಿದೆ. ನದಿ, ತೊರೆಗಳಲ್ಲಿ ಹೂಳು ತುಂಬಿಕೊAಡು ಭೂಮಿಗೆ ನೀರು ಇಂಗುವಿಕೆ ಪ್ರಮಾಣ ಕಡಿಮೆ ಆಗುತ್ತಿರುವುದೇ ಇದಕ್ಕೆ ಕಾರಣ ಎನ್ನುತ್ತಾರೆ ತಜ್ಞರು.
ಅಂತರ್ಜಲಕ್ಕೆ ದೊಡ್ಡಮಟ್ಟದ ಕೊಡುಗೆ ನೀಡುತ್ತಿದ್ದ ಭತ್ತÀ ಬೆಳೆಯುವ ಜಾಗದ ವಿಸ್ತಾರ ಕಡಿಮೆ ಆಗುತ್ತಿದ್ದು, ಆ ಸ್ಥಳದಲ್ಲಿ ಬಡಾವಣೆಗಳು ಎz್ದೆÃಳುತ್ತಿವೆ. ಇಲ್ಲೂ ಜನವಸತಿ ಬರುತ್ತಿರುವುದರಿಂದ ನೀರಿಗಾಗಿ ಭೂಮಿಯನ್ನು ಕೊರೆಯಲಾಗುತ್ತಿದೆ. ಜಿಲ್ಲೆಯಲ್ಲಿ ಸೋಮವಾರಪೇಟೆ, ಕುಶಾಲನಗರ ತಾಲೂಕು ಹೊರತುಪಡಿಸಿ ಉಳಿದೆರಡು ತಾಲೂಕುಗಳಲ್ಲಿ ಕÊಷಿ ಉz್ದÉÃಶಕ್ಕೆ ಕೊಳವೆ ಬಾವಿ ಬಳಕೆ ಕಡಿಮೆ ಇದ್ದರೂ ಮನೆ ಸೇರಿ ಇತರ ಕಾರಣಕ್ಕೆ ಬೋರ್‌ವೆಲ್ ಉಪಯೋಗ ಹೆಚ್ಚುತ್ತಿರುವುದೂ ಅಂತರ್ಜಲದ ಮೇಲೆ ಪರಿಣಾಮ ಬೀರುತ್ತಿದೆ.
ಜಿಲ್ಲೆಯ ವಿವಿಧೆಡೆ 29 ಸ್ಥಳಗಳಲ್ಲಿ ಇರುವ 17 ಕೊಳವೆ ಬಾವಿ, 19 ತೆರೆದ ಬಾವಿ ಸೇರಿ 36 ವೀP್ಷÀಣಾ ಬಾವಿಗಳಲ್ಲಿ ಕಂಡುಬರುವ ಬದಲಾವಣೆಗಳನ್ನು ಗಮನಿಸಿ ಅಂತರ್ಜಲ ನಿರ್ದೇಶನಾಲಯದ ಮೂಲಕ ಅಂತರ್ಜಲ ಮಟ್ಟ ನಿರ್ಧರಿಸಲಾಗುತ್ತದೆ. ಕೊಡಗಿನಲ್ಲಿ ಅಂತರ್ಜಲ ಮಟ್ಟ ಅಪಾಯಕಾರಿ ಸ್ಥಿತಿಯಲ್ಲಿ ಇಲ್ಲ ಎಂದೇ ಈತನಕ ನಂಬಲಾಗಿತ್ತು. ಆದರೆ ವರ್ಷದಿಂದ ವರ್ಷಕ್ಕೆ ಅಂತರ್ಜಲ ಮಟ್ಟ ತಳ ಸೇರುತ್ತಿರುವುದು ಆತಂಕಕಾರಿಯಾಗಿದೆ. ಅಂತರ್ಜಲ ಮಟ್ಟ ಹೆಚ್ಚಿಸಲು ಸಣ್ಣ ನೀರಾವರಿ ಇಲಾಖೆಯಿಂದ ಕ್ರಮ ತೆಗೆದುಕೊಳ್ಳಲಾಗಿದೆ. ಅಂತರ್ಜಲ ಅತೀ ಹೆಚ್ಚು ಬಳಕೆಯ ತಾಲೂಕುಗಳಲ್ಲಿ ಚೆಕ್ ಡ್ಯಾಂಗಳ ನಿರ್ಮಾಣ ಕಾಮಗಾರಿ ಕೈಗೊಳ್ಳಲಾಗಿದೆ. ಕೊಡಗಿನಲ್ಲಿರುವ ಒಟ್ಟು 50 ಕಿಂಡಿ ಅಣೆಕಟ್ಟುಗಳ ಪೈಕಿ 26 ಕಿಂಡಿ ಅಣೆಕಟ್ಟೆಗಳ ನಿರ್ವಹಣೆಗೆ 2025-26ನೇ ಸಾಲಿನಲ್ಲಿ 63.90 ಲಕ್ಷ ರೂ. ವ್ಯಯಿಸಲಾಗಿದೆ.
"

ವರ್ಷದಿಂದ ವರ್ಷಕ್ಕೆ ಬೀಳುವ ಮಳೆಯ ಪ್ರಮಾಣ ಹಾಗೂ ಹಂಚಿಕೆಯಲ್ಲಿ ವ್ಯತ್ಯಾಸವಾಗುತ್ತಿರುವುದಲ್ಲದೆ ಅಂತರ್ಜಲ ಬಳಕೆ ಪ್ರಮಾಣ ಜಾಸ್ತಿಯಾಗುತ್ತಿರುವುದರಿಂದ ಅಂತರ್ಜಲ ಮಟ್ಟದ ಪ್ರಮಾಣ ಇಳಕೆಯಾಗುವುದು ಸರ್ವೇ ಸಾಮಾನ್ಯವಾಗಿರುತ್ತದೆ. ಮುಂಗಾರಿನಲ್ಲಿ ಉತ್ತಮ ಮಳೆಯಾಗಿದ್ದರೂ ಹಿಂಗಾರಿನಲ್ಲಿ ಬಿದ್ದ ಮಳೆಯ ಪ್ರಮಾಣ ಕಡಿಮೆ ಆಗಿರುವುದರಿಂದ ಮತ್ತು ಬಿಸಿಲಿನ ತಾಪಮಾನ ಹೆಚ್ಚಾಗುತ್ತಿರುವುದರಿಂದ ಫೆಬ್ರವರಿ 2025ಕ್ಕೆ ಹೋಲಿಸಿದರೆ ಫೆಬ್ರವರಿ 2026ಕ್ಕೆ ಅಂತರ್ಜಲ ಮಟ್ಟ ಕುಸಿತ ಆಗಿದೆ. ಸಣ್ಣ ನೀರಾವರಿ ಇಲಾಖೆಯಿಂದ ನಿರ್ಮಿಸಲಾಗುತ್ತಿರುವ ಜಿನುಗು ಕೆರೆ, ಅಣೆಕಟ್ಟು ಪಿಕಪ್, ಬಂದಾರ, ಚೆಕ್ ಡ್ಯಾಂಗಳು ಅಂತರ್ಜಲ ಮಟ್ಟ ಹೆಚ್ಚಳವಾಗಿಸುವಲ್ಲಿ ಸಹಕಾರಿಯಾಗಿವೆ.

Kodagu
Drop
Groundwater
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net