ವೈರಸ್ ತಡೆಯಲು ಲಸಿಕೆ ಪಡೆಯಿರಿ

ಮಡಿಕೇರಿ: ಹ್ಯೂಮನ್ ಪ್ಯಾಪಿಲೋಮ ವೈರಸ್ ತಡೆಯಲು ಲಸಿಕೆ ಪಡೆಯಿರಿ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ.ಸತೀಶ್ ಕುಮಾರ್ ಪ್ರಕಟಣೆಯಲ್ಲಿ ಮನವಿ ಮಾಡಿದ್ದಾರೆ.

ಎಚ್‌ಪಿವಿ ವೈರಸ್ ಅಂದರೆ ಹ್ಯೂಮನ್ ಪ್ಯಾಪಿಲೋಮ ವೈರಸ್ ಪ್ಯಾಪಿಲೋಮವಿರಿಡೆ ಎಂಬ ವೈರಸ್ ಜಾತಿಗೆ ಸೇರಿದ್ದು ಇದರಲ್ಲಿ ಒಟ್ಟು ೨೦೦ ಕ್ಕೂ ಹೆಚ್ಚು ಪ್ರಕಾರಗಳು ಇರುತ್ತದೆ. ಎಚ್‌ಪಿವಿ ೧೬ ಮತ್ತು ಎಚ್‌ಪಿವಿ ೧೮ ವೈರಸ್ ಇದು ಗರ್ಭಕಂಠದ ಕ್ಯಾನ್ಸರ್‌ಗೆ ಮೂಲ ಕಾರಣವಾಗಿರುತ್ತದೆ. ಇದನ್ನು ೨೦೩೦ ಒಳಗೆ ನಿರ್ಮೂಲನೆ ಮಾಡಲು ಜಾಗತಿಕ ಕಾರ್ಯಕ್ರಮ ರೂಪಿಸಲಾಗಿದೆ. ಇದು ಸುಮಾರು ೩೫ ವರ್ಷದಿಂದ ೪೫ ವರ್ಷದ ಒಳಗಿನವರಲ್ಲಿ ಹೆಚ್ಚು ಕಂಡು ಬರುತ್ತದೆ. ಆದ್ದರಿಂದ ಹ್ಯೂಮನ್ ಪ್ಯಾಪಿಲೋಮ ವೈರಸ್ ತಡೆಯಲು ಲಸಿಕೆ ಪಡೆಯಿರಿ ಎಂದು ಮನವಿ ಮಾಡಿದ್ದಾರೆ.

ಎಚ್‌ಪಿವಿ ಲಸಿಕೆ ಜೀವಂತ ವೈರಸ್ ಲಸಿಕೆ ಅಲ್ಲ. ಇದು ಜೀವಂತವಲ್ಲದ, ಮರು ಸಂಯೋಜಿತ ಲಸಿಕೆ. ವೈರಸ್ ತರಹದ ಕಣಗಳನ್ನು (ವಿಎಲ್‌ಪಿ) ಒಳಗೊಂಡಿದ್ದು, ಎಚ್‌ಪಿವಿ ವೈರಸ್‌ನ ಹೊರ ಕವಚವನ್ನು ಹೋಲುವ ಅಸಾಂಕ್ರಾಮಿಕ ರಚನೆಗಳಿಂದ ತಯಾರಿಸಿರುವುದರಿಂದ ಈ ಲಸಿಕೆಯು ಎಚ್‌ಪಿವಿ ಸೋಂಕು ಉಂಟುಮಾಡಲು ಸಾಧ್ಯವಿಲ್ಲ. ಶಾಲೆಯಿಂದ ಹೊರಗುಳಿದ ೧೪ ರಿಂದ ೧೫ ವ?ರ್ದೊಳಗಿನ ಹೆಣ್ಣು ಮಕ್ಕಳ ಪಟ್ಟಿ ತಯಾರಿಸಿ ಅದನ್ನು ಆರೋಗ್ಯ ಇಲಾಖೆಯ ಆಶಾ ಕಾರ್ಯಕರ್ತೆಯರು, ಸಿಬ್ಬಂದಿಗಳ ಜೊತೆ ಹಂಚಿಕೊಳ್ಳಬೇಕು. ಗುರುತಿಸಿದ ೧೪ ರಿಂದ ೧೫ ವ?ರ್ದೊಳಗಿನ ಶಾಲೆಯಿಂದ ಹೊರಗುಳಿದ ಹೆಣ್ಣುಮಕ್ಕಳಿಗೆ ಲಸಿಕೆಯನ್ನು ಹಾಕಿಸಲು ಉತ್ತೇಜನ ನೀಡಬೇಕಿದೆ ಎಂದು ತಿಳಿಸಿದ್ದಾರೆ.

ಕೊಡಗು ಜಿಲ್ಲೆಯಲ್ಲಿ ಮಾ.೯ನೇ ತಾರೀಖಿನಿಂದ ಎಚ್.ಪಿ.ವಿ ಲಸಿಕೆಯನ್ನು ನೀಡಲು ಪ್ರಾರಂಭಿಸಲಾಗಿದ್ದು, ಒಟ್ಟು ಗುರಿ ೫೨೭೬ ಇದ್ದು, ಜಿಲ್ಲೆಗೆ ೩೯೫೫ ಲಸಿಕೆಯನ್ನು ಸರಬರಾಜು ಮಾಡಿದ್ದು, ಇಲ್ಲಿಯವರೆಗೆ ೧೬೨೮ ಮಕ್ಕಳಿಗೆ ನೀಡಲಾಗಿದೆ. ಶೇ.೩೦.೮೫ ಪ್ರಗತಿ ಸಾಧಿಸಲಾಗಿದೆ. ಹೆಚ್ಚಿನ ಮಕ್ಕಳು ಲಸಿಕೆಯನ್ನು ಪಡೆಯಲು ಹಿಂದೇಟು ಹಾಕುತ್ತಿದ್ದು ಅದರ ಪ್ರಯೋಜನ ಪಡೆಯಲು ಹಿಂಜರಿಯುತ್ತಿದ್ದಾರೆ. ಈ ಲಸಿಕೆಯ ಭವಿಷ್ಯದಲ್ಲಿ ಹೆಣ್ಣು ಮಕ್ಕಳಿಗೆ ಗರ್ಭಕಂಠ ಕ್ಯಾನ್ಸರ್ ಬಾರದ ರೀತಿ ತಡೆಯಲು ಸಾಧ್ಯವಾಗುತ್ತಿದ್ದು, ಸರ್ಕಾರ ಉಚಿತ ನೀಡುತ್ತಿರುವ ಲಸಿಕೆಯ ಪ್ರಯೋಜನ ಪಡೆಯಲು ಡಾ.ಸತೀಶ್ ಕುಮಾರ್ ಮನವಿ ಮಾಡಿದ್ದಾರೆ.