ಮಾಡಹಾಗಲ ಮತ್ತಷ್ಟು ಅಭಿವೃದ್ಧಿ

ಚೆಟ್ಟಳ್ಳಿಯ ಕೇಂದ್ರೀಯ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರದಲ್ಲಿ ಮಾಡಹಾಗಲ ಕುರಿತಂತೆ ಸಂಶೋಧನಾ ಕಾರ್ಯ ಮತ್ತೆ ಶುರುವಾಗಿದೆ. ಸಂಬAಧಿಸಿದ ವಿಷಯದಲ್ಲಿ ವಿಜ್ಞಾನಿಗಳ ಲಭ್ಯತೆ ಇರದ ಕಾರಣ ಕೆಲ ವರ್ಷ ಇಲ್ಲಿ ಸಂಶೋಧನಾ ಚಟುವಟಿಕೆ ನಿಂತುಹೋಗಿತ್ತು. ಇದೀಗ ಇಲ್ಲಿ ಸುಸಜ್ಜಿತ ತೋಟ ಕೂಡ ಮಾಡಲಾಗುತ್ತಿದ್ದು ಆಸಕ್ತ ಕೃಷಿಕರಿಗೆ ಮುಂದಿನ ವರ್ಷದಿಂದ ಈ ಅಪರೂಪದ ತರಕಾರಿಯ ಗಿಡಗಳೂ ಲಭ್ಯವಾಗಲಿವೆ.

ಕಾಡಿನಲ್ಲಿ ಸಿಗುವ ಅಪರೂಪದ ಕಾಯಿ ರೂಪದ ತರಕಾರಿಯೊಂದನ್ನು ನಾಡಿನಲ್ಲೂ ಬೆಳೆಯುವಂತೆ ಮಾಡಿ ರೈತರಿಗೆ ಆದಾಯದ ದಾರಿ ತೋರಿಸಿಕೊಟ್ಟ ಹೆಗ್ಗಳಿಕೆ ಚೆಟ್ಟಳ್ಳಿಯ ಕೇಂದ್ರೀಯ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರದ್ದು. ಈ ಹಿಂದೆ ಕೇಂದ್ರದ ಮುಖ್ಯಸ್ಥರಾಗಿದ್ದ ಡಾ. ಎಲ್.ಕೆ. ಭಾರತಿ ಅವರ ವ್ಯಯಕ್ತಿಕ ಆಸಕ್ತಿಯಿಂದ ಮಾಡಹಾಗಲ ತಳಿಗಳ ಸಂಶೋಧಕಾರ್ಯ ಇಲ್ಲಿ ಯಶಸ್ವಿಯಾಗಿ ನಡೆದಿತ್ತು. ಸುಮಾರು 3 ವರ್ಷ ಕಾಲ ನಿರಂತರವಾಗಿ ನಡೆದಿದ್ದ ಸಂಶೋಧನೆಯ ಫಲವಾಗಿ ವಾಣಿಜ್ಯಿಕವಾಗಿ ಬೆಳೆಯಬಹುದಾದ ತಳಿ ರೂಪಿಸಿ ರೈತರಿಗೆ ವಿತರಿಸಲಾಗಿತ್ತು.

ಕೊಡಗು ಮಾತ್ರವಲ್ಲದೆ ಮಂಗಳೂರು, ಕುಂದಾಪುರ, ದಾವಣಗೆರೆ, ಶಿವಮೊಗ್ಗ, ಶಿರಸಿ ಸೇರಿದಂತೆ ರಾಜ್ಯದ ವಿವಿಧ ಭಾಗಗಳ ರೈತರೂ ಚೆಟ್ಟಳ್ಳಿಯ ಕೇಂದ್ರೀಯ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರದಿAದ ಗಿಡಗಳನ್ನು ತೆಗೆದುಕೊಂಡು ಹೋಗಿ ದೊಡ್ಡ ಪ್ರಮಾಣದಲ್ಲಿ ಮಾಡಹಾಗಲ ಕೃಷಿ ಆರಂಭಿಸಿದ್ದರು. ಈ ಮೂಲಕ ಮಾಡಹಾಗಲ ಎನ್ನುವ ಎಲೆ ಮರೆಯ ಕಾಯಿ ಅನ್ನದಾತನ ಕೈತೋಟದಲ್ಲೂ ಬೆಳಕು ಕಾಣುವಂತಾಗಿತ್ತು. ಆರೋಗ್ಯದ ದÊಷ್ಟಿಯಿಂದಲೂ ಮಹತ್ವ ಪಡೆದುಕೊಂಡಿರುವ ಮಾಡಹಗಲಕ್ಕೆ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯೂ ಇದೆ.

ಪ್ರಮುಖವಾಗಿ ಸ್ಪೆö್ತçÊನಿ ಗಾರ್ಡ್, ಟೆಸ್ಸೆ ಗಾರ್ಡ್ ಹಾಗೂ ಸ್ವೀಟ್ ಗಾರ್ಡ್ ಎನ್ನುವ 3 ವಿಧದ ತಳಿಗಳು ಮಾಡಹಾಗಲದಲ್ಲಿ ಕಂಡು ಬರುತ್ತದೆ. ಗಡ್ಡೆಯಿಂದ ಚಿಗುರಿ ಕಾಯಿ ಬಿಡುವ ತರಕಾರಿ ಸಸ್ಯ ಇದಾಗಿದೆ. ಮಾಡಹಾಗಲದಲ್ಲಿ ಗಂಡು ಮತ್ತು ಹೆಣ್ಣು ಸಸಿಗಳು ಇವೆ. ಗಂಡು ಬಳ್ಳಿಯಲ್ಲಿ ಹೂ ಮಾತ್ರ ಅರಳುತ್ತದೆ. ಗಂಡು ಹೆಣ್ಣು ಎರಡು ಬಳ್ಳಿ ಇದ್ದರೆ ಮಾತ್ರ ಕಾಯಿ ಕಟ್ಟುತ್ತವೆ. ಕÊತಕವಾಗಿ ಪರಾಗಸ್ಪರ್ಶ ಮಾಡಬೇಕಿರುವುದರಿಂದ ದೊಡ್ಡ ಪ್ರಮಾಣದಲ್ಲಿ ಬೆಳೆಯುವುದು ಕಷ್ಟ. ಹಾಗಾಗಿ ಮನೆ ಅಂಗಳ, ಮಹಡಿ ಮೇಲೆ ಹೀಗೆ ಚಿಕ್ಕ ಚಿಕ್ಕ ಪ್ರದೇಶದಲ್ಲಿ ಕÊಷಿ ಮಾಡಬಹುದು. 45 ದಿನದಲ್ಲಿ ಒಂದು ಗಿಡದಲ್ಲಿ 8,9 ಕೆಜಿವರೆಗೂ ಫಸಲು ಸಿಗುತ್ತದೆ.

ಮಧುಮೇಹ ನಿಯಂತ್ರಣ, ಮೂತ್ರಕೋಶದ ಕಲ್ಲು, ಯಕÊತ್‌ದೋಷ, ಮೂತ್ರಪಿಂಡದಲ್ಲಿನ ದೋಷ, ಹೊಟ್ಟೆಯ ಸಮಸ್ಯೆಗೆ ಮಾಡಹಾಗಲ ಉತ್ತಮ ಔಷಧ. ಸಾಮಾನ್ಯವಾಗಿ ಕಾಡುಗಳಲ್ಲಿ ಬೆಳೆಯುವ ಈ ತರಕಾರಿ ಮಳೆಗಾಲದಲ್ಲಿ ಮಾತ್ರ ಲಭ್ಯವಿರುತ್ತದೆ. ಹಾಗಾಗಿ ಉತ್ತಮ ಬೇಡಿಕೆಯೂ ಇದೆ. ಪಶ್ಚಿಮ ಬಂಗಾಳ, ರಾಜ್ಯದಲ್ಲಿ ಉತ್ತರ ಕನ್ನಡ, ದಕ್ಷಿಣ ಕನ್ನಡದಲ್ಲೂ ಈ ಗಿಡ ಕಂಡುಬರುತ್ತದೆ. ಇಂತಹ ತರಕಾರಿಯನ್ನು ಕಾಡಿನಿಂದ ತಂದು ಸಂಶೋಧನೆ ನಡೆಸಿ ರೈತರ ಜಮೀನು, ಆಸಕ್ತರ ಕೈತೋಟದಲ್ಲೂ ಬೆಳೆಯುವಂತೆ ಚೆಟ್ಟಳ್ಳಿ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರದ ವಿಜ್ಞಾನಿಗಳು ಮಾಡಿದ್ದರು.

ಚೆಟ್ಟಳ್ಳಿಯ ಕೇಂದ್ರೀಯ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರದಿAದ ಡಾ. ಎಲ್.ಕೆ. ಭಾರತಿ ವರ್ಗಾವಣೆ ಆದ ನಂತರ ತರಕಾರಿ ಕ್ಷೇತ್ರಕ್ಕೆ ಸಂಬAಧಿಸಿದ ವಿಜ್ಞಾನಿಗಳ ಹುದ್ದೆ ಇಲ್ಲಿ ಖಾಲಿ ಇತ್ತು. ಹಾಗಾಗಿ ಮಾಡಹಾಗಲ ಕುರಿತ ಸಂಶೋಧನೆಯೂ ಸ್ಥಗಿತ ಆಗಿತ್ತು. ಕೇಂದ್ರದಲ್ಲಿ ವಿಸ್ತಾರವಾಗಿ ಹರಡಿದ್ದ ಮಾಡಹಾಗಲ ತೋಟ ಕೂಡ ನಿರ್ಲಕ್ಷö್ಯಕ್ಕೆ ಒಳಗಾಗಿತ್ತು. ಆದರೆ ಸ್ವಲ್ಪ ಪ್ರಮಾಣದಲ್ಲಿ ಗಿಡಗಳು ರೈತರಿಗೆ ಇಲ್ಲಿ ಲಭ್ಯ ಇದ್ದವಾದರೂ, ಈ ಬೆಳೆ ಬೆಳೆಯುವ ಬಗ್ಗೆ ಮಾಹಿತಿ ಕೊಡಲು ಯಾರೂ ಇಲ್ಲದ ಕಾರಣ ಕೃಷಿಕರಲ್ಲೂ ಆಸಕ್ತಿ ಕಡಿಮೆ ಆಗಿತ್ತು.

ಕೆಲವು ವರ್ಷಗಳ ನಂತರ ಇದೀಗ ಚೆಟ್ಟಳ್ಳಿಯ ಕೇಂದ್ರೀಯ ತೋಟಗಾರಿಕಾ ಪ್ರಾಯೋಗಿಕ ಕೇಂದ್ರಕ್ಕೆ ತರಕಾರಿಗೆ ಸಂಬAಧಿಸಿದAತೆ ಸಂಶೋದನೆ ಮಾಡಲು ವಿಜ್ಞಾನಿಗಳ ನೇಮಕ ಆಗಿದೆ. ಹಾಗಾಗಿ ಮತ್ತೆ ಇಲ್ಲಿ ಮಾಡಹಾಗಲಕಾಯಿಗೆ ಸಂಬAಧಿಸಿದAತೆ ಸಂಶೋಧನಾ ಚಟುವಟಿಕೆಗಳನ್ನು ಶುರು ಮಾಡಲಾಗಿದೆ. ಮುಖ್ಯವಾಗಿ ಸ್ವಯಂ ಪರಾಗಸ್ಪರ್ಶ ಮಾಡಿಕೊಳ್ಳುವ ತಳಿ ಅಭಿವÊದ್ಧಿಗೆ ಒತ್ತು ನೀಡಲಾಗಿದೆ. ಸಂಶೋಧನಾ ಉದ್ದೇಶಕ್ಕಾಗಿಯೇ ಹೊಸದಾಗಿ ಮಾಡಹಾಗಲದ ತೋಟ ನಿರ್ಮಿಸಲಾಗುತ್ತಿದೆ. ರೈತರಿಗೆ ದೊಡ್ಡ ಮಟ್ಟದಲ್ಲಿ ಗಿಡಗಳನ್ನು ಕೊಡಲು ಕೂಡ ಸಿದ್ಧತೆಗಳನ್ನು ನಡೆಸಲಾಗುತ್ತಿದ್ದು, ಮುಂದಿನ ವರ್ಷದಿಂದ ಇಲ್ಲಿ ಆಸಕ್ತರಿಗೆ ಗಿಡಗಳು ಲಭ್ಯವಾಗಲಿದೆ. ಮಾಡಹಾಗಲ ಕೃಷಿ ಮಾಡುವವರಿಗೆ ಅಗತ್ಯ ಮಾರ್ಗದರ್ಶನವನ್ನೂ ನೀಡಲಾಗುತ್ತದೆ.

"