ಹಾರಂಗಿಯಲ್ಲಿ ತುರ್ತು ನಿರ್ವಹಣೆ

ಮಳೆಗಾಲ ಶುರುವಾಗಲು ದಿನಗಣನೆ ಆರಂಭವಾಗಿರುವAತೆಯೇ ಕಾವೇರಿ ಕಣಿವೆಯ ಪ್ರಮುಖ ಅಣೆಕಟ್ಟೆ ಹಾರಂಗಿ ಜಲಾಶಯದಲ್ಲಿ ಸುರಕ್ಷಿತವಾಗಿ ನೀರಿನ ಸಂಗ್ರಹಣೆಗೆ ಸಂಬAಧಿಸಿದAತೆ ಪೂರ್ವಸಿದ್ಧತಾ ಕೆಲಸಗಳು ಭರದಿಂದ ನಡೆದಿದೆ. ಅಣೆಕಟ್ಟೆಯ ಎಲ್ಲಾ ಗೇಟ್‌ಗಳನ್ನು ತಪಾಸಣೆಗೆ ಒಳಪಡಿಸಲಾಗುತ್ತಿದ್ದು, ಅಗತ್ಯ ನಿರ್ವಹಣಾ ಕಾರ್ಯಗಳನ್ನು ಕೈಗೊಳ್ಳಲಾಗಿದೆ. ತುರ್ತು ಅಗತ್ಯಗಳಿಗಾಗಿ ಕಬ್ಬಿಣದ ಹಗ್ಗಗಳನ್ನೂ ಸಾಕಷ್ಟು ಪ್ರಮಾಣದಲ್ಲಿ ದಾಸ್ತಾನು ಇಟ್ಟುಕೊಳ್ಳಲಾಗಿದೆ.

ಕೊಡಗು, ಮೈಸೂರು ಹಾಗೂ ಹಾಸನ ಜಿಲ್ಲೆಗಳ 1,34,895 ಎಕರೆಗಳಷ್ಟು ಪ್ರದೇಶದ ಜಮೀನಿನಲ್ಲಿ ಬೇಸಾಯಕ್ಕೆ ಅನುಕೂಲ ಆಗುವಂತೆ ನೀರು ಒದಗಿಸುವ ಕುಶಾಲನಗರ ತಾಲೂಕಿನ ಹಾರಂಗಿ ಜಲಾಶಯವನ್ನು ಮಳೆಗಾಲದಲ್ಲಿ ಭರ್ತಿ ಮಾಡಿ ಇಟ್ಟುಕೊಳ್ಳಬೇಕಾಗುತ್ತದೆ. ಮುಂಗಾರು ಆರಂಭದ ಸೂಚನೆಗಳು ಸಿಗುತ್ತಿದ್ದತೆಯೇ ಈ ಸಂಬAಧ ನೀರಾವರಿ ಇಲಾಖೆ ಭರದ ಸಿದ್ಧತೆಗಳನ್ನು ನಡೆಸಿಕೊಳ್ಳುತ್ತಿದೆ. ಪ್ರಮುಖವಾಗಿ ಗೇಟ್‌ಗಳ ಸುರಕ್ಷತೆಗೆ ಆದ್ಯತೆ ನೀಡಲಾಗಿದ್ದು, ಸದ್ಯ ವಾರ್ಷಿಕ ನಿರ್ವಹಣಾ ಕೆಲಸಗಳನ್ನು ಮಾಡಲಾಗುತ್ತಿದೆ.

ಹಾರಂಗಿ ಅಣೆಕಟ್ಟೆಯಲ್ಲಿ ಪ್ರಮುಖವಾಗಿ ನಾಲ್ಕು ಗೇಟ್‌ಗಳು ಇವೆ. ಜಲಾಶಯ ಭರ್ತಿ ಆಗುತ್ತಿದ್ದಂತೆಯೇ ನದಿಗೆ ನೀರು ಹರಿಸಲು ಈ ಗೇಟ್‌ಗಳನ್ನು ಬಳಸಲಾಗುತ್ತದೆ. ಮತ್ತೊಂದು ಗೇಟ್ ಕಾಲುವೆಗಳಿಗೆ ನೀರು ಬಿಡುವುದಕ್ಕೋಸ್ಕರ ಇದ್ದರೆ, ಅಣೆಕಟ್ಟೆಯ ನೀರಿನ ಕೆಳ ಭಾಗದ ನದಿ ನೀರಿನ ಸಮಕ್ಕೆ 3 ಗೇಟ್ ಗಳು ಇವೆ. ಈ ಎಲ್ಲಾ ಗೇಟ್‌ಗಳು ವಾಯರ್ ರೋಪ್ ತಂತ್ರಜ್ಞಾನದಿAದ ಕಾರ್ಯನಿರ್ವಹಿಸುತ್ತವೆ. ರಾಜ್ಯದ ಮೂರು ಅಣೆಕಟ್ಟೆಗಳಾದ ಹಾರಂಗಿ, ಹೇಮಾವತಿ, ಕಬಿನಿ ಅಣೆಕಟ್ಟೆಗಳಲ್ಲಿ ವಾಯರ್ ರೋಪ್ ಮಾದರಿ ಮುಖ್ಯ ಗೇಟ್‌ಗಳನ್ನು ಅಳವಡಿಕೆ ಮಾಡಲಾಗಿದೆ.

ಪ್ರಮುಖ ನಾಲ್ಕು ಗೇಟ್‌ಗಳಲ್ಲಿ ತಲಾ ಒಂದೊAದು ಗೆಟ್‌ನಿಂದ ಗರಿಷ್ಠ 25 ಕ್ಯೂಸೆಕ್ ನೀರು ನದಿಗೆ ಹರಿಸಬಹುದಾಗಿದೆ. ಒಟ್ಟಾರೆಯಾಗಿ ಗರಿಷ್ಠ 1.20 ಲಕ್ಷ ಕ್ಯೂಸೆಕ್ ನೀರು ಒಮ್ಮೆಲೆ ನದಿಗೆ ಬಿಡುವ ಸಾಮರ್ಥ್ಯ ಈ ಗೇಟ್‌ಗಳಿಗಿವೆ. ಅಣೆಕಟ್ಟೆ ನಿರ್ಮಾಣವಾಗಿ 44 ವರ್ಷ ಕಳೆದಿದ್ದು ಅಣೆಕಟ್ಟೆ ಇತಿಹಾಸದಲ್ಲಿ ಪ್ರಥಮ ಬಾರಿಗೆ 2018ರ ಅಗಸ್ಟ್ನಲ್ಲಿ 80 ಸಾವಿರ ಕ್ಯೂಸೆಕ್ ನೀರನ್ನು ನದಿಗೆ ಹರಿಸಿರುವುದು ದಾಖಲೆಯಾಗಿದೆ.

ಅಣೆಕಟ್ಟೆಯಲ್ಲಿ ನೀರಿನ ಸಂಗ್ರಹ ಸಂದರ್ಭ ಗೇಟ್‌ಗಳು ಸುಸ್ಥಿತಿಯಲ್ಲಿ ಇರುವುದು ಮುಖ್ಯವಾಗಿದೆ. ಹಾಗಾಗಿ ವರ್ಷದಲ್ಲಿ 2 ಬಾರಿ ಗೇಟ್‌ಗಳ ನಿರ್ವಹಣಾ ಕಾರ್ಯ ನಡೆಸಲಾಗುತ್ತದೆ. ವಾಯರ್ ರೋಪ್ ಮೂಲಕ ಗೇಟ್ ಎತ್ತುವುದು, ಇಳಿಸುವುದರಿಂದ ಅದಕ್ಕೆ ಸಂಬAಧಿಸಿದAತೆ ನಿಖರÀವಾದ ದುರಸ್ತಿ ಮತ್ತು ನಿರ್ವಹಣೆಯನ್ನು ಇಲಾಖೆ ನಿಯಮಾನುಸಾರ ಕ್ರಮಬದ್ಧವಾಗಿ ಮಾಡಲಾಗುತ್ತದೆ. ಈ ಕೆಲಸ ನುರಿತ ತಂತ್ರಜ್ಞರ ತಂಡದಿAದ ನಡೆಯುತ್ತದೆ. ಗೇಟ್‌ಗಳ ನಿರ್ವಹಣೆಯ ಜತೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಇಲಾಖೆಯ ಗೋದಾಮಿನಲ್ಲಿ ವಾಯರ್ ರೋಪ್ (ಕಬ್ಬಿಣದ ಸುರುಳಿನ ಹಗ್ಗ) ಹೆಚ್ಚುವರಿಯಾಗಿ ದಾಸ್ತಾನು ಇಡಲಾಗಿದೆ. ಈ ಹಗ್ಗಗಳನ್ನೂ ಕ್ರಮಬದ್ಧವಾಗಿ ನಿರ್ವಹಣೆ ಮಾಡಲಾಗುತ್ತಿದೆ.

ಹಾರಂಗಿ ಅಣೆಕಟ್ಟೆ 8.5 ಟಿ.ಎಂ.ಸಿ. ನೀರಿನ ಸಂಗ್ರಹದ ಸಾಮಥ್ಯ ಹೊಂದಿದೆ. ಇದರಲ್ಲಿ ಉಪಯುಕ್ತ ನೀರಿನ ಸಾಮರ್ಥ್ಯ 7.75 ಟಿ.ಎಂ.ಸಿ. 2025 ರ ಮುಂಗಾರು ಹಂಗಾಮಿನಲ್ಲಿ ಅಣೆಕಟ್ಟೆಗೆ 48.413 ಟಿ.ಎಂ.ಸಿ. ನೀರು ಹರಿದು ಬಂದಿದ್ದು, ಅದರಲ್ಲಿ 39.76. ಟಿ.ಎಂ.ಸಿ. ನೀರನ್ನು ನದಿಗೆ ಹರಿಸಲಾಗಿದೆ, ನಾಲೆಗೆ 10.234 ಟಿ.ಎಂ.ಸಿ. ನೀರು ಬಿಡಲಾಗಿದೆ. ಅಣೆಕಟ್ಟೆಯ ಹಿತದೃಷ್ಟಿಯ ಈಗಲೂ ನೀರಿನ ಮಟ್ಟವನ್ನು ಕಾಯ್ದುಕೊಳ್ಳಲಾಗಿದೆ. ಅಣೆಕಟ್ಟೆಯ ಒಳ ಹರಿವಿನ ಪ್ರಮಾಣವನ್ನು ದಿನದ 24 ಗಂಟೆಯೂ ಅಣೆಕಟ್ಟೆಯ ಪರೀಕ್ಷಾ ಕೇಂದ್ರದಲ್ಲಿ ಗಮನಿಸಲಾಗುತ್ತಿರುತ್ತದೆ. ಅದರ ಏರಿಳಿತ ಗಮನದಲ್ಲಿ ಇಟ್ಟುಕೊಂಡು ಗಂಟೆ ಗಂಟೆಗೆ ಒಳಹರಿವಿನ ಪ್ರಮಾಣವನ್ನು ಲೆಕ್ಕ ಮಾಡುತ್ತಾ ನದಿಗೆ ನೀರು ಹರಿಸಲಾಗುತ್ತದೆ.

"

ಹಾರಂಗಿ ಅಣೆಕಟ್ಟೆಯ ಪ್ರಮುಖ ಗೇಟ್‌ಗಳು ಸುಭದ್ರವಾಗಿವೆ. ವರ್ಷಕ್ಕೆ ಎರಡು ಬಾರಿ ಅಧುನಿಕ ತಂತ್ರಜ್ಞಾನ ವ್ಯವಸ್ಥೆ ಅಡಿಯಲ್ಲಿ ಗೇಟ್‌ಗಳ ನಿರ್ವಹಣೆ ನಡೆಸಲಾಗುತ್ತದೆ. ವರ್ಷಕ್ಕೆ ಎರಡು ಬಾರಿ ಗೇಟ್‌ಗಳ ನಿರ್ವಹಣೆ ಮಾಡಲಾಗುತ್ತದೆ. ಹಾರಂಗಿ ಅಣೆಕಟ್ಟೆಗೆ ಒಳ ಹರಿವು ಶುರುವಾಗುವ ಸಂದರ್ಭದಲ್ಲಿ ಮತ್ತು ವರ್ಷದ ಕೊನೆಯ ತಿಂಗಳುಗಳಲ್ಲಿ ಅಣೆಕಟ್ಟೆಯ ಗೇಟ್‌ಗಳ ತಪಾಸಣೆ ನಡೆಸಲಾಗುತ್ತದೆ. ಅಣೆಕಟ್ಟೆಯ ಭದ್ರತಾ ಹಿತದೃಷ್ಟಿಯಿಂದ ಪ್ರತಿವರ್ಷವೂ ನುರಿತ ತಂತ್ರಜ್ಞರನ್ನು ಒಳಗೊಂಡ ತಂಡದಿAದ ನಿಯಮಾನುಸಾರ ತಪಾಸಣೆ ನಡೆಸಲಾಗುತ್ತಿರುತ್ತದೆ. ಈ ಸಾಲಿನ ದುರಸ್ತಿ ಕಾರ್ಯ ಈಗ ನಡೆಯುತ್ತಿದೆ.

— ಐ.ಕೆ. ಪುಟ್ಟಸ್ವಾಮಿ, ಕಾರ್ಯಪಾಲಕ ಅಭಿಯಂತರ, ಹಾರಂಗಿ ನೀರಾವರಿ ಇಲಾಖೆ