ಅನಧಿಕೃತ ಕಟ್ಟಡಗಳ ವಿರುದ್ಧ ಕ್ರಮಕ್ಕೆ ಒತ್ತಾಯ

ಮಡಿಕೇರಿ ಕೆಎಸ್‌ಆರ್‌ಟಿಸಿ ಬಸ್ ಡಿಪೋ ಬಳಿ ತಾತ್ಕಾಲಿಕ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಮಳಿಗೆಗಳನ್ನು ನ್ಯಾಯಾಲಯದ ಆದೇಶ ಪ್ರತಿ ಸಿಗುವ ತನಕ ಮುಚ್ಚಿಸಲು ಗುರುವಾರ ನಡೆದ ಮಡಿಕೇರಿ ನಗರಸಭೆ ಸಾಮಾನ್ಯ ಸಭೆಯಲ್ಲಿ ನಿರ್ಧರಿಸಲಾಯಿತು. ಇದರ ಜತೆಗೆ ಸಂಪಿಗೆಕಟ್ಟೆ ಬಳಿಯ ಇನ್ನೊಂದು ಪ್ರಕರಣಕ್ಕೆ ಸಂಬAಧಿಸಿದAತೆ ಕಾನೂನು ಸಲಹೆಗಾರರ ಅಭಿಪ್ರಾಯ ಪಡೆದು ಮುಂದಿನ ಹೆಜ್ಜೆ ಇಡಲು ನಿರ್ಣಯ ತೆಗೆದುಕೊಳ್ಳಲಾಯಿತು.

ಸಭೆ ಆರಂಭವಾಗುತ್ತಿದ್ದAತೆಯೇ ಅಜೆಂಡಾದAತೆ ಸಭೆ ನಡೆಯಲಿ ಎಂದು ನಗರಸಭೆ ಅಧ್ಯಕ್ಷೆ ಪಿ. ಕಲಾವತಿ ಮತ್ತು ಉಪಾಧ್ಯಕ್ಷ ಮಹೇಶ್ ಜೈನಿ ಇಂಗಿತ ವ್ಯಕ್ತಪಡಿಸಿದರು. ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಕಾಂಗ್ರೆಸ್‌ನ ರಾಜೇಶ್ ಯಲ್ಲಪ್ಪ ಈ ಹಿಂದಿನ ಸಭೆಯಲ್ಲಿ ಕೆಲವು ಚರ್ಚೆಗಳು ಅಪೂರ್ಣವಾಗಿದೆ. ಅವು ಇತ್ಯರ್ಥ ಆದ ನಂತರ ಬೇರೆ ವಿಷಯಗಳ ಬಗ್ಗೆ ಚರ್ಚೆ ಮಾಡೋಣ. ಕೆಎಸ್‌ಆರ್‌ಟಿಸಿ ಬಸ್ ಡಿಪೋ ಬಳಿ ನಿರ್ಮಿಸಿರುವ ತಾತ್ಕಾಲಿಕ ಶೆಡ್‌ಗಳನ್ನು ತೆರವು ಮಾಡುವುದಾಗಿ ಹಿಂದಿನ ಸಭೆಯಲ್ಲಿ ಹೇಳಲಾಗಿತ್ತು. ಆದರೆ ನಂತರ ಏನಾಗಿದೆ ಎನ್ನುವುದರ ಮಾಹಿತಿ ಇಲ್ಲ ಎಂದರು. ಈ ಸಂದರ್ಭ ಮಧ್ಯ ಪ್ರವೇಶಿದ ಬಿಜೆಪಿಯ ಉಮೇಶ್ ಸುಬ್ರಮಣಿ ನ್ಯಾಯಾಲಯದಲ್ಲಿ ಆ ಕಟ್ಟಡದ ಪರ ತೀರ್ಪು ಬಂದಿದೆ ಎಂದರು. ತೀರ್ಪಿನ ಪ್ರತಿ ಬಗ್ಗೆ ರಾಜೇಶ್ ಯಲ್ಲಪ್ಪ ಬೇಡಿಕೆ ಇಟ್ಟಾಗ ಬುಧವಾರವಷ್ಟೇ ತೀರ್ಪು ಪ್ರಕಟಣವಾಗಿದೆ ಎನ್ನುವ ಮಾಹಿತಿ ಬಂದಿದೆ ಅದರ ಪ್ರತಿ ಇನ್ನಷ್ಟೇ ಸಿಗಬೇಕಿದೆ ಎಂದು ನಗರಸಭೆ ಆಯುಕ್ತ ಹೆಚ್.ಆರ್. ರಮೇಶ್ ತಿಳಿಸಿದರು.

ಆ ಶೆಡ್ ಅನಧಿಕೃತ ಆಗಿದೆ. ಅಲ್ಲಿ ಇರುವ ಮಳಿಗೆಗಳೂ ವ್ಯಾಪಾರ ಪರವಾನಗಿ ತೆಗೆದುಕೊಳ್ಳದೆ ಅನಧಿಕೃತವಾಗಿ ಕಾರ್ಯ ನಿರ್ವಹಿಸುತ್ತಿದೆ. ಹಾಗಾಗಿ ಅಂಗಡಿಗಳನ್ನು ಬಂದ್ ಮಾಡಿಸಬೇಕು ಎಂದು ರಾಜೇಶ್ ಯಲ್ಲಪ್ಪ ಒತ್ತಾಯಿಸಿದರು. ಈ ಸಂದರ್ಭ ಮಾತನಾಡಿದ ಉಮೇಶ್ ಸುಬ್ರಮಣಿ ವ್ಯಯಕ್ತಿಕ ಕಾರಣಗಳಿಂದ ಒಬ್ಬರನ್ನು ಗುರಿಯಾಗಿಸಿಕೊಂಡು ದಾಳಿ ಮಾಡಲಾಗುತ್ತಿದೆ. ನಗರದಲ್ಲಿ ಸಂಪಿಗೆ ಕಟ್ಟೆ ಬಳಿ ಸೇರಿದಂತೆ ಇನ್ನೂ ಅನೇಕ ಅನಧಿಕೃತ ಕಟ್ಟಡಗಳಿವೆ ಅವುಗಳ ಮೇಲೂ ಕ್ರಮವಾಗಲಿ ಎಂದು ಒತ್ತಾಯಿಸಿದರು. ಉಮೇಶ್ ಸುಬ್ರಮಣಿ ಬೆಂಬಲಕ್ಕೆ ನಿಂತ ಉಪಾಧ್ಯಕ್ಷ ಮಹೇಶ್ ಜೈನಿ ಆ ಕಟ್ಟಡಕ್ಕೆ ನಗರಸಭೆಯಿಂದ ಅನುಮತಿ ಕೊಡಲಾಗಿದೆ. ವಿದ್ಯುತ್ ಸಂಪರ್ಕವನ್ನೂ ನೀಡಲಾಗಿದೆ. ಹಾಗಾಗಿ ಅದು ಅಧಿಕೃತ ಕಟ್ಟಡ. ಆ ಬಗ್ಗೆ ಚರ್ಚೆ ಮಾಡುವುದನ್ನು ನಿಲ್ಲಿಸಿ ಅಭಿವೃದ್ಧಿ ಬಗ್ಗೆ ಚರ್ಚೆ ಮುಂದುವರಿಸೋಣ ಎಂದು ಹೇಳಿದರು.

ಎಸ್‌ಡಿಪಿಐಯ ಮನ್ಸೂರ್ ಮಾತನಾಡಿ ತಾತ್ಕಾಲಿಕ ಶೆಡ್‌ನಲ್ಲಿ ವ್ಯಾಪಾರಕ್ಕೆ ಒಂದು ವರ್ಷದ ತನಕ ಮಾತ್ರ ಪರವಾನಗಿ ಕೊಡಬೇಕು. ಆದರೆ ಮುಂದುವರಿದಿದೆ. ಇದು ಸರಿಯಲ್ಲ ಎಂದರು. ಇದೇ ವಿಷಯದಲ್ಲಿ ಚರ್ಚೆ ಮತ್ತಷ್ಟು ಮುಂದುವರಿದಾಗ ಬಿಜೆಪಿಯ ಅಪ್ಪಣ್ಣ, ಸತೀಶ್, ಅರುಣ್ ಶೆಟ್ಟಿ, ಶ್ವೇತಾ ಪ್ರಶಾಂತ್ ಮತ್ತಿತರರು ಒಂದೇ ವಿಷಯದ ಬಗ್ಗೆ ದಿನಪೂರ್ತಿ ಸಭೆಯಲ್ಲಿ ಚರ್ಚೆ ಮಾಡುವುದು ಎಷ್ಟು ಸರಿ? ಅಧ್ಯಕ್ಷರು ಯಾವುದಾದರೂ ಒಂದು ತೀರ್ಮಾನ ತೆಗೆದುಕೊಂಡು ಪ್ರಕಟಿಸಬೇಕು. ಇಲ್ಲದಿದ್ದರೆ ನಾವು ಸಭೆಯಲ್ಲಿ ಇರುವುದಿಲ್ಲ ಎಂದರು.

ಈ ವೇಳೆ ಮಧ್ಯಪ್ರವೇಶಿಸಿದ ಕೆ.ಎಸ್. ರಮೇಶ್ ಅಧ್ಯಕ್ಷರು, ಉಪಾಧ್ಯಕ್ಷರಿಗೆ ಬುದ್ದಿವಾದ ಹೇಳಿ ಸದಸ್ಯರು ಹೇಳಿದ ಮಾತು ಕೇಳಬೇಕು. ಒಬ್ಬರನ್ನು ಬೆಟ್ಟು ಮಾಡಿದಾಗ ಉಳಿದವರ ಕಡೆಗೆ ಕೈ ತೋರಿಸಬಾರದು. ಒಂದು ವಿಷಯ ಪ್ರಸ್ತಾಪ ಆದಾಗ ಅದನ್ನು ಅಂತಿಮ ಹಂತಕ್ಕೆ ತಲುಪಿಸಬೇಕು. ಹೇಳಿದಂತೆ ಸಮಯಕ್ಕೆ ಸರಿಯಾಗಿ ಸಭೆ ಕರೆಯದಿರುವುದರಿಂದ ಗೊಂದಲ ಉಂಟಾಗಿದೆ. ಅನಧಿಕೃತ ಕಟ್ಟಡದ ವಿಷಯದಲ್ಲಿ ನ್ಯಾಯಾಲಯದ ಆದೇಶ ಗಮನಿಸಿ ಮುಂದಿನ ಕ್ರಮ ತೆಗೆದುಕೊಳ್ಳಬೇಕು. ನ್ಯಾಯಾಲಯದ ಆದೇಶ ಪ್ರತಿ ಸಿಗುವ ತನಕ ಮಳಿಗೆ ಮುಚ್ಚಿಸಬೇಕು ಎಂದು ಸಲಹೆ ನೀಡಿದರು. ಇದಕ್ಕೆ ಉಳಿದವರಿಂದ ಸಹಮತ ವ್ಯಕ್ತವಾಯಿತು. ಅಕ್ರಮ ಕಟ್ಟಡ ಬಗ್ಗೆ ಚರ್ಚೆಗೆ ಸದ್ಯದಲ್ಲೇ ವಿಶೇಷ ಸಭೆ ಕರೆಯಲಾಗುವುದು ಎಂದು ಅಧ್ಯಕ್ಷ ಕಲಾವತಿ ಪ್ರಕಟಿಸಿದರು.

ನಗರದಲ್ಲಿ ವ್ಯಾಪಾರ ಪರವಾನಗಿ ಇಲ್ಲದೆ ವ್ಯವಹಾರ ನಡೆಸಲಾಗುತ್ತಿರುವ ಬಗ್ಗೆ ರಾಜೇಶ್ ಯಲ್ಲಪ್ಪ ಆಕ್ರೋಶ ವ್ಯಕ್ತಪಡಿಸಿದರು. ಅಧ್ಯಕ್ಷರು, ಉಪಾಧ್ಯಕ್ಷರು ಇಂಥವರ ಪರ ಇರುವುದರಿಂದ ಅವರು ತಲೆ ಕೆಡಿಸಿಕೊಳ್ಳುತ್ತಿಲ್ಲ. ಅಧಿಕಾರಿಗಳಾದರೂ ಧೈರ್ಯದಿಂದ ಕೆಲಸ ಮಾಡಿ. ವ್ಯಾಪಾರ ಪರವಾನಗಿ ಪಡೆಯದೆ ವ್ಯಾಪಾರ ಮಾಡುತ್ತಿರುವವರಿಗೆ ನೊಟೀಸ್ ಕೊಟ್ಟು ಪರವಾನಗಿ ಕೊಡುವ ವ್ಯವಸ್ಥೆ ಮಾಡಬೇಕು ಎಂದರು. ಈ ವೇಳೆ ಮಾತನಾಡಿದ ಅಪ್ಪಣ್ಣ ಅಕ್ರಮ ಒಪ್ಪಿಕೊಳ್ಳುವುದು, ಎಲ್ಲಾ ಗೊತ್ತಿದ್ದರೂ ಸುಮ್ಮನೆ ಕೂರುವುದು..ಇದೇ ಸದಸ್ಯರ ಪರಿಸ್ಥಿತಿ ಆಗಿದೆ. ಸದಸ್ಯರೆಂದರೆ ಒಂದು ರೀತಿಯಲ್ಲಿ ಜೋಕರ್‌ಗಳ ರೀತಿ ಆಗಿದೆ. ಅಕ್ರಮಗಳಿಗೆ ಕಡಿವಾಣ ಹಾಕಿ. ಬೇಡ ಅಂದವರು ಯಾರು ? ಶೇ. 50 ಅಂಗಡಿಗಳಿಗೆ ವ್ಯಾಪಾರ ಪರವಾನಗಿ ಇಲ್ಲ. ಇವರಿಗೆಲ್ಲ ಅವಕಾಶ ಕೊಟ್ಟು ಪರವಾನಗಿ ನೀಡಬೇಕು ಎಂದು ಹೇಳಿದರು.

ಮಡಿಕೇರಿ ಕೆಎಸ್‌ಆರ್‌ಟಿಸಿ ಬಸ್ ಡಿಪೋ ಬಳಿ ತಾತ್ಕಾಲಿಕ ಕಟ್ಟಡದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಮಳಿಗೆಗಳನ್ನು ನ್ಯಾಯಾಲಯದ ಆದೇಶ ಪ್ರತಿ ಸಿಗುವ ತನಕ ಮುಚ್ಚಿಸಲು ಗುರುವಾರ ನಡೆದ ಮಡಿಕೇರಿ ನಗರಸಭೆ ಸಾಮಾನ್ಯ ಸಭೆಯಲ್ಲಿ ನಿರ್ಧರಿಸಲಾಯಿತು. ಇದರ ಜತೆಗೆ ಸಂಪಿಗೆಕಟ್ಟೆ ಬಳಿಯ ಇನ್ನೊಂದು ಪ್ರಕರಣಕ್ಕೆ ಸಂಬAಧಿಸಿದAತೆ ಕಾನೂನು ಸಲಹೆಗಾರರ ಅಭಿಪ್ರಾಯ ಪಡೆದು ಮುಂದಿನ ಹೆಜ್ಜೆ ಇಡಲು ನಿರ್ಣಯ ತೆಗೆದುಕೊಳ್ಳಲಾಯಿತು.

ಸಭೆ ಆರಂಭವಾಗುತ್ತಿದ್ದAತೆಯೇ ಅಜೆಂಡಾದAತೆ ಸಭೆ ನಡೆಯಲಿ ಎಂದು ನಗರಸಭೆ ಅಧ್ಯಕ್ಷೆ ಪಿ. ಕಲಾವತಿ ಮತ್ತು ಉಪಾಧ್ಯಕ್ಷ ಮಹೇಶ್ ಜೈನಿ ಇಂಗಿತ ವ್ಯಕ್ತಪಡಿಸಿದರು. ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಕಾಂಗ್ರೆಸ್‌ನ ರಾಜೇಶ್ ಯಲ್ಲಪ್ಪ ಈ ಹಿಂದಿನ ಸಭೆಯಲ್ಲಿ ಕೆಲವು ಚರ್ಚೆಗಳು ಅಪೂರ್ಣವಾಗಿದೆ. ಅವು ಇತ್ಯರ್ಥ ಆದ ನಂತರ ಬೇರೆ ವಿಷಯಗಳ ಬಗ್ಗೆ ಚರ್ಚೆ ಮಾಡೋಣ. ಕೆಎಸ್‌ಆರ್‌ಟಿಸಿ ಬಸ್ ಡಿಪೋ ಬಳಿ ನಿರ್ಮಿಸಿರುವ ತಾತ್ಕಾಲಿಕ ಶೆಡ್‌ಗಳನ್ನು ತೆರವು ಮಾಡುವುದಾಗಿ ಹಿಂದಿನ ಸಭೆಯಲ್ಲಿ ಹೇಳಲಾಗಿತ್ತು. ಆದರೆ ನಂತರ ಏನಾಗಿದೆ ಎನ್ನುವುದರ ಮಾಹಿತಿ ಇಲ್ಲ ಎಂದರು. ಈ ಸಂದರ್ಭ ಮಧ್ಯ ಪ್ರವೇಶಿದ ಬಿಜೆಪಿಯ ಉಮೇಶ್ ಸುಬ್ರಮಣಿ ನ್ಯಾಯಾಲಯದಲ್ಲಿ ಆ ಕಟ್ಟಡದ ಪರ ತೀರ್ಪು ಬಂದಿದೆ ಎಂದರು. ತೀರ್ಪಿನ ಪ್ರತಿ ಬಗ್ಗೆ ರಾಜೇಶ್ ಯಲ್ಲಪ್ಪ ಬೇಡಿಕೆ ಇಟ್ಟಾಗ ಬುಧವಾರವಷ್ಟೇ ತೀರ್ಪು ಪ್ರಕಟಣವಾಗಿದೆ ಎನ್ನುವ ಮಾಹಿತಿ ಬಂದಿದೆ ಅದರ ಪ್ರತಿ ಇನ್ನಷ್ಟೇ ಸಿಗಬೇಕಿದೆ ಎಂದು ನಗರಸಭೆ ಆಯುಕ್ತ ಹೆಚ್.ಆರ್. ರಮೇಶ್ ತಿಳಿಸಿದರು.

ಆ ಶೆಡ್ ಅನಧಿಕೃತ ಆಗಿದೆ. ಅಲ್ಲಿ ಇರುವ ಮಳಿಗೆಗಳೂ ವ್ಯಾಪಾರ ಪರವಾನಗಿ ತೆಗೆದುಕೊಳ್ಳದೆ ಅನಧಿಕೃತವಾಗಿ ಕಾರ್ಯ ನಿರ್ವಹಿಸುತ್ತಿದೆ. ಹಾಗಾಗಿ ಅಂಗಡಿಗಳನ್ನು ಬಂದ್ ಮಾಡಿಸಬೇಕು ಎಂದು ರಾಜೇಶ್ ಯಲ್ಲಪ್ಪ ಒತ್ತಾಯಿಸಿದರು. ಈ ಸಂದರ್ಭ ಮಾತನಾಡಿದ ಉಮೇಶ್ ಸುಬ್ರಮಣಿ ವ್ಯಯಕ್ತಿಕ ಕಾರಣಗಳಿಂದ ಒಬ್ಬರನ್ನು ಗುರಿಯಾಗಿಸಿಕೊಂಡು ದಾಳಿ ಮಾಡಲಾಗುತ್ತಿದೆ. ನಗರದಲ್ಲಿ ಸಂಪಿಗೆ ಕಟ್ಟೆ ಬಳಿ ಸೇರಿದಂತೆ ಇನ್ನೂ ಅನೇಕ ಅನಧಿಕೃತ ಕಟ್ಟಡಗಳಿವೆ ಅವುಗಳ ಮೇಲೂ ಕ್ರಮವಾಗಲಿ ಎಂದು ಒತ್ತಾಯಿಸಿದರು. ಉಮೇಶ್ ಸುಬ್ರಮಣಿ ಬೆಂಬಲಕ್ಕೆ ನಿಂತ ಉಪಾಧ್ಯಕ್ಷ ಮಹೇಶ್ ಜೈನಿ ಆ ಕಟ್ಟಡಕ್ಕೆ ನಗರಸಭೆಯಿಂದ ಅನುಮತಿ ಕೊಡಲಾಗಿದೆ. ವಿದ್ಯುತ್ ಸಂಪರ್ಕವನ್ನೂ ನೀಡಲಾಗಿದೆ. ಹಾಗಾಗಿ ಅದು ಅಧಿಕೃತ ಕಟ್ಟಡ. ಆ ಬಗ್ಗೆ ಚರ್ಚೆ ಮಾಡುವುದನ್ನು ನಿಲ್ಲಿಸಿ ಅಭಿವೃದ್ಧಿ ಬಗ್ಗೆ ಚರ್ಚೆ ಮುಂದುವರಿಸೋಣ ಎಂದು ಹೇಳಿದರು.

ಎಸ್‌ಡಿಪಿಐಯ ಮನ್ಸೂರ್ ಮಾತನಾಡಿ ತಾತ್ಕಾಲಿಕ ಶೆಡ್‌ನಲ್ಲಿ ವ್ಯಾಪಾರಕ್ಕೆ ಒಂದು ವರ್ಷದ ತನಕ ಮಾತ್ರ ಪರವಾನಗಿ ಕೊಡಬೇಕು. ಆದರೆ ಮುಂದುವರಿದಿದೆ. ಇದು ಸರಿಯಲ್ಲ ಎಂದರು. ಇದೇ ವಿಷಯದಲ್ಲಿ ಚರ್ಚೆ ಮತ್ತಷ್ಟು ಮುಂದುವರಿದಾಗ ಬಿಜೆಪಿಯ ಅಪ್ಪಣ್ಣ, ಸತೀಶ್, ಅರುಣ್ ಶೆಟ್ಟಿ, ಶ್ವೇತಾ ಪ್ರಶಾಂತ್ ಮತ್ತಿತರರು ಒಂದೇ ವಿಷಯದ ಬಗ್ಗೆ ದಿನಪೂರ್ತಿ ಸಭೆಯಲ್ಲಿ ಚರ್ಚೆ ಮಾಡುವುದು ಎಷ್ಟು ಸರಿ? ಅಧ್ಯಕ್ಷರು ಯಾವುದಾದರೂ ಒಂದು ತೀರ್ಮಾನ ತೆಗೆದುಕೊಂಡು ಪ್ರಕಟಿಸಬೇಕು. ಇಲ್ಲದಿದ್ದರೆ ನಾವು ಸಭೆಯಲ್ಲಿ ಇರುವುದಿಲ್ಲ ಎಂದರು.

ಈ ವೇಳೆ ಮಧ್ಯಪ್ರವೇಶಿಸಿದ ಕೆ.ಎಸ್. ರಮೇಶ್ ಅಧ್ಯಕ್ಷರು, ಉಪಾಧ್ಯಕ್ಷರಿಗೆ ಬುದ್ದಿವಾದ ಹೇಳಿ ಸದಸ್ಯರು ಹೇಳಿದ ಮಾತು ಕೇಳಬೇಕು. ಒಬ್ಬರನ್ನು ಬೆಟ್ಟು ಮಾಡಿದಾಗ ಉಳಿದವರ ಕಡೆಗೆ ಕೈ ತೋರಿಸಬಾರದು. ಒಂದು ವಿಷಯ ಪ್ರಸ್ತಾಪ ಆದಾಗ ಅದನ್ನು ಅಂತಿಮ ಹಂತಕ್ಕೆ ತಲುಪಿಸಬೇಕು. ಹೇಳಿದಂತೆ ಸಮಯಕ್ಕೆ ಸರಿಯಾಗಿ ಸಭೆ ಕರೆಯದಿರುವುದರಿಂದ ಗೊಂದಲ ಉಂಟಾಗಿದೆ. ಅನಧಿಕೃತ ಕಟ್ಟಡದ ವಿಷಯದಲ್ಲಿ ನ್ಯಾಯಾಲಯದ ಆದೇಶ ಗಮನಿಸಿ ಮುಂದಿನ ಕ್ರಮ ತೆಗೆದುಕೊಳ್ಳಬೇಕು. ನ್ಯಾಯಾಲಯದ ಆದೇಶ ಪ್ರತಿ ಸಿಗುವ ತನಕ ಮಳಿಗೆ ಮುಚ್ಚಿಸಬೇಕು ಎಂದು ಸಲಹೆ ನೀಡಿದರು. ಇದಕ್ಕೆ ಉಳಿದವರಿಂದ ಸಹಮತ ವ್ಯಕ್ತವಾಯಿತು. ಅಕ್ರಮ ಕಟ್ಟಡ ಬಗ್ಗೆ ಚರ್ಚೆಗೆ ಸದ್ಯದಲ್ಲೇ ವಿಶೇಷ ಸಭೆ ಕರೆಯಲಾಗುವುದು ಎಂದು ಅಧ್ಯಕ್ಷ ಕಲಾವತಿ ಪ್ರಕಟಿಸಿದರು.

ನಗರದಲ್ಲಿ ವ್ಯಾಪಾರ ಪರವಾನಗಿ ಇಲ್ಲದೆ ವ್ಯವಹಾರ ನಡೆಸಲಾಗುತ್ತಿರುವ ಬಗ್ಗೆ ರಾಜೇಶ್ ಯಲ್ಲಪ್ಪ ಆಕ್ರೋಶ ವ್ಯಕ್ತಪಡಿಸಿದರು. ಅಧ್ಯಕ್ಷರು, ಉಪಾಧ್ಯಕ್ಷರು ಇಂಥವರ ಪರ ಇರುವುದರಿಂದ ಅವರು ತಲೆ ಕೆಡಿಸಿಕೊಳ್ಳುತ್ತಿಲ್ಲ. ಅಧಿಕಾರಿಗಳಾದರೂ ಧೈರ್ಯದಿಂದ ಕೆಲಸ ಮಾಡಿ. ವ್ಯಾಪಾರ ಪರವಾನಗಿ ಪಡೆಯದೆ ವ್ಯಾಪಾರ ಮಾಡುತ್ತಿರುವವರಿಗೆ ನೊಟೀಸ್ ಕೊಟ್ಟು ಪರವಾನಗಿ ಕೊಡುವ ವ್ಯವಸ್ಥೆ ಮಾಡಬೇಕು ಎಂದರು. ಈ ವೇಳೆ ಮಾತನಾಡಿದ ಅಪ್ಪಣ್ಣ ಅಕ್ರಮ ಒಪ್ಪಿಕೊಳ್ಳುವುದು, ಎಲ್ಲಾ ಗೊತ್ತಿದ್ದರೂ ಸುಮ್ಮನೆ ಕೂರುವುದು..ಇದೇ ಸದಸ್ಯರ ಪರಿಸ್ಥಿತಿ ಆಗಿದೆ. ಸದಸ್ಯರೆಂದರೆ ಒಂದು ರೀತಿಯಲ್ಲಿ

ಜೋಕರ್‌ಗಳ ರೀತಿ ಆಗಿದೆ. ಅಕ್ರಮಗಳಿಗೆ ಕಡಿವಾಣ ಹಾಕಿ. ಬೇಡ ಅಂದವರು ಯಾರು ? ಶೇ. 50 ಅಂಗಡಿಗಳಿಗೆ ವ್ಯಾಪಾರ ಪರವಾನಗಿ ಇಲ್ಲ. ಇವರಿಗೆಲ್ಲ ಅವಕಾಶ ಕೊಟ್ಟು ಪರವಾನಗಿ ನೀಡಬೇಕು ಎಂದು ಹೇಳಿದರು.