ಚೇನಂಡ ತಂಡ 5-0 ಅಂತರದಲ್ಲಿ ಭರ್ಜರಿ ಜಯ

.

ನಾಪೋಕ್ಲು: ಇಲ್ಲಿನ ಚೆರಿಯ ಪರಂಬುವಿನ ಜನರಲ್ ಕೆ.ಎಸ್. ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ಆಯೋಜಿಸಲಾಗಿರುವ ಕೊಡವ ಕೌಟುಂಬಿಕ ಚೇನಂಡ ಕಪ್ ಹಾಕಿ ಪಂದ್ಯಾವಳಿಯಲ್ಲಿ ಭಾನುವಾರ ನಡೆದ ಚೇನಂಡ ಮತ್ತು ಮಂದನೆರವಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಚೇನಂಡ ತಂಡ 5-0 ಅಂತರದಲ್ಲಿ ಭರ್ಜರಿ ಜಯ ಸಾಧಿಸಿತು. ಚೇನಂಡ ತಂಡದ ಆಟಗಾರರಾದ ಧ್ಯಾನ್ ಬೆಳ್ಳಿಯಪ್ಪ-2, ಸಚಿನ್ ಬೆಳ್ಳಿಯಪ್ಪ-1, ಚಮನ್ -1 ಮತ್ತು ದಿನೇಶ್ ತಿಮ್ಮಯ್ಯ-1 ಗೋಲು ದಾಖಲಿಸಿ ತಂಡಕ್ಕೆ ಭರ್ಜರಿ ಜಯ ತಂದು ಕೊಟ್ಟರು. ಜೇನಂಡ ತಂಡದ ಬಿರುಸಿನ ಆಟದ ಮುಂದೆ ಮಂದನೆರವಂಡ ತಂಡದ ಆಟಗಾರರು ಪ್ರಬಲ ಹೋರಾಟ ನಡೆಸಿದರೂ ಯಾವುದೇ ಗೋಲು ಗಳಿಸಲು ವಿಫಲರಾದರು. ಮನೆಯಪಂಡ ಮತ್ತು ಮಾಪಂಗಡ ತಂಡಗಳ ನಡುವೆ ನಡೆದ ಪಂದ್ಯವು ರೋಚಕವಾಗಿತ್ತು. ಎರಡು ತಂಡಗಳು ನಿಗದಿತ ಅವಧಿಯಲ್ಲಿ 1-1ಅಂತರದ ಮುನ್ನಡೆ ಸಾಧಿಸಿದವು ನಂತರ ಟೈ ಬ್ರೇಕರ್‌ನಲ್ಲಿ ಮನೆಯಪಂಡ ತಂಡ ಮಾಪಂಗಡ ವಿರುದ್ಧ 3-4 ಅಂತರದಿಂದ ಜಯ ಸಾಧಿಸಿತು.

ಉಳಿದ ಪಂದ್ಯಗಳಲ್ಲಿ ಕೈಬುಲಿನ ಬೋಳ್ಳೆರ ವಿರುದ್ಧ 1-0 ಅಂತರದಿಂದ, ಅಚ್ಚಪಂಡ ಪೊನ್ನಚಂಡ ವಿರುದ್ಧ 3 -2 ಅಂತರದಿಂದ, ಕಂಬಿರಂಡ ಅಲ್ಲುಮಾಡ ವಿರುದ್ಧ 5-0 ಅಂತರದಿಂದ, ಕೊಂಡಿರ ಬೇರೆರ ವಿರುದ್ಧ 2-1ರಿಂದ, ಮುಕ್ಕಾಟಿರ (ಕಡಗದಾಳು) ಬಾರಿಯಂಡ ವಿರುದ್ಧ 3-2 ರಿಂದ, ಅಲಮೇಂಗಡ ಕರ್ತ ಮಾಡ ವಿರುದ್ಧ 5-0 ಅಂತರದಿಂದ, ಮಾಲೇಟಿರ(ಕೆದಮುಳ್ಳೂರು) ಅಲ್ಮಚಂಡ ವಿರುದ್ಧ 6-0 ಅಂತರದಿಂದ, ಚಂದುರ ವಲ್ಲಂಡ ವಿರುದ್ಧ 3-0 ಅಂತರದಿಂದ ಗೆಲುವು ಸಾಧಿಸಿ ಮುನ್ನಡೆ ಗಳಿಸಿತು ಗಳಿಸಿದವು.

ಕುಟ್ಟಂಡ (ಅಮ್ಮತ್ತಿ) ಮತ್ತು ಕರ್ತಮಾಡ (ಬಿರುನಾಣಿ) ತಂಡಗಳ ನಡುವೆ ಸಮಬಲದ ಹೋರಾಟ ನಡೆಯಿತು. ಎರಡೂ ತಂಡಗಳು ನಿಗದಿತ ಅವಧಿಯಲ್ಲಿ ಯಾವುದೇ ಗೋಲು ಗಳಿಸಲಿಲ್ಲ. ನಂತರ ಟೈ ಬ್ರೇಕರ್‌ನಲ್ಲಿ ಕರ್ತಮಾಡ (ಬಿರುನಾಣಿ )ತಂಡವು 4-3 ಅಂತರದಿಂದ ಗೆಲುವು ಸಾಧಿಸಿತು.

ನಾಯಕಂಡ ಮತ್ತು ಮಲ್ಚಿರ ತಂಡಗಳು ಗೆಲುವಿಗಾಗಿ ಸೆಣೆಸಾಟ ನಡೆಸಿದವು. ಎರಡೂ ತಂಡಗಳು 2-2 ಅಂತರದ ಸಮಬಲ ಸಾಧಿಸಿದವು. ನಂತರ ಟೈ ಬ್ರೇಕರ್‌ನಲ್ಲಿ ನಾಯಕಂಡ 5-4 ಅಂತರದಿಂದ ಮಲ್ಟಿರ ವಿರುದ್ಧ ಗೆಲುವು ಸಾಧಿಸಿತು. ಚೊಟ್ಟೆಯಂಡಮಾಡ ಮತ್ತು ಚೆರಿಯಪಂಡ ತಂಡಗಳ ನಡುವೆಯೂ ಸಮಬಲದ ಹೋರಾಟ ನಡೆಯಿತು. ಎರಡೂ ತಂಡಗಳು 1-1 ಗೋಲು ಗಳಿಸಿದವು.ನಂತರ ಟೈ ಬ್ರೇಕರ್‌ನಲ್ಲಿ ಚೊಟ್ಟೆಯಂಡಮಾಡ ಗೆಲುವು ಸಾಧಿಸಿತು ಮಳವಂಡ ಮತ್ತು ಬೊಳ್ಳಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಮಳವಂಡ 2-1 ರಿಂದ ಗೆಲುವು ಸಾಧಿಸಿತು.