ಎಸ್‌ಐಆರ್ ಪಕ್ರಿಯೆ ಪರಿಶೀಲಿಸಿದ ಉಪವಿಭಾಗಾಧಿಕಾರಿ

ಕುಶಾಲನಗರದ ವಿವಿಧೆಡೆಗಳಲ್ಲಿ ಎಸ್‌ಐಆರ್ ಪ್ರಕ್ರಿಯೆ ಕುರಿತು ಕೊಡಗು ಜಿಲ್ಲಾ ಉಪವಿಭಾಗಾಧಿಕಾರಿಯೂ ಆದ ಕುಶಾಲನಗರ ಪುರಸಭೆ ಆಡಳಿತಾಧಿಕಾರಿ ನಿತಿನ್ ಚಕ್ಕಿ ಶುಕ್ರವಾರ ಪರಿಶೀಲನೆ ನಡೆಸಿದರು. ಶೇ.50ಕ್ಕಿಂತ ಕಡಿಮೆ ಪ್ರಗತಿಯಲ್ಲಿರುವ ವಾರ್ಡ್ಗಳಿಗೆ ಖುದ್ದು ತೆರಳಿದ ಉಪವಿಭಾಗಾಧಿಕಾರಿ ಅಲ್ಲಿನ ಬಿಎಲ್‌ಒ ಮತ್ತು ಬಿಎಲ್‌ಎಗಳೊಂದಿಗೆ ಎಸ್‌ಐಆರ್ ಪ್ರಗತಿ ಕುರಿತಾದ ಪರಾಮರ್ಶೆ ನಡೆಸಿದರು.

ಉಪವಿಭಾಗಾಧಿಕಾರಿ ಕಚೇರಿಯ ಪ್ರಥಮ ದರ್ಜೆ ಸಹಾಯಕ ರತನ್ ಕುಮಾರ್, ಪುರಸಭೆ ಕಂದಾಯ ಅಧಿಕಾರಿ ರಾಮು, ಧನಂಜಯ, ಬಿಎಲ್‌ಒ ಟಿ.ಎಸ್. ಸೌಭಾಗ್ಯ, ಬಿಎಲ್‌ಎ ಮಧು ಸೇರಿದಂತೆ ಬಡಾವಣೆಯ ನಿವಾಸಿಗಳು ಈ ಸಂದರ್ಭ ಇದ್ದರು.