ಈ ಸಂಬಂಧ ಪೂರ್ವಭಾವಿ ಕೆಲಸಗಳನ್ನು ಕಾರ್ಯರೂಪದಲ್ಲಿ ಮಾಡುವುದು ಅಸಾಧ್ಯ. ಸರಿಯಾದ ದಾಖಲಾತಿಗಳಿಲ್ಲದೆ ಈ ಬಗ್ಗೆ ಮುಂದುವರಿಯುವುದೂ ಸೂಕ್ತವಲ್ಲ. ಈ ಹಿಂದೆ ನಡೆದುಕೊಂಡು ಬಂದಿರುವ ಜಾತ್ರಾ ಉತ್ಸವ ಪ್ರಕ್ರಿಯೆ, ಗೋ ಪ್ರದರ್ಶನ ಇತ್ಯಾದಿಗಳೆಲ್ಲವೂ ಅಬಾಧಿತವಾಗಿ ನಡೆಯಲಿದೆ. ಇಂತಹ ಧಾರ್ಮಿಕ, ಸಾಂಸ್ಕೃತಿಕ ಹಾಗೂ ಇತರ ಚಟುವಟಿಕೆಗಳಿಗೆ ಸೂಕ್ತ ಸ್ಥಳಗಳನ್ನು ಟ್ರಸ್ಟ್ ಗುರುತಿಸಲಿದೆ. ಇದರ ಸಾಲಿಗೆ ಸುಸಜ್ಜಿತ ಕ್ರೀಡಾಂಗಣವೂ ಸೇರಿದ್ದು, ನಗರಕ್ಕೆ ಅಗತ್ಯವೆಂದರೆ ಸುಸಜ್ಜಿತ ಕ್ರೀಡಾಂಗಣ. ಸುತ್ತಲೂ ಕನಿಷ್ಠ 5000 ಪ್ರೇಕ್ಷಕರು ಕುಳಿತುಕೊಳ್ಳಬಹುದಾದ ಗ್ಯಾಲರಿಯೊಂದಿಗೆ ಮುಂದಿನ ದಿನಗಳಲ್ಲಿ ಟರ್ಫ್ ಗ್ರೌಂಡ್ ಆಗಿ ಪರಿವರ್ತಿಸುವ ಯೋಜನೆ ಕೂಡ ಇದೆ. ಇದರಿಂದ ಸುತ್ತ ಮುತ್ತಲಿನ ವಿದ್ಯಾಸಂಸ್ಥೆಗಳು, ಕ್ರೀಡಾ ಪ್ರೇಮಿಗಳು, ಸಂಘ-ಸಂಸ್ಥೆಗಳಿಗೆ ಹೆಚ್ಚಿನ ಉಪಯೋಗವಾಗಲಿದೆ ಎಂದು ಸದಸ್ಯರು ಪ್ರತಿಪಾದಿಸಿದರು.
