ಕಾಡಂಚಿನಲ್ಲಿರುವ ಗ್ರಾಮವಾಗಿರುವುದರಿಂದ ಪ್ರತಿವರ್ಷ ಕಾಡು ಪ್ರಾಣಿಗಳ ಹಾವಳಿ ತಪ್ಪಿದ್ದಲ್ಲ. ಮಳೆಗಾಲದಲ್ಲಿ ರಸ್ತೆ ಕೆರೆಯಂತಾಗಿರುತ್ತದೆ. 40ಕ್ಕೂ ಹೆಚ್ಚು ಮನೆಗಳು ಇದೆ. ಗ್ರಾಮದ ಒಂದು ಬದಿ ನಿಡ್ತ ಹಾಗೂ ಇನ್ನೊಂದು ಬದಿ ಆಲೂರು ಸಿದ್ದಾಪುರ ಗ್ರಾಮ ಪಂಚಾಯಿತಿಗೆ ಸೇರಿದೆ. ಗ್ರಾಮದ ಕೆಲವರು ಕೃಷಿ ಚಟುವಟಿಕೆ ಮಾಡುತ್ತಾರೆ. ಬಸ್ ಸೌಲಭ್ಯ ಇಲ್ಲದಿರುವುದರಿಂದ ಬಾಡಿಗೆ ವಾಹನಗಳನ್ನೇ ಅವಲಂಬಿಸಿದ್ದಾರೆ. ಕೃಷಿ ಸಲಕರಣೆಯನ್ನು ಪಟ್ಟಣದಿಂದ ತರಲು ನಿಗದಿಗಿಂತ ಹೆಚ್ಚು ಬಾಡಿಗೆ ನೀಡಬೇಕಾದ ಪರಿಸ್ಥಿತಿಯೂ ಇದೆ. ಅಂಗನವಾಡಿ ಕೇಂದ್ರ ಮಾತ್ರ ಇಲ್ಲಿದೆ. ಪ್ರಾಥಮಿಕ ಶಾಲೆ ಶಿಕ್ಷಣಕ್ಕೆ ಮುಳ್ಳೂರು, ಪ್ರೌಢಶಾಲೆ ಶಿಕ್ಷಣಕ್ಕೆ ನಿಡ್ತ, ಪದವಿ ಪೂರ್ವ ಕಾಲೇಜು ಶಿಕ್ಷಣಕ್ಕೆ ಸೋಮವಾರಪೇಟೆ, ಶನಿವಾರಸಂತೆ, ಕುಶಾಲನಗರಕ್ಕೆ ತೆರಳಬೇಕಾಗಿದೆ.
