ನಾಪೋಕ್ಲು ಕೊಡವ ಸಮಾಜ ಚಾಂಪಿಯನ್

ಪಟ್ಟಣದ ಪದವಿ ಪೂರ್ವ ಕಾಲೇಜು ಮೈದಾನದಲ್ಲಿ ಸೀಮಿತ ಓವರುಗಳ ಲೆದರ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯನ್ನು ಇತ್ತೀಚೆಗೆ  ಅ.19 ,20,21ರಂದು ಮೂರು ದಿನ ಆಯೋಜಿಸಲಾಗಿತ್ತು. ಸತತ ಮಳೆ ಕಾರಣ ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಗಳನ್ನು ಮುಂದೂಡಲಾಗಿತ್ತು. 

ನ.1ರಂದು ನಡೆದ ಸೆಮಿಫೈನಲ್ ಮತ್ತು ಫೈನಲ್ ಪಂದ್ಯಾವಳಿಯಲ್ಲಿ ಜಿಲ್ಲೆಯ ಒಟ್ಟು 12 ಕೊಡವ ಸಮಾಜ ತಂಡಗಳು ಭಾಗವಹಿಸಿದ್ದವು. 

ಪ್ರಥಮ ಸೆಮಿಫೈನಲ್ ಪಂದ್ಯ ಟಿ.ಶೆಟ್ಟಿಗೇರಿ ಕೊಡವ ಸಮಾಜ ಮತ್ತು ನಾಪೋಕ್ಲು ಕೊಡವ ಸಮಾಜ ತಂಡಗಳ ನಡುವೆ ನಡೆದು ಟಿ.ಶೆಟ್ಟಿಗೇರಿ ತಂಡವು 10 ಓವರುಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 73 ರನ್ ಗಳಿಸಿತು. ಬಳಿಕ ಬ್ಯಾಟಿಂಗ್ ಮಾಡಿದ ನಾಪೋಕ್ಲು ಕೊಡವ ಸಮಾಜ 8.1 ಓವರುಗಳಲ್ಲಿ  03 ವಿಕೆಟ್ ನಷ್ಟಕ್ಕೆ 75 ರನ್ ಗಳಿಸಿ ಫೈನಲ್ ಪ್ರವೇಶಿಸಿತು. 

ದ್ವೀತಿಯ ಸೆಮಿಫೈನಲ್ ಪಂದ್ಯದಲ್ಲಿ ಮೊದಲಿಗೆ ಬ್ಯಾಟಿಂಗ್ ಮಾಡಿದ ವಿರಾಜಪೇಟೆ ಕೊಡವ ಸಮಾಜ  ತಂಡ 10 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 95 ರನ್ ಗಳಿಸಿ ಎದುರಾಳಿ ತಂಡಕ್ಕೆ 96 ರನ್ ಗುರಿ ನೀಡಿತು. ಬಳಿಕ ಬ್ಯಾಟಿಂಗ್ ಮಾಡಿದ ಎದುರಾಳಿ ತಂಡ ಹುದಿಕೇರಿ ಕೊಡವ ಸಮಾಜ ನಿಧಾನಗತಿಯಲ್ಲಿ ರನ್ ಕಲೆ ಹಾಕಿತು. ಪರಿಣಾಮ 10 ಓವರ್‌ಗಳಲ್ಲಿ  7 ವಿಕೆಟ್ ಕಳೆದುಕೊಂಡು ಗುರಿ ತಲುಪುವಲ್ಲಿ ವಿಫಲವಾಗಿ 84 ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ವಿರಾಜಪೇಟೆ ಕೊಡವ ಸಮಾಜ ಫೈನಲ್ ಪ್ರವೇಶಿಸಿತು. 

ಫೈನಲ್ ಪಂದ್ಯವು ಆರಂಭದಲ್ಲಿ ರೋಚಕವಾಗಿ ಮುಂದುವರೆದರು ಕೊನೆಯಲ್ಲಿ ಏಕಮುಖವಾಗಿ ತಿರುವು ಪಡೆಯಿತು. ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡು ಕಣಕ್ಕಿಳಿದ ವಿರಾಜಪೇಟೆ ಕೊಡವ ಸಮಾಜ ತಂಡ ನಿಧಾನಗತಿಯ ರನ್ ಕಲೆಹಾಕಿತು. ನಿಗದಿತ 8 ಓವರ್‌ಗಳಲ್ಲಿ ತನ್ನ 5 ವಿಕೆಟ್ ಕಳೆದುಕೊಂಡು. 58 ರನ್ ಗಳಿಸಿ ತನ್ನ ಎದುರಾಳಿ ನಾಪೋಕ್ಲು ಕೊಡವ ಸಮಾಜ ತಂಡಕ್ಕೆ 59 ರನ್ ಗುರಿ ನೀಡಿತು. ತಂಡದ ಪರ ಚಿಮ್ಮಣಮಾಡ ಸೋಮಣ್ಣ 23 ರನ್ ಕಲೆ ಹಾಕಿದರು.

ಬಳಿಕ ಬ್ಯಾಟಿಂಗ್ ಮಾಡಿದ ನಾಪೋಕ್ಲು ಕೊಡವ ಸಮಾಜ ತಂಡ 5 ಓವರ್‌ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 59 ರನ್ನ್ ಗಳ ಗುರಿ ತಲುಪಿ ವಿಜಯದ ಮಾಲೆಗೆ ಕೊರಳೊಡ್ಡಿ ಚಾಂಪಿಯನ್ ಪಟ್ಟ ಅಲಂಕರಿಸಿತು. ತಂಡದ ಪರ ಅಪ್ಪಾರಂಡ ನೆಲ್ ಅವರು 33 ರನ್‌ಗಳನ್ನು ಕೆಲಹಾಕಿ ತಂಡಕ್ಕೆ ಆಸರೆಯಾದರು.  ಚಾಂಪಿಯನ್ ತಂಡಕ್ಕೆ 75000 ರೂ. ನಗದು ಮತ್ತು ಟ್ರೋಫಿ, ಪರಾಜಿತ ತಂಡಕ್ಕೆ 50,000 ನಗದು ಮತ್ತು ಟ್ರೋಫಿ ನೀಡಿ ಗೌರವಿಸಲಾಯಿತು. 

ಉತ್ತಮ ದಾಂಡಿಗ ಮೊಳ್ಳೇರ ಧ್ಯಾನ್, ಉತ್ತಮ ಕ್ಷೇತ್ರ ರಕ್ಷಕ ಕಲಕಂಡ ಭರತ್, ಉತ್ತಮ ದಾಳಿಕಾರ ಬೊಪ್ಪಂಡ ಪ್ರಖ್ಯಾತ್, ಆಲ್ ರೌಂಡರ್ ಕರ್ತಚ್ಚಿರ ಮಂಜು, ಉತ್ತಮ ಗೂಟ ರಕ್ಷಕ ಮಂಡೇಪಂಡ ತಿಮ್ಮಯ್ಯ ಮತ್ತು ಸರಣಿ ಶ್ರೇಷ್ಠ ಪ್ರಶಸ್ತಿಯನ್ನು ನೆರವಂಡ ವರಣ್ ಅವರು ತಮ್ಮ ವೈಕ್ತಿಕ ವಿಭಾಗದಲ್ಲಿ ಪ್ರಶಸ್ತಿಗಳನ್ನು ಬಾಚಿಕೊಂಡರು. 

 ಚೆಕ್ಕೇರ ನವೀನ್, ಅದೇಯಂಗಡ ಶಾಶ್ವತ್, ಅದೇಯಂಗಡ ಶೌರ್ಯ, ಕೊಟ್ಟಂಗಡ ಸೂರಜ್ ಮಾದಪ್ಪ, ಅಳೆಮೆಂಗಡ ಮೋಹನ್, ಕೊಕ್ಕೆಂಗಡ ರಂಜನ್, ಚೌರೀರ ಶರತ್, ಮಾಚಂಗಡ ಸೋಮಣ್ಣ ಅವರು ಪಂದ್ಯಾವಳಿಯ ತೀರ್ಪುಗಾರರಾಗಿದ್ದರು.  ಕೊಡವ ಕ್ರಿಕೆಟ್ ಆಕಾಡೆಮಿ ಅಧ್ಯಕ್ಷ ಕೀತಿಯಂಡ ಕರ್ಸಾನ್ ಕಾರ್ಯಪ್ಪ, ಉಪಾಧ್ಯಕ್ಷ ಮತ್ತು ರಿಪಬ್ಲಿಕ್ ಟಿ.ವಿ.ನೆಟ್ವರ್ಕ್ ಅಧ್ಯಕ್ಷ ಚೇರಂಡ ಕಿಶನ್, ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲ ತಾತಂಡ ಜ್ಯೋತಿ ಪ್ರಕಾಶ್, ಉದ್ಯಮಿ ಅವರೇಮಾದಂಡ ಶರಣ್, ಮಾಜಿ ನಿರ್ದೇಶಕರಾದ ಮಾದಂಡ ಎಸ್. ಪೂವಯ್ಯ ಇತರರು ಹಾಜರಿದ್ದರು. 

2 ಠಿಣ. 1.2 ಅಂತರ್ ಕೊಡವ ಸಮಾಜ ಕ್ರಿಕೆಟ್ ಪಂದ್ಯಾವಳಿಯ ರನ್ನರ್ಸ್ ವಿರಾಜಪೇಟೆ ಕೊಡವ ಸಮಾಜ ತಂಡ.