ಸತತವಾಗಿ ಅತಿವೃಷಿಗೆ ಒಳಗಾಗುತ್ತಿದ್ದ ಕೊಡಗು ೨೦೨೩ರಲ್ಲಿ ಮಳೆಯ ಕೊರತೆಗೆ ಸಾಕ್ಷಿ ಆಗಿದೆ. ಬರಗಾಲ ಪೀಡಿತ ಪ್ರದೇಶ ಎಂದು ಅಧಿಕೃತವಾಗಿ ಸರ್ಕಾರದಿಂದ ಘೋಷಣೆ ಆಗಿದೆ. ಬರ ಪರಿಹಾರಕ್ಕೆಂದು ಸದ್ಯಕ್ಕೆ ೭.೫ ಕೋಟಿ ರೂ. ಅನುದಾನ ಕೊಡಗಿಗೆ ಬಂದಿದೆ. ಜಿಲ್ಲೆಯ ಪ್ರಮುಖ ಬೆಳೆಗಳಾದ ಕಾಫಿ, ಭತ್ತ, ಕರಿಮೆಣಸು ಮಳೆಯಿಲ್ಲದ ಕಾರಣ ನೆಲಕ್ಕಚ್ಚಿದ್ದು ಸರ್ಕಾರ ಸಂಕಷ್ಟದಲ್ಲಿ ಇರುವ ರೈತರ ನೆರವಿಗೆ ನಿಲ್ಲಬೇಕಿದೆ. ಇದರ ಜತೆಗೆ ಭವಿಷ್ಯದಲ್ಲಿ ಪ್ರವಾಹ, ಭೂಕುಸಿತದಂತಹ ಅನಾಹುತಗಳಿಂದ ಜಿಲ್ಲೆಯ ಜನರನ್ನು ರಕ್ಷಿಸಲು ಶಾಶ್ವತ ಯೋಜನೆಯ ಅಗತ್ಯವಿದೆ. ಈ ನಿಟ್ಟಿನಲ್ಲಿ ೨೦೨೪ರಲ್ಲಿ ನಿರೀಕ್ಷೆ ದೊಡ್ಡದಿದೆ.
ಕಾಫಿ ಕೊಡಗಿನ ಪ್ರಮುಖ ವಾಣಿಜ್ಯ ಬೆಳೆ. ಆದರೆ ಅತಿವಷ್ಟಿ, ಅನಾವಷ್ಟಿ, ಅಕಾಲಿಕ ಮಳೆ, ಕೂಲಿಕಾರ್ಮಿಕರ ಕೊರತೆ, ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿರುವ ನಿರ್ವಹಣಾ ವೆಚ್ಚದಿಂದ ಬೆಳೆಗಾರರು ಕಂಗೆಟ್ಟು ಹೋಗಿದ್ದಾರೆ. ಹಾಗಾಗಿ ಕಾಫಿ ಕಷಿಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಸರ್ಕಾರ ನೆರವಿಗೆ ನಿಲ್ಲಬಹುದು ಎನ್ನುವ ನಿರೀಕ್ಷೆಯಲ್ಲಿ ಕಾಫಿ ಬೆಳೆಗಾರರಿದ್ದಾರೆ. ಇತರ ಜಿಲ್ಲೆಗಳಲ್ಲಿ ರೈತರಿಗೆ ಕಷಿ ಉದ್ದೇಶಕ್ಕೆ ಉಚಿತ ವಿದ್ಯುತ್ ಇದೆ. ಆದರೆ ಕೊಡಗಿನ ಕಾಫಿ ಬೆಳೆಗಾರರು ಹಣ ಕೊಟ್ಟು ವಿದ್ಯುತ್ ಬಳಸಬೇಕು. ೧೦ ಹೆಚ್.ಪಿ. ತನಕದ ಮೋಟಾರ್ಗಳಿಗೆ ಉಚಿತ ವಿದ್ಯುತ್ ಕೊಡಬೇಕು ಎನ್ನುವ ಬೇಡಿಕೆಗೆ ಸರಿಯಾದ ಮನ್ನಣೆ ಸಿಕ್ಕಿಲ್ಲ. ಕಟ್ಟಿದ ಮೊತ್ತ ಡಿಬಿಟಿ ಮೂಲಕ ಮರುಪಾವತಿಗೆ ಬೆಳೆಗಾರರ ವಿರೋಧ ಇದೆ. ಹಾಗಾಗಿ ಸರ್ಕಾರದ ಪರ್ಯಾಯ ನಿರ್ಧಾರದ ಆಶಾಭಾವನೆಯಲ್ಲಿ ಬೆಳೆಗಾರರು ಇದ್ದಾರೆ.
