ಜಿಲ್ಲೆಯ ಪ್ರಾಕೃತಿಕ ಸೊಬಗಿನ ಆಕರ್ಷಣೆ, ಮೋಡಿ ಮಾಡುವ ಪರಿಸರ ಪ್ರವಾಸಿಗರನ್ನು ಹೆಚ್ಚು ಹೆಚ್ಚು ಸೆಳೆಯಲು ಕಾರಣವಾಗಿದೆ. ದೇಶದ ಪ್ರಮುಖ ಗಿರಿಧಾಮಗಳ ಪಟ್ಟಿಯಲ್ಲೂ ಕೊಡಗು ಸ್ಥಾನ ಪಡೆದುಕೊಂಡಿದೆ. ಇಲ್ಲಿಯ ಕಾಫಿ ತೋಟ, ಜಲಪಾತಗಳು, ಹಸಿರು ತುಂಬಿದ ದಟ್ಟ ಕಾಡು, ವನ್ಯಜೀವಿ ತಾಣಗಳಿಗೆ ಜಿಲ್ಲೆ ಹೆಸರಾಗಿದೆ. ಇಲ್ಲಿಯ ವಾತಾವರಣ ಶಾಂತಿ ಮತ್ತು ತಾಜಾತನವನ್ನು ಪ್ರವಾಸಿಗರಲ್ಲಿ ತುಂಬುತ್ತದೆ ಎನ್ನುವ ನಂಬಿಕೆಯೂ ಇದೆ. ಟ್ರಕ್ಕಿಂಗ್, ರ್ಯಾಫ್ಟಿಂಗ್, ಕ್ಯಾಂಪಿಂಗ್ನಂತಹ ಸಾಹಸ ಕ್ರೀಡೆಗಳನ್ನೂ ಆನಂದಿಸಬಹುದು. ಮಡಿಕೇರಿ ಕೋಟೆ, ಅಬ್ಬಿಫಾಲ್ಸ್, ರಾಜಾ ಸೀಟ್, ನಾಗರಹೊಳೆ ರಾಷ್ಟ್ರೀಯ ಉದ್ಯಾನ, ದುಬಾರೆ ಮತ್ತು ಹಾರಂಗಿ ಸಾಕಾನೆ ಶಿಬಿರ ಪ್ರಮುಖ ಆಕರ್ಷಣೆಗಳಾಗಿದೆ. ಅಕ್ಟೋಬರ್ನಿಂದ ಮಾರ್ಚ್ ತನಕದ ಅವಧಿಗೆ ಜಿಲ್ಲೆಗೆ ಭೇಟಿ ನೀಡಲು ಅತ್ಯುತ್ತಮವಾಗಿರುತ್ತದೆ.
