ಮುಚ್ಚಳಿಕೆಯಲ್ಲೇನಿದೆ?
ಕೊಡಚಾದ್ರಿ ಗಿರಿಗೆ ಪ್ರವಾಸಿಗರು, ಭಕ್ತರನ್ನು ಕರೆದುಕೊಂಡು ಹೋಗುವ ವಾಹನ ಮಾಲೀಕ ಸ್ವ-ಇಚ್ಛೆಯಿಂದ ಮುಚ್ಚಳಿಕೆ ಬರೆದು ಕೊಡಬೇಕಿದೆ. ಪ್ರವಾಸಿಗರನ್ನು ಕಟ್ಟಿನಹೊಳೆ ರಸ್ತೆ ಮೂಲಕ ಕರೆದುಕೊಂಡು ಹೋಗುತ್ತಿದ್ದೇನೆ. ರಸ್ತೆ ಹದಗೆಟ್ಟಿರುವುದರಿಂದ ವಾಹನ ಸಂಚಾರಕ್ಕೆ ಅಪಾಯಕಾರಿ ಆಗಿರುವುದು ನಿಜ. ವಾಹನದಲ್ಲಿ ತೆರಳುವ ಸಂದರ್ಭದಲ್ಲಿ ಭಕ್ತಾಧಿಗಳು, ಪ್ರವಾಸಿಗರಿಗೆ ಏನಾದರೂ ಅನಾಹುತವಾದಲ್ಲಿ ಅಥವಾ ಇತರ ನಷ್ಟ, ವಾಹನ ಹಾನಿ ಸಂಭವಿಸಿದಲ್ಲಿ ಮಾಲೀಕನೇ ಜವಾಬ್ದಾರಿ. ನಿಗದಿ ಪಡಿಸಿದ ಸಮಯದ ಬಗ್ಗೆ ಪ್ರವಾಸಿಗರಿಗೆ ಮಾಹಿತಿ ನೀಡುವುದು, ಆ ಸಮಯದೊಳಗೆ ಬರುವುದು ಮತ್ತು ಸಿಬ್ಬಂದಿಗೆ ಯಾವುದೇ ಒತ್ತಡ ಹಾಕದಿರುವುದು, ಧ್ವನಿವರ್ಧಕ ಬಳಸಿ ವನ್ಯಜೀವಿಗಳ ಚಲನವಲನಗಳಿಗೆ ತೊಂದರೆ ಕೊಡುವುದಿಲ್ಲ. ಮದ್ಯಪಾನ ಮಾಡುವುದಿಲ್ಲ. ಮಾದಕ ವಸ್ತುಗಳ ನಿರ್ಬಂಧ ಪ್ಲಾಸ್ಟಿಕ್ ವಸ್ತುಗಳ ಬಳಕೆ ನಿಷೇಧ, ಪ್ರವೇಶ ಶುಲ್ಕದ ಬಗ್ಗೆ ಪ್ರವಾಸಿಗರಿಗೆ ಮಾಹಿತಿ ನೀಡುತ್ತೇನೆ. ಪ್ರವಾಸಿಗರು ಗೇಟ್ ಬಳಿ ಅನಗತ್ಯ ತಕರಾರು ಮಾಡದಿರುವಂತೆ ಜವಾಬ್ದಾರಿ ವಹಿಸುವೆ. ಅರಣ್ಯ ಇಲಾಖೆ ಕಾಲಕಾಲಕ್ಕೆ ನೀಡುವ ಎಲ್ಲಾ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುತ್ತೇನೆ ಎಂದು ಮುಚ್ಚಳಿಕೆ ಬರೆದುಕೊಡಬೇಕಿದೆ.
