ಕೆಎಲ್‌ಎಸ್ ಜಿಐಟಿ-ಹೆಸ್ಕಾಂ ಒಡಂಬಡಿಕೆಗೆ ಸಹಿ

ಬೆಳಗಾವಿ: ನಗರದ ಗೋಗಟೆ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಇಂಜಿನಿಯರಿಂಗ್ ವಿಭಾಗವು ಹುಬ್ಬಳ್ಳಿಯ ವಿದ್ಯುತ್ ಸರಬರಾಜು ಕಂಪನಿಯೊಂದಿಗೆ ವಿಸ್ತೃತ ತಿಳಿವಳಿಕೆ ಒಪ್ಪಂದಕ್ಕೆ ಈಚೆಗೆ ಹುಬ್ಬಳ್ಳಿಯಲ್ಲಿ ಸಹಿ ಹಾಕಲಾಯಿತು.

ಕೆಎಲ್‌ಎಸ್ ಜಿಐಟಿ ಮತ್ತು ಹೆಸ್ಕಾಂ ಮಧ್ಯದ ಶೈಕ್ಷಣಿಕ ಸಹಯೋಗ ಹೆಚ್ಚಿಸುವ, ವಿದ್ಯಾರ್ಥಿಗಳಿಗೆ ಇಂಟರ್ನ್‌ಷಿಪ್ ಮತ್ತು ತರಬೇತಿ ಅವಕಾಶಗಳನ್ನು ಒದಗಿಸಲು ಈ ಒಪ್ಪಂದವು ಮುಂದಿನ 5 ವರ್ಷಗಳವರೆಗೆ ಸಹಾಯವಾಗಲಿದೆ. ಜತೆಗೆ ಉದಯೋನ್ಮುಖ ಇಂಜಿನಿಯರ್‌ಗಳಿಗೆ ಪ್ರಾಯೋಗಿಕ ಮಾನ್ಯತೆ ಮತ್ತು ಕೈಗಾರಿಕಾ ತರಬೇತಿ ನೀಡುವಲ್ಲಿ ಎರಡೂ ಸಂಸ್ಥೆಗಳ ಬದ್ಧತೆಗೆ ಈ ಉಪಕ್ರಮವು ಸಹಕಾರಿಯಾಗಲಿದೆ. ಹೆಸ್ಕಾಂನ ಎಚ್‌ಆರ್‌ಡಿ ಪ್ರಧಾನ ವ್ಯವಸ್ಥಾಪಕ ಡಾ. ಸಿದ್ದು ಹುಲ್ಲಳ್ಳಿ, ಕೆಎಲ್‌ಎಸ್ ಜಿಐಟಿ ಪ್ರೊ. ಎಸ್.ಜಿ. ಕುಲಕರ್ಣಿ ಮತ್ತು ಪ್ರೊ.ಪರಾಗ ದಾತಾರ, ಡಾ.ವಿ.ಎ.ಕುಲಕರ್ಣಿ, ವಿಡಿಐಟಿ ಪ್ರಾಚಾರ್ಯ ಹಳಿಯಾಳ ಇದ್ದರು.