ಕೆಎಲ್​ಇ ತ್ಯಾಗ, ಸೇವೆ ಸ್ಮರಣೀಯ

ಹುಬ್ಬಳ್ಳಿ: ನಗರದ ಕೆಎಲ್​ಇ ಸಂಸ್ಥೆಯ ಜಗದ್ಗುರು ಗಂಗಾಧರ ವಾಣಿಜ್ಯ ಮಹಾವಿದ್ಯಾಲಯದಲ್ಲಿ ಕೆಎಲ್​ಇ ಸಂಸ್ಥಾಪನಾ ದಿನವನ್ನು ಗುರುವಾರ ಆಚರಿಸಲಾಯಿತು.

ಸಂಸ್ಥಾಪಕ ಸರ್ಪ¤ಗಳಾದ ಅರಟಾಳು ರುದ್ರೇಗೌಡರು, ಎಚ್.ಎಫ್. ಕಟ್ಟಿಮನಿ, ಪಂಡಿತಪ್ಪ ಚಿಕ್ಕೋಡಿ, ಎಂ.ಆರ್. ಸಾಖರೆ, ಶಿ.ಶಿ. ಬಸವನಾಳ, ಬಿ.ಎಸ್. ಹಂಚಿನಾಳ, ವೀರಣಗೌಡ ಪಾಟೀಲ ಅವರ ಕೊಡುಗೆಯನ್ನು ಸ್ಮರಿಸಲೇಬೇಕು. ಈ ಸಂಸ್ಥೆ ಈಗ ದೇಶ-ವಿದೇಶದಲ್ಲೂ ಹರಡಿದೆ. ಇದಕ್ಕೆ ಮಹನೀಯರ ತ್ಯಾಗ, ನಿಸ್ವಾರ್ಥ ಸೇವೆ ಕಾರಣ. ಅವರು ಹಚ್ಚಿದ ಹಣತೆ ಎಲ್ಲರ ಬಾಳನ್ನು ಬೆಳಗುತ್ತಿದೆ ಎಂದು ಹಾರೋಗೇರಿಯ ವೃಷಭೇಂದ್ರ ಕಾಲೇಜಿನ ನಿವೃತ್ತ ಪ್ರಾಧ್ಯಾಪಕ ಡಾ.ವಿ.ಎಸ್. ಮಾಳಿ ಹೇಳಿದರು.

ಪ್ರಾಚಾರ್ಯ ಪೊ›.ಎಸ್.ಎಲ್. ಪಾಟೀಲ ಮಾತನಾಡಿ, ಯುವ ಜನತೆಗೆ ಸರ್ಪ¤ಗಳು ಪ್ರೇರಣೆಯಾಗಬೇಕು. ಅವರಂತೆ ತ್ಯಾಗ, ನಿಸ್ವಾರ್ಥ ಸೇವೆ ಮಾಡಲು ಮುಂದಾಗಬೇಕು ಎಂದು ಸಲಹೆ ನೀಡಿದರು.

ಪದವಿ ಪೂರ್ವ ಕಾಲೇಜ್ ಪ್ರಾಚಾರ್ಯ ಡಾ. ದತ್ತು ವಾಘಮೋಡೆ, ಐಕ್ಯೂಎಸಿ ಕೋಆರ್ಡಿನೇಟರ್ ಗೀತಾ ಕರಾಡೆ, ಡಾ. ಸೌಮ್ಯ ಸಜ್ಜನ, ಪ್ರೊ. ಗೀತಾ ಕರಾಡೆ ಇತರರು ಇದ್ದರು.