ಕೆಎಲ್​ಇ ತಾಂತ್ರಿಕ ವಿವಿಯಿಂದ ಅಲ್ಪಾವಧಿಯ ಕೋರ್ಸ್​ಗಳು

ಹುಬ್ಬಳ್ಳಿ: ಕೆಎಲ್​ಇ ತಾಂತ್ರಿಕ ವಿಶ್ವವಿದ್ಯಾಲಯವು ಗ್ರಾಫಿಕ್ ಡಿಸೈನ್, ಯುಎಕ್ಸ್ ಹಾಗೂ ಯುಐ ವಿಷಯದಲ್ಲಿ ಮೌಲ್ಯವರ್ಧಿತ ಅಲ್ಪಾವಧಿ ಕೋರ್ಸ್​ಗಳನ್ನು ಆರಂಭಿಸಿದೆ. ವೃತ್ತಿನಿರತರು, ಉದ್ಯೋಗಾಕಾಂಕ್ಷಿಗಳು, ಪದವೀಧರರು ಹಾಗೂ ವಿದ್ಯಾರ್ಥಿಗಳು ಪ್ರವೇಶ ಪಡೆಯಬಹುದಾಗಿದೆ.

ಪಠ್ಯಕ್ರಮವು ಗ್ರಾಫಿಕ್ ಡಿಸೈನ್ ಥಿಂಕಿಂಗ್, ಡಿಸೈನ್ ಡೆವಲಪಮೆಂಟ್, ಕಲರ್ ಸೈಕಾಲಜಿ, ಟೈಪೋಗ್ರಾಫಿ, ಲೇಔಟ್ ಡಿಸೈನ್, ಇತ್ಯಾದಿ ವಿಷಯಗಳನ್ನು ಒಳಗೊಂಡಿದೆ. ನಿತ್ಯ ಮಧ್ಯಾಹ್ನ 3ರಿಂದ ಸಂಜೆ 6 ಗಂಟೆವರೆಗೆ ತರಗತಿಗಳು ನಡೆಯಲಿವೆ. ವೃತ್ತಿನಿರತರಿಗೆ ಶನಿವಾರ ಹಾಗೂ ಭಾನುವಾರದ ಬ್ಯಾಚ್​ಗಳಲ್ಲಿ ತರಗತಿಗಳನ್ನು ನಡೆಸಲಾಗುವುದು. ನೈಜವಾದ ಪ್ರಾಜೆಕ್ಟ್​ಗಳಲ್ಲಿ ಭಾಗವಹಿಸುವಿಕೆಯೊಂದಿಗೆ ಪ್ರಾಯೋಗಿಕ ಅನುಭವಗಳನ್ನು ಒದಗಿಸುವ ರೀತಿಯಲ್ಲಿ ಕೋರ್ಸ್ ವಿನ್ಯಾಸಗೊಳಿಸಲಾಗಿದೆ. ಕೋರ್ಸ್ ಯಶಸ್ವಿಯಾಗಿ ಪೂರ್ಣಗೊಳಿಸಿದವರಿಗೆ ಪ್ರಮಾಣಪತ್ರ ನೀಡಲಾಗುವುದು.

ವಿದ್ಯಾರ್ಥಿಗಳಿಗೆ ಕೋರ್ಸ್ ಶುಲ್ಕದಲ್ಲಿ ಶೇ. 50ರಷ್ಟು ರಿಯಾಯಿತಿ ಇರುತ್ತದೆ ಎಂದು ಪ್ರಕಟಣೆ ತಿಳಿಸಿದೆ.