ರಾವೂರ ಗ್ರಾಮದ ಶ್ರೀ ಸಿದ್ಧಲಿಂಗೇಶ್ವರ ವಿದ್ಯಾಭಿವೃದ್ಧಿ ಸಂಸ್ಥೆಯಲ್ಲಿ ವಾಡಿ ಪಟ್ಟಣದ ಎಸಿಸಿ ಅದಾನಿ ಫೌಂಡೇಷನ್, ಎನ್ಜಿಎನ್ ಫೌಂಡೇಷನ್ ಹಾಗೂ ಸಿದ್ದಲಿಂಗೇಶ್ವರ ಸಂಸ್ಥಾನ ಮಠದ ಆಶ್ರಯದಲ್ಲಿ ಬುಧವಾರ ಹಮ್ಮಿಕೊಂಡ ಉಚಿತ ಆರೋಗ್ಯ ಶಿಬಿರ ಉದ್ಘಾಟಿಸಿ ಮಾತನಾಡಿದರು.
ಕೋಟ್ಯಂತರ ಹಣ ಗಳಿಸಿದರೂ ಸರಿಯಾದ ನಿದ್ರೆ, ಊಟ ಮಾಡಲು ಆಗುತ್ತಿಲ್ಲ. ಮೈತುಂಬ ಖಾಯಿಲೆಗಳಿವೆ. ದೈಹಿಕ, ಮಾನಸಿಕ ಆರೋಗ್ಯದ ಕಾಳಜಿ ವಹಿಸದಿರುವುದು ಇದಕ್ಕೆ ಕಾರಣ. ಅಪೌಷ್ಠಿಕ ಆಹಾರ, ಒತ್ತಡದ ಜೀವನ, ಕಡಿಮೆ ದೈಹಿಕ ಶ್ರಮ, ಅತಿ ಮೊಬೈಲ್, ಕಂಪ್ಯೂಟರ್ ಬಳಕೆ ಸೇರಿ ವಿವಿಧ ಕಾರಣಕ್ಕೆ ಬಿಪಿ, ಮದುಮೇಹ, ಹೃದಯ, ಕಣ್ಣು, ಎಲುಬಿನ ರೋಗಗಳು ಬರುತ್ತಿವೆ. ಇದನ್ನು ನಿಯಂತ್ರಿಸಬೇಕು ಎಂದರು.
