ಇಗ್ಗಲೂರಿನ ಮುರಳಿ (32), ಮದನ್(28), ಲಕ್ಷ್ಮೀನಾರಾಯಣ (26) ಹಾಗೂ ಸೈಯದ್ಜಾರ್(30) ಬಂಧಿತರು.ಆನೇಕಲ್ ತಾಲೂಕು ಸೇರಿ ಸುತ್ತಮುತ್ತಲ ವ್ಯಾಪ್ತಿಯ ರಿಯಲ್ಎಸ್ಟೇಟ್ ಉದ್ಯಮಿಗಳು ಹಾಗೂ ಶ್ರೀಮಂತರನ್ನು ಗುರಿಯಾಗಿಸಿಕೊಂಡು ತಂತ್ರ ರೂಪಿಸುತ್ತಿದ್ದ ದುಷ್ಕರ್ಮಿಗಳು, ಅಂಥವರು ಓಡಾಡುವ ಕಾರುಗಳಿಗೆ ಮಾಲೀಕರಿಗೆ ತಿಳಿಯದಂತೆ ಜಿಪಿಎಸ್ ಸಿಸ್ಟಂ ಅಳವಡಿಸುತ್ತಿದ್ದರು. ತಿಂಗಳುಗಟ್ಟಲೆ ಅವರ ವಾಹನಗಳು ಎಲ್ಲೆಲ್ಲಿ ಹೋಗುತ್ತವೆ, ಬರುತ್ತವೆ ಎಂಬುದನ್ನು ಮಾನಿಟರ್ ಮಾಡುತ್ತಿದ್ದರು. ದಿನನಿತ್ಯ ಎಲ್ಲಿಗೆ ಹೋಗಿ ಎಲ್ಲಿಂದ ಬರುತ್ತಾರೆ ಎಂಬುದನ್ನು ಕರಾರುವಾಕ್ಕಾಗಿ ಗುರುತು ಮಾಡಿ ಜಾಲ ಬೀಸುತ್ತಿದ್ದರು ಎಂಬುದು ಪೊಲೀಸ್ ತನಿಖೆಯಲ್ಲಿ ತಿಳಿದುಬಂದಿದೆ.
