ದರ ನಿಗದಿ ಹೇಗೆ?: ಜಿಲ್ಲೆಯ ಅನೇಕ ಹಾಲು ಉತ್ಪಾದಕರಿಗೆ ಮತ್ತು ಚೀಮೇನಿ ತೆರೆದ ಕಾರಾಗೃಹಕ್ಕೆ ಇಲ್ಲಿನ ದನಗಳು ಮಾರಾಟವಾಗಿವೆ. ತಮಿಳುನಾಡಿನ ಕೃಷ್ಣಗಿರಿ, ಕರ್ನಾಟಕದ ಚಿಂತಾಮಣಿ ಪ್ರದೇಶಗಳಿಂದ ಮೊದಲ ಹಂತದಲ್ಲಿ ಈ ಉದ್ಯಾನಕ್ಕೆ ಕರುಗಳನ್ನು ಖರೀದಿಸಿ ತರಲಾಗಿತ್ತು. ಬೆಳೆದ ಹಸುವಿಗೆ 45 ಸಾವಿರದಿಂದ 75 ಸಾವಿರ ರೂ. ಬೆಲೆಯಿದೆ. ರೋಗ ಪ್ರತಿರೋಧ, ಹಾಲು ಉತ್ಪಾದನೆ ಸಾಮರ್ಥ್ಯ ಇತ್ಯಾದಿಗಳ ಹಿನ್ನೆಲೆಯಲ್ಲಿ ದರ ನಿಗದಿಯಾಗುತ್ತದೆ. ಮಧ್ಯವರ್ತಿಗಳಿಲ್ಲದೆ ನೇರವಾಗಿ ಆಸಕ್ತರು ಇಲ್ಲಿ ಹಸು ಖರೀದಿಸಬಹುದು. ಹಸುಗಳಿಗೆ ವಿಮೆ ಸೌಲಭ್ಯ ಒದಗಿಸಿ ಮಾರಾಟ ಮಾಡಲಾಗುತ್ತದೆ. ಖರೀದಿ ಅವಧಿಯಲ್ಲಿ ಹೆಲ್ತ್ ಆ್ಯಂಡ್ ವ್ಯಾಕ್ಸಿನೇಷನ್ ಸರ್ಟಿಫಿಕೆಟ್ ಖಚಿತಪಡಿಸಲಾಗುತ್ತದೆ.
