ಬಾಗಲೂರು ಬಳಿಯ ಬಂಡಿಕೊಡಿಗೇಹಳ್ಳಿ, ಮೈಲನಹಳ್ಳಿ ಕ್ರಾಸ್, ಚಾಗಲಟ್ಟಿ ಗ್ರಾಮದ ಬಳಿ ರಸ್ತೆ ಕಾಮಗಾರಿ ಈವರೆಗೂ ಪೂರ್ಣಗೊಂಡಿಲ್ಲ. ಭೂಸ್ವಾಧೀನ ಸಮಸ್ಯೆಯಿಂದಾಗಿ 10 ವರ್ಷಗಳೇ ಕಳೆದಿದ್ದರೂ ಪಿಡಬ್ಲ್ಯುಡಿ ಹಾಗೂ ಕೆಆರ್ಡಿಎಲ್ ತಮ್ಮ ಹೊಣೆ ನಿರ್ವಹಿಸಲ್ಲ. ಪಾಲಿಕೆ ಮಿತಿಯಲ್ಲಿ ರಸ್ತೆ ಉತ್ತಮವಾಗಿದ್ದರೂ, ರಸ್ತೆಬದಿ ಪಾರ್ಕಿಂಗ್ ಸವಾರರನ್ನು ಕಾಡುತ್ತಿದೆ. ಗೆದ್ದಲಹಳ್ಳಿ ಬಳಿ ರೈಲ್ವೆ ಅಂಡ್ಪಾಸ್ ಕಿರಿದಾಗಿದ್ದು, ಒಮ್ಮೆಲೆ ಎರಡೂ ಬದಿ ತಲಾ ಒಂದು ವಾಹನ ಮಾತ್ರ ಸಂಚರಿಸಬಹುದಾಗಿದೆ. ಅಂಡ್ಪಾಸ್ ವಿಸ್ತರಣೆಗೆ ಪಾಲಿಕೆ ಮುಂದಾಗಿದ್ದರೂ, ರೈಲ್ವೆ ಇಲಾಖೆ ಒಪ್ಪಿಗೆ ನೀಡದಿರುವುದು ಸಮಸ್ಯೆಯನ್ನು ಜೀವಂತ ಇಟ್ಟಿದೆ ಎಂದು ಸ್ಥಳೀಯರು ಆಕ್ಷೇಪಿಸಿದ್ದಾರೆ.
