ಖೋ-ಖೋ ಹನಗೋಡು ಪಿಯು ಕಾಲೇಜು ಪ್ರಥಮ

ಹನಗೋಡು: ಹುಣಸೂರು ನಗರದಲ್ಲಿ ಬುಧವಾರ ಆಯೋಜಿಸಿದ್ದ ತಾಲೂಕು ಮಟ್ಟದ ಪದವಿ ಪೂರ್ವ ಕಾಲೇಜುಗಳ ಕ್ರೀಡಾಕೂಟದ ಬಾಲಕರ ಖೋ-ಖೋ ಪಂದ್ಯಾವಳಿಯಲ್ಲಿ ಹನಗೋಡು ಸರ್ಕಾರಿ ಪಿಯು ಕಾಲೇಜು ಪ್ರಥಮ ಸ್ಥಾನ ಪಡೆದಿದೆ.

ಹುಣಸೂರಿನ ಜೆಎಸ್‌ಎಸ್ ಕಾಲೇಜು ಆವರಣದಲ್ಲಿ ಆಯೋಜಿಸಿದ್ದ ಖೋ-ಖೋ ಅಂತಿಮ ಪಂದ್ಯಾಟದಲ್ಲಿ

ಹುಣಸೂರಿನ ಬಿಜಿಎಸ್ ಕಾಲೇಜು ತಂಡವನ್ನು 8-4 ಅಂತರದಲ್ಲಿ ಸೋಲಿಸಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದೆ. ಅಲ್ಲದೆ ಕಾಲೇಜಿನ ಅರುಣ್ ಕುಮಾರ್ 1,500 ಮೀ. ಓಟದಲ್ಲಿ ದ್ವಿತೀಯ ಹಾಗೂ 3,000 ಮೀ.ಓಟದಲ್ಲಿ ತೃತೀಯ ಸ್ಥಾನ ಗಳಿಸಿ ಕಾಲೇಜಿಗೆ ಕೀರ್ತಿ ತಂದಿದ್ದಾರೆ ಎಂದು ಪ್ರಾಂಶುಪಾಲ ರಾಜೇಶ್ ಅಭಿನಂದಿಸಿದ್ದಾರೆ.