ಕೇರಳ ಲಾಟರಿ ಮಾರುತ್ತಿದ್ದವನ ಸೆರೆ

ಗುಂಡ್ಲುಪೇಟೆ: ತಾಲೂಕಿನ ತೆರಕಣಾಂಬಿ ಪೊಲೀಸರು ಕಾರ್ಯಾಚರಣೆ ನಡೆಸಿ ಕೇರಳ ಲಾಟರಿ ಮಾರಾಟ ಮಾಡುತ್ತಿದ್ದ ಆರೋಪಿಯನ್ನು ಬಂಧಿಸಿದ್ದಾರೆ.

ಗ್ರಾಮದ ಗಣೇಶ್(47) ಬಂದಿತ ಆರೋಪಿ. ಗ್ರಾಮದ ವಾಲಿ ದೇವಾಲಯದ ಸಮೀಪ ಕೇರಳ ರಾಜ್ಯದ ಲಾಟರಿಗಳನ್ನು ಮಾರಾಟ ಮಾಡುತ್ತಿರುವ ಖಚಿತ ಮಾಹಿತಿ ಮೇರೆಗೆ ಸಬ್‌ಇನ್ಸ್‌ಪೆಕ್ಟರ್ ಕೆ.ಎಂ.ಮಹೇಶ್ ಹಾಗೂ ಸಿಬ್ಬಂದಿ ಶನಿವಾರ ರಾತ್ರಿ ದಾಳಿ ನಡೆಸಿ ಆರೋಪಿಯಿಂದ ನ.10 ರಂದು ಡ್ರಾ ಆಗಲಿದ್ದ 2,0,7,60 ರೂ. ಮುಖಬೆಲೆಯ 519 ಲಾಟರಿಗಳು ಹಾಗೂ 400 ರೂಪಾಯಿ ನಗದನ್ನು ವಶಕ್ಕೆ ಪಡೆದುಕೊಂಡರು.

ಆರೋಪಿಯನ್ನು ಬಂಧಿಸಿದ ಪೊಲೀಸರು ಪ್ರಕರಣ ದಾಖಲಿಸಿ ಆರೋಪಿಯನ್ನು ನ್ಯಾಯಾಂಗ ಬಂಧಕ್ಕೆ ಒಪ್ಪಿಸಿದ್ದಾರೆ. ಕಾರ್ಯಚರಣೆಯಲ್ಲಿ ಸಿಬ್ಬಂದಿ ಸ್ವಾಮಿ, ಸುರೇಶ್, ಪ್ರದೀಪ್, ಬಂಗಾರನಾಯ್ಕ ಪಾಲ್ಗೊಂಡಿದ್ದರು.