ಕೆಕೆಆರ್ಡಿಬಿ ಯೋಜನೆಯಡಿ ಎರಡು ಕೋಟಿ ರೂ. ವೆಚ್ಚದಲ್ಲಿ ಕ್ರೀಡಾಂಗಣ ನಿರ್ಮಾಣ ಕಾಮಗಾರಿಗೆ ಫೆ.18ರಂದು ಸಚಿವ ಎನ್.ಎಸ್.ಬೋಸರಾಜು, ಶಾಸಕ ಹಂಪಯ್ಯನಾಯಕ ಚಾಲನೆ ನೀಡಿದ್ದರು. ಕಂದಾಯ ಅಧಿಕಾರಿಗಳು ಸರ್ವೇ ನಂ. 19/2 ರಲ್ಲಿನ 2.30 ಎಕರೆ ಮತ್ತು ಸರ್ವೇ ನಂ. 19/3 ರಲ್ಲಿ ಮೂರು ಎಕರೆ ಜಾಗವನ್ನು ಪರಿಶೀಲಿಸಿಯೇ ಕ್ರೀಡಾಂಗಣ ನಿರ್ಮಾಣಕ್ಕೆ ಒಪ್ಪಿಗೆ ನೀಡಿದ್ದರು. ಹೀಗಾಗಿ ಗುತ್ತಿಗೆದಾರರು ಕಾಮಗಾರಿ ಆರಂಭಿಸಿದ್ದರು. ಆದರೆ, ಈಗ ಅರಣ್ಯ ಇಲಾಖೆ ಅಧಿಕಾರಿಗಳು ತಕರಾರು ತೆಗೆದಿದ್ದಾರೆ. ಆ ಐದು ಎಕರೆ ಜಾಗ ಇಲಾಖೆಗೆ ಸೇರಿದ್ದು ಕ್ರೀಡಾಂಗಣ ನಿರ್ಮಿಸಲು ಅವಕಾಶವಿಲ್ಲ ಎಂದು ತಗಾದೆ ತೆಗೆದ ಕಾರಣ ಕಾಮಗಾರಿ ನನೆಗುದಿಗೆ ಬೀಳಲು ಕಾರಣವಾಗಿದೆ. ಇದರಿಂದ ಬೇಸರಗೊಂಡ ಕ್ರೀಡಾಭಿಮಾನಿಗಳು, ಸಂಬಂಧಪಟ್ಟ ಜನಪ್ರತಿನಿಧಿಗಳು, ಅಧಿಕಾರಿಗಳು ಮಧ್ಯಪ್ರವೇಶಿಸಿ ಆದಷ್ಟು ಬೇಗ ಸಮಸ್ಯೆ ಪರಿಹರಿಸಿ ಕ್ರೀಡಾಂಗಣ ನಿರ್ಮಾಣ ಕಾಮಗಾರಿ ಪೂರ್ಣಗೊಳಿಸಬೇಕು. ಇಲ್ಲದಿದ್ದರೆ ಹೋರಾಟ ನಡೆಸಲಾಗುವುದು ಎಂದು ಕ್ರೀಡಾಭಿಮಾನಿಗಳಾದ ಸುರೇಶ, ರಿಯಾಜ್, ಸಂತೋಷ ಕಲಶೆಟ್ಟಿ, ಮಂಜುನಾಥ, ದಸ್ತಗೀರ್ಸಾಬ್, ಎಂ.ಡಿ ರಫಿ ಎಚ್ಚರಿಸಿದ್ದಾರೆ.
