ನ. 14ಕ್ಕೆ ಕಟಪಾಡಿ ಇಗರ್ಜಿ ಅಮೃತ ಮಹೋತ್ಸವ

ಉಡುಪಿ: ಕಟಪಾಡಿ ಸಂತ ವಿನ್ಸೆಂಟ್​ ಡಿ ಪಾವ್ಲ್​ ಇಗರ್ಜಿ ಅಮೃತ ಮಹೋತ್ಸವ ಅಂಗವಾಗಿ ನವೆಂಬರ್​ 14 ರಂದು ಬೆಳಿಗ್ಗೆ 9.30 ಉಡುಪಿ ಕಥೊಲಿಕ ಧರ್ಮಪ್ರಾಂತ್ಯದ ಧಮಾರ್ಧ್ಯಕ್ಷ ಡಾ. ಜೆರಾಲ್ಡ್​ ಐಸಾಕ್​ ಲೋಬೊ ನೇತೃತ್ವದಲ್ಲಿ ಕೃತಜ್ಞಾತಾ ಬಲಿಪೂಜೆ ಜರುಗಲಿದೆ ಎಂದು ಚರ್ಚಿನ ​ ಪಾ. ರಾಜೇಶ್​ ಪಸನ್ನಾ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

11.30ಕ್ಕೆ ಧಮಾರ್ಧ್ಯಕ್ಷ ಡಾ. ಜೆರಾಲ್ಡ್​ ಐಸಾಕ್​ ಲೋಬೊ ಅಧ್ಯಕ್ಷತೆಯಲ್ಲಿ ಸಭಾ ಕಾರ್ಯಕ್ರಮ ಜರುಗಲಿದ್ದು, ಧರ್ಮಪ್ರಾಂತ್ಯದ ಶ್ರೇಷ್ಠ್ಠಗುರು ಮೊನ್ಸಿಂಜ್ಞೊರ್​ ಫರ್ಡಿನಾಂಡ್​ ಗೊನ್ಸಾಲ್ವಿಸ್​, ಕಾಪು ಶಾಸಕ ಗುರ್ಮೆ ಸುರೇಶ್​ ಶೆಟ್ಟಿ, ಹೋಲಿ ಕ್ರಾಸ್​ ಸಭೆ ದಕ್ಷಿಣ ಭಾರತದ ಪ್ರೊವಿನ್ಸಿಯಲ್​ ಸುಪಿರೀಯರ್​ ರೋಕ್​ ಡಿಕೊಸ್ತಾ ಧರ್ಮಪ್ರಾಂತ್ಯದ ಕುಲಪತಿ ಡಾ. ರೋಶನ್​ ಡಿಸೋಜಾ, ಉಡುಪಿ ವಲಯ ಪ್ರಧಾನ ಧರ್ಮಗುರು ಚಾರ್ಲ್ಸ್​ ಮಿನೇಜಸ್​, ಹೋಲಿ ಕ್ರಾಸ್​ ಸ್ಟೂಡಂಟ್​ ಹೋಮ್​ ನಿರ್ದೇಶಕ ರೋನ್ಸನ್​ ಆರ್​. ಡಿಸೋಜಾ, ಮಾಜಿ ಸಚಿವ ವಿನಯ್​ ಕುಮಾರ್​ ಸೊರಕೆ, ಪತ್ರಕರ್ತ ವಾಲ್ಟರ್​ ನಂದಳಿಕೆ, ಕಟಪಾಡಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಪ್ರಭಾ ಶೆಟ್ಟಿ, ಕೋಟೆ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಪ್ರಮೀಳಾ ಜತ್ತನ್ನ, ಚರ್ಚ್​ ಸ್ಮರಣ ಸಂಚಿಕೆ ಸಂಪಾದಕ ಕ್ಯಾಥರಿನ್​ ರೊಡ್ರಿಗಸ್​ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ ಎಂದರು.

ಸಾಯಂಕಾಲ 6 ಗಂಟೆಗೆ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಿಗೆ ಬಹುಮಾನ ವಿತರಣೆ ಹಾಗೂ ಸಾಂಸ್ಕತಿಕ ಕಾರ್ಯಕ್ರಮ ನಡೆಯಲಿದ್ದು, ಅಧ್ಯಕ್ಷತೆಯನ್ನು ಉಡುಪಿ ವಲಯ ಪ್ರಧಾನ ಧರ್ಮಗುರು ವಂ. ಚಾರ್ಲ್ಸ್​ ಮಿನೇಜಸ್​ ವಹಿಸಲಿದ್ದು, ಹೋಲಿ ಕ್ರಾಸ್​ ಸಭೆ ದಕ್ಷಿಣ ಭಾರತದ ಪ್ರೊವಿನ್ಸಿಯಲ್​ ಸುಪಿರೀಯರ್​ ರೋಕ್​ ಡಿಕೊಸ್ತಾ, ಕಟಪಾಡಿ ಕೊಂಕಣ್ಸ್​ ಯುಎಇ ಸ್ಥಾಪಕ ಕಾರ್ಯದರ್ಶಿ ಆಗ್ನೆಲ್​ ರೊಡ್ರಿಗಸ್​, ಬರಹಗಾರ ವಿಜಯ್​ ಕುಮಾರ್​ ಶೆಟ್ಟಿ ಮುಂಬೈ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ ಎಂದರು.

10 ರಂದು ಸಾಯಂಕಾಲ ಹಸಿರು ಹೊರೆಕಾಣಿಕೆ ಮೆರವಣಿಗೆ ಹಾಗೂ 11 ರಂದು ಸಾರ್ವಜನಿಕ ಅನ್ನ ಸಂತರ್ಪಣೆ ಕಾರ್ಯಕ್ರಮ ಜರುಗಲಿದೆ.1948 ಮೇ 16 ರಂದು ಕಟಪಾಡಿಯಲ್ಲಿ ಚರ್ಚಿನ ಸ್ಥಾಪನೆಯಾಗಿದ್ದು, ರೊಜಾರಿಯೋ ಫೆರ್ನಾಂಡಿಸ್​ ಪ್ರಥಮ ಧರ್ಮಗುರುಗಳಾಗಿ ಸೇವೆ ಸಲ್ಲಿಸಿದ್ದಾರೆ. ಅಮೃತ ಮಹೋತ್ಸವದ ಪ್ರಯುಕ್ತ ಬಡವರಿಗಾಗಿ ಒಂದು ಮನೆಯನ್ನು ನಿರ್ಮಿಸುವ ಯೋಜನೆ ಇದೆ ಎಂದರು.

ಚರ್ಚ್​ ಪಾಲನಾ ಸಮಿತಿಯ ಉಪಾಧ್ಯಕ್ಷ ಬ್ರಾಯನ್​ ಕೊರೆಯಾ, ಕಾರ್ಯದರ್ಶಿ ತೆರೆಸಾ ಲೋಬೊ, 20 ಆಯೋಗಗಳ ಸಂಚಾಲಕ ಲುವಿಸ್​ ಡಿಸಿಲ್ವಾ, ಕ್ರೀಡಾ ಮತ್ತು ಸಾಂಸ್ಕೃತಿಕ ಸಮಿತಿಯ ಅಧ್ಯಕ್ಷ ಕಿರಣ್​ ಲೂವಿಸ್​ ಉಪಸ್ಥಿತರಿದ್ದರು.