ಕಟಮಾ ವಾಹನಕ್ಕೆ ಬೈಕ್​ ಡಿಕ್ಕಿ, ಓರ್ವ ಸಾವು

ಶಿಗ್ಗಾಂವಿ: ಬೈಕ್​ ಡಿಕ್ಕಿಯಿಂದ ಕಟಮಾ ವಾಹನ ಪಲ್ಟಿಯಾಗಿ ಓರ್ವ ಮೃತಪಟ್ಟ ಘಟನೆ ತಾಲೂಕಿನ ಹುಲಗೂರ-&ಬಸವನಾಳ ಗ್ರಾಮದ ಬಳಿ ಗುರುವಾರ ಸಂಭವಿಸಿದೆ.

ಬಸವನಾಳ ಗ್ರಾಮದ ದಾವಲಸಾಬ ಇಮಾಮಸಾಬ ಸಂದಿಮನಿ (42) ಮೃತ ವ್ಯಕ್ತಿ.

ಇವರು ಕಟಮಾ ವಾಹನದಲ್ಲಿ ತೆರಳುತ್ತಿದ್ದ ಸಮಯದಲ್ಲಿ ಎದುರಿಗೆ ಬಂದ ಬೈಕ್​ ಡಿಕ್ಕಿ ಹೊಡೆದಿದೆ. ಇದರಿಂದ ಕಟಮಾ ಪಲ್ಟಿಯಾಗಿದ್ದು ದಾವಲಸಾಬ ಕೆಳಗೆ ಸಿಲುಕಿ ಮೃತಪಟ್ಟಿದ್ದಾನೆ ಎನ್ನಲಾಗಿದೆ. ಈ ಕುರಿತು ಹುಲಗೂರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.