ಕಾರವಾರ: ಇಲ್ಲಿನ ಬಾಡ ಗ್ರಾಮದ ಬಂಡಿ ಹಬ್ಬವು ಮೇ 9 ರಂದು ಜರುಗಲಿದೆ. ಕಾರವಾರ ಬಂಡಿ ಹಬ್ಬ ಎಂದು ಇದು ಪ್ರಸಿದ್ಧವಾಗಿದೆ. ಅಕ್ಷಯ ತೃತೀಯ ದಿನದಿಂದ ಕಾಂಚಿಕಾ ಪರಮೇಶ್ವರಿ ದೇವರ ಕಳಶ ಸಂಚಾರ ನಗರದೆಲ್ಲೆಡೆ ನಡೆದಿದೆ. ಮೇ 9 ರಂದು ಕಳಶವು ಕಲಶ ದೇವಸ್ಥಾನದಿಂದ ಶೆಬಿ ದೇವಸ್ಥಾನಕ್ಕೆ ಹೊರಡಲಿದೆ. ಬೆಳಗ್ಗೆ 8.30 ರಿಂದ 1 ಗಂಟೆಯವರೆಗೆ ಗಿಂಡಿ ತುಂಬುವುದು ಮತ್ತು ಉಡಿ ತುಂಬುವ ಕಾರ್ಯಕ್ರಮಗಳು ಜರುಗಲಿವೆ. ಮಧ್ಯಾಹ್ನ 3 ಗಂಟೆಗೆ ಕಲಶವು ಗ್ರಾಮ ದೇವಸ್ಥಾನಕ್ಕೆ ಹೊರಡುವುದು. ರಾತ್ರಿ 8 ಗಂಟೆಗೆ ದೇವರು ಗ್ರಾಮ ದೇವಸ್ಥಾನದಿಂದ ರಾಟೆ ಕಟ್ಟೆಗೆ ಹೊರಡುವುದು. ಅಲ್ಲಿ ದೇವರನ್ನು ಬಂಡಿ(ರಾಟೆ)ಯ ಮೇಲೆ ಕೂರಿಸಿ ತಿರುಗಿಸುವ ಬಂಡಿ ಹಬ್ಬ ನಡೆಯಲಿದೆ.
