ಬೇರೆಲ್ಲಾ ಕಲಾವಿದರಿಗಿಂತ ನೃತ್ಯ ಕಲಾವಿದರಿಗೆ ಬೇಗ ವೇದಿಕೆ ಸಿಗುವುದಿಲ್ಲ. ಆದರೆ ಕಲಾವಿದರು ನಿರೀಕ್ಷೆ ಇಲ್ಲದೆ ತಾಳ್ಮೆಯಿಂದ ಕಲೆಗೆ ನ್ಯಾಯ ಒದಗಿಸುವ ಕೆಲಸವನ್ನು ನಿರಂತರವಾಗಿ ಮಾಡುತ್ತಿರಬೇಕು. ಅಂತಹವರಲ್ಲಿ ಡಾ.ಸತ್ಯನಾರಾಯಣ ಕರ್ನಾಟಕದ ನೃತ್ಯಕ್ಷೇತ್ರಕ್ಕೆ ತಮ್ಮನ್ನು ತಾವು ತೊಡಗಿಸಿಕೊಂಡ ಅಪರೂಪದ ಕಲಾವಿದ. ತಾವು ಬೆಳೆಯುವುದಷ್ಟೇ ಅಲ್ಲದೆ ನೃತ್ಯದ ಬಗ್ಗೆ ಆಸಕ್ತಿ ಇರುವ ಹಲವಾರು ಉದಯೋನ್ಮುಖ ಕಲಾವಿದರಿಗೆ ಪ್ರೋತ್ಸಾಹ ನೀಡಿ, ಅವರಿಗೆ ಬೃಹತ್ ವೇದಿಕೆಗಳಲ್ಲಿ ಅವಕಾಶವನ್ನು ಒದಗಿಸಿಕೊಡುತ್ತಿದ್ದಾರೆ. ಕೆನರಾ ಬ್ಯಾಂಕಿನ ಉದ್ಯೋಗಿಯಾಗಿದ್ದುಕೊಂಡು ನೃತ್ಯವನ್ನು ತಮ್ಮ ಉಸಿರಾಗಿಸಿಕೊಂಡು ಈ ಇಳಿ ವಯಸ್ಸಿನಲ್ಲೂ ಹುಮ್ಮಸ್ಸು ಕಳೆದುಕೊಳ್ಳದೆ ಒಂದಲ್ಲ ಒಂದು ರೀತಿಯಲ್ಲಿ ನಿರಂತರ ಚಟುವಟಿಕೆ ನಡೆಸುತ್ತಿರುವುದು ಯುವ ಕಲಾವಿದರಿಗೆ ಮಾದರಿ. ಹಾಡುತ್ತಾ ಹಾಡುತ್ತಾ ರಾಗ, ಹೆಜ್ಜೆ ಹಾಕುತ್ತಾ ಹಾಕುತ್ತಾ ನೃತ್ಯ ಎನ್ನುವಂತೆ ಬಹಳ ಪರಿಶ್ರಮದಿಂದ ನೃತ್ಯವನ್ನು ಕಲಿತು ಕಲೆಯನ್ನು ಬೆಳೆಸುತ್ತಿದ್ದಾರೆ ಎಂದು ಶುಭ ಪ್ರಶಂಸಿದರು.
