ಮನೆಗಳಿಗೆ ನೇರವಾಗಿ ನೀರೊದಗಿಸುವ ಯೋಜನೆ ಜಾರಿ ಮಾಡುವುದಾಗಿ ತಿಳಿಸಿದ್ದರು. 2024ರೊಳಗೆ ಯೋಜನೆ ಪೂರ್ಣಗೊಳಿಸುವ ಸಮಯಮಿತಿಯನ್ನೂ ನಿಗದಿಪಡಿಸಿದರು. ಕರ್ನಾಟಕದಲ್ಲಿ 89 ಲಕ್ಷ (89,61, 400) ಮನೆಗಳಿವೆ. 2020ರ ಅ.2ರವರೆಗಿನ ಅಂಕಿ ಅಂಶಗಳ ಪ್ರಕಾರ ಇಲ್ಲಿವರೆಗೆ 26 ಲಕ್ಷ (25,95,636) ಅಂದರೆ ಕೇವಲ ಶೇ.28.96 ಮನೆಗಳಿಗೆ ನೇರವಾಗಿ ಕುಡಿಯುವ ನೀರನ್ನು ಒದಗಿಸಲಾಗಿದೆ. ಗೋವಾ ಎಲ್ಲ 2.63 ಲಕ್ಷ ಮನೆಗಳಿಗೆ ನೀರು ಒದಗಿಸುವ ಮೂಲಕ ಕಳೆದ ವಾರವಷ್ಟೇ ಶೇ.100 ಗುರಿ ಸಾಧಿಸಿದ ಮೊದಲ ರಾಜ್ಯ ಎಂಬ ಹೆಗ್ಗಳಿಕೆ ಪಡೆದಿದೆ. ಉಳಿದಂತೆ ತೆಲಂಗಾಣ, ಪುದುಚೇರಿ, ಬಿಹಾರ ಜಮ್ಮು ಕಾಶ್ಮೀರ ಸೇರಿ 14 ರಾಜ್ಯ- ಕೇಂದ್ರಾಡಳಿತ ಪ್ರದೇಶ ನಂತರ 14ನೇ ಸ್ಥಾನದಲ್ಲಿ ಕರ್ನಾಟಕವಿದೆ.
