ಒಪ್ಪಂದದ ಕುರಿತು ಕರ್ನಾಟಕ ಬ್ಯಾಂಕ್ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಎಚ್. ಶ್ರೀಕೃಷ್ಣನ್ ಮಾತನಾಡಿ, ಅರ್ಹ ಫಲಾನುಭವಿಗಳನ್ನು ಸ್ಯಾಟಿನ್ ಗುರುತಿಸಲಿದ್ದು, ಕರ್ನಾಟಕ ಬ್ಯಾಂಕ್ ತನ್ನ ಸಾಲ ನೀತಿಗೆ ಅನುಗುಣವಾಗಿ ಅವರಿಗೆ ಸಾಲವನ್ನು ಒದಗಿಸಲಿದೆ. ಸಾಲದ ಮರುಪಾವತಿ ಹೊಣೆಗಾರಿಕೆಯನ್ನೂ ಸ್ಯಾಟಿನ್ ನಿಭಾಯಿಸಲಿದೆ. ಯೂಬಿ ಪ್ಲಾಟ್ಫಾರಂ ಮೂಲಕ ಸಾಲ ಅನುಮೋದನೆ ಪ್ರಕ್ರಿಯೆ ನಡೆಯಲಿದೆ. ಒಪ್ಪಂದದಿಂದಾಗಿ ಗ್ರಾಮೀಣ ಮತ್ತು ಅರೆಪಟ್ಟಣ ಪ್ರದೇಶಗಳಲ್ಲಿ ಸಣ್ಣ ಸಾಲ ಸೌಲಭ್ಯ ಕ್ಷೇತ್ರದಲ್ಲಿ ಬ್ಯಾಂಕ್ನ ಉಪಸ್ಥಿತಿ ಬಲಿಷ್ಠಗೊಳ್ಳಲಿದೆ. ಡಿಜಿಟಲ್ ಸಹಸಾಲ ಪಾಲುದಾರಿಕೆ ಸಾಲ ಸೌಲಭ್ಯದ ಹಲವು ವಿಭಾಗಗಳ ಉಸ್ತುವಾರಿ ವಹಿಸುವುದರಿಂದ ಬ್ಯಾಂಕ್ ಹಣಕಾಸು ಸಬಲೀಕರಣ ಮತ್ತು ಆರ್ಥಿಕ ಸಮಗ್ರತೆಯತ್ತ ಗಮನ ಹರಿಸಲು ಸಾಧ್ಯವಾಗಲಿದೆ ಎಂದು ಹೇಳಿದರು.
