ಕಸ್ತೂರಿ ಕರ್ನಾಟಕ ರಕ್ಷಣಾ ಸೇನೆ ರಾಜ್ಯಾಧ್ಯಕ್ಷ ಆಂಜನಪ್ಪ ನೇತೃತ್ವದಲ್ಲಿ ಜಿಲ್ಲಾಧಿಕಾರಿ ಕಚೇರಿ ಬಳಿ ನಡೆದ ಪ್ರತಿಭಟನೆಯಲ್ಲಿ, ಬೆಳಗಾವಿ ಜಮ್ಮು ಕಾಶ್ಮೀರದಂತೆ ಭಯೋತ್ಪಾದಕರ ತಾಣವಾಗುತ್ತಿರುವುದು ನಾಚಿಕೆ ಗೇಡಿನ ಸಂಗತಿ. ಇದಕ್ಕೆ ಕೆಲ ಶಾಸಕರು ನೇರ ಹೊಣೆಯಾಗಿದ್ದಾರೆ. ಇವರ ಸಹಕಾರದಿಂದಲೇ ಮಹಾರಾಷ್ಟ್ರದ ಪುಂಡರು ಎಂಇಎಸ್ ಸಂಘಟನೆಯನ್ನು ಬೆಳೆಸಿ ಬೆಳಗಾವಿಯನ್ನು ಕಬಳಿಸುವ ತಂತ್ರ ಮಾಡುತ್ತಿದ್ದಾರೆ. ಬೆಳಗಾವಿಯ ಅಧಿವೇಶನದಲ್ಲಿ ರಾಜ್ಯದ ಮುಖ್ಯಮಂತ್ರಿ ಸೇರಿ ಸರ್ಕಾರವೇ ಇರುವ ವೇಳೆ ಎಂಇಎಸ್ ಮತ್ತು ಶಿವಸೇನೆ ಈ ರೀತಿ ಕೃತ್ಯ ಮಾಡಿರುವುದು ಖಂಡನೀಯವಾಗಿದೆ. ಈ ನಿಟ್ಟಿನಲ್ಲಿ ಎರಡೂ ಸಂಘಟನೆಗಳನ್ನು ನಿಷೇಧ ಮಾಡಿ ಅವರನ್ನು ಗಡಿಪಾರು ಮಾಡಬೇಕು ಎಂದು ಆಗ್ರಹಿಸಿದರು. ಈ ವೇಳೆ ಸಂಘಟನೆಯ ಜಿಲ್ಲಾಧ್ಯಕ್ಷ ವೆಂಕಟೇಶ್, ಕಾರ್ಮಿಕ ಸೇನೆಯ ವೆಂಕಟರಮಣ, ಗಿರೀಶ್.ಕೆ, ಬೈರಾಜು, ಶಿವಕುಮಾರ್, ಯಶಸ್, ದೀಪು, ಸುನೀಲ್, ಸತ್ಯ ಮುಂತಾದವರು ಇದ್ದರು.
