ಕಮಲ್ ಚಿತ್ರ ಬಿಡುಗಡೆ ತಡೆಗೆ ಆಗ್ರಹ

ಮಡಿಕೇರಿ:

ಕಮಲ್ ಹಾಸನ್ ವಿರುದ್ಧ ನಮ್ಮ ವಿರೋಧ ಸ್ಪಷ್ಟವಾಗಿದ್ದು, ಅವರ ಚಲನಚಿತ್ರ ಬಿಡುಗಡೆಯನ್ನು ಕರ್ನಾಟಕದಲ್ಲಿ ತಡೆಯಲು ತೀರ್ಮಾನ ಮಾಡಲಾಗಿದೆ ಎಂದು ಕರ್ನಾಟಕ ರಕ್ಷಣಾ ವೇದಿಕೆ ರಾಜ್ಯ ಮಹಿಳಾ ಸಂಚಾಲಕಿ ದೀಪಾ ಪೂಜಾರಿ ಹೇಳಿದ್ದಾರೆ.

 ಕರ್ನಾಟಕದ ಸಂಸ್ಕೃತಿಯ ಬಗ್ಗೆ ನಟ ಕಮಲ್ ಹಾಸನ್ ನೀಡಿರುವ ಅವಹೇಳನಕಾರಿ ಮತ್ತು ಅಪಮಾನಕಾರಿ ಹೇಳಿಕೆಗಳು ನಮ್ಮನ್ನು ತೀವ್ರವಾಗಿ ನೋಯಿಸಿವೆ. ಕನ್ನಡಿಗರ ಆತ್ಮಗೌರವವನ್ನು ಮುರಿಯುವ ಪ್ರಯತ್ನವನ್ನು ಯಾವುದೇ ರೀತಿಯಿಂದ ಸಹಿಸುವುದು ಸಾಧ್ಯವಿಲ್ಲ. ಇದೀಗ ರಾಜ್ಯದ ವಿವಿಧ ಭಾಗಗಳಿಂದ ಕರವೇಯಿಂದ ತೀವ್ರ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ. ಕನ್ನಡ ನಾಡು, ನುಡಿ ಮತ್ತು ಸಂಸ್ಕೃತಿಯ ಅವಮಾನವನ್ನು ನಾವು ಎತ್ತಿಹಿಡಿಯುವುದಿಲ್ಲ. ಕಮಲ್ ಹಾಸನ್ ಅವರ ಭಾಷಣದ ಹಿನ್ನೆಲೆಯು ಅವರಲ್ಲಿರುವ ಕನ್ನಡ ವಿರೋಧದ ಮನೋಭಾವವನ್ನು ಬಹಿರಂಗಪಡಿಸಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ ನಾವು ಒಂದು ಘನವಾದ ನಿರ್ಧಾರಕ್ಕೆ ಬಂದಿದದ್ದು ಕಮಲ ಹಾಸನ್‌ ಅವರ ಹೊಸ ಚಲನಚಿತ್ರವನ್ನು ಯಾವುದೇ ಕಾರಣಕ್ಕೂ ಕರ್ನಾಟಕದಲ್ಲಿ ಬಿಡುಗಡೆಯಾಗಲು ಬಿಡುವುದಿಲ್ಲ. ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲಿ ಕರೆವೇಯವರು ಇದರ ಬಗ್ಗೆ ಎಚ್ಚರಿಕೆಯಿಂದ ನೋಡಿಕೊಳ್ಳಲಿದ್ದಾರೆ. ಇದು ಕನ್ನಡದ ಗೌರವವನ್ನು ಕಾಪಾಡುವ ಹೋರಾಟವಾಗಿದೆ. ನಾವು ಒಗ್ಗಟ್ಟಿನಿಂದ, ಶಾಂತಿಯುತ ಆದರೆ ದೃಢತೆಯೊಂದಿಗೆ ಈ ತೀರ್ಮಾನವನ್ನು ಕಾರ್ಯರೂಪಕ್ಕೆ ತರಲು ಸಜ್ಜಾಗಿದ್ದೇವೆ ಎಂದಿದ್ದಾರೆ.