ತಾಲೂಕಿನ ಉಳೇನೂರು ಗ್ರಾಮದ ಸುರೇಶ ಮಡಿವಾಳರ್ ಜ.16ರಂದು ಸಿದ್ದಾಪುರ-ನಂದಿಹಳ್ಳಿ 8 ಕಿಮೀವರೆಗಿನ ಮುಖ್ಯರಸ್ತೆ ಅರೆಬರೆ ಕಾಮಗಾರಿಯಿಂದ ಸಂಪೂರ್ಣ ಹದಗೆಟ್ಟಿರುವ ಕುರಿತು ಪ್ರಶ್ನಿಸಿ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ. ಜ.18ರ ಬೆಳಗ್ಗೆ 11ಗಂಟೆಗೆ ಪೊಲೀಸ್ ಪೇದೆ ರಮೇಶ ಹಾಗೂ ಹೋಂಗಾರ್ಡ್ ರಾಮಣ್ಣ ಎಂಬುವವರು ಯುವಕನ ಮನೆಗೆ ತೆರಳಿ, ಬೆಂಗಳೂರು ಐಟಿ ಸೆಲ್ನಿಂದ ಸಾಹೇಬರಿಗೆ ಮಾಹಿತಿ ಬಂದಿದೆ. ಆದ್ದರಿಂದ ಠಾಣೆಗೆ ಕರೆತರುವಂತೆ ತಿಳಿಸಿದ್ದಾರೆ. ಇದರಿಂದ ಆಕ್ರೋಶಗೊಂಡ ಯುವಕ ಸುರೇಶ ಹಾಗೂ ಕುಟುಂಬ ಸದಸ್ಯರು, ಠಾಣೆಗೆ ಬರುವುದಿಲಲ್ಲೆಂದಿದ್ದಾರೆ. ಅಂದಾಜು 2 ಗಂಟೆ ಕಾದು ಕುಳಿತ ಪೇದೆ, ಹೋಂಗಾರ್ಡ್ ಬಂದ ದಾರಿಗೆ ಸುಂಕವಿಲ್ಲದಂತೆ ಹಿಂತಿರುಗಿದ್ದಾರೆ.
