ನವಲಿಯಿಂದ ಕಾರಟಗಿಗೆೆ ಬೆಳಗ್ಗೆ 9.30ಕ್ಕೆ, ಕಾರಟಗಿಯಿಂದ ನವಲಿಗೆ ಮಧ್ಯಾಹ್ನ 2.30ಕ್ಕೆ ತೆರಳಲು ಹಾಗೂ ಬೂದಗುಂಪಾ, ಹಾಲಸಮುದ್ರ, ತಿಮ್ಮಾಪುರ ಗ್ರಾಮಗಳಿಗೆ ಮಧ್ಯಾಹ್ನ 3ಗಂಟೆಗೆ ತೆರಳುವ ಬಸ್ನ್ನು 2.30ಕ್ಕೆ ತೆರಳಲು ವೇಳಾಪಟ್ಟಿ ಬದಲಿಸುವಂತೆ ಸಾರಿಗೆ ಇಲಾಖೆ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಮಾಡಿಕೊಂಡರೂ ಪ್ರಯೋಜನವಾಗಿಲ್ಲ. ತಾಲೂಕಿನ ವಿವಿಧ ಗ್ರಾಮಗಳ ವಿದ್ಯಾರ್ಥಿಗಳು ಸೂಕ್ತ ಸಾರಿಗೆ ಸೌಕರ್ಯ ಇಲ್ಲದೇ ತೊಂದರೆ ಪಡುತ್ತಿದ್ದಾರೆ. ಕೆಲವರು ಕಾಲ್ನಡಿಗೆಯಲ್ಲಿ ಪಟ್ಟಣಕ್ಕೆ ಬಂದರೆ, ಇನ್ನೂ ಕೆಲವರು ಕಲಿಕೆ ಮೊಟುಕುಗೊಳಿಸಿ ಉನ್ನತ ವ್ಯಾಸಾಂಗದಿಂದ ವಂಚಿತರಾಗುತ್ತಿದ್ದಾರೆ. ಕೂಡಲೇ ಸೂಕ್ತ ಸಾರಿಗೆ ಸೌಕರ್ಯ ಕಲ್ಪಿಸಿ ವಿದ್ಯಾರ್ಥಿಗಳ ಶಿಕ್ಷಣಕ್ಕೆ ಸಹಕರಿಸಬೇಕೆಂದು ಪ್ರತಿಭಟನಾನಿರತ ವಿದ್ಯಾರ್ಥಿಗಳು ಒತ್ತಾಯಿಸಿದರು.
