ಕಳೆದ ಕೆಲ ದಿನಗಳಿಂದ ಕೋತಿಗಳು ದಾಳಿ ನಡೆಸುತ್ತಿವೆ. ಹೀಗಾಗಿ ಮಹಿಳೆಯರು ಮನೆಯಿಂದ ಹೊರ ಬರಲು ಹಾಗೂ ಮಾಳಿಗೆಯ ಮೇಲೆ ಕೆಲಸಗಳನ್ನು ಮಾಡಲು ಹೆದರುವ ಪರಿಸ್ಥಿತಿ ಉಂಟಾಗಿದೆ. ಸೊಂಡಿಗೆ ಹಾಕಲು, ಬಟ್ಟೆ ಒಣಗಿಸಲು, ದವಸ- ಧಾನ್ಯಗಳು, ಕಿರಾಣಿ ತರಲು ಹಾಗೂ ಪಡಿತರ ಪಡಿಯಲು ಸೇರಿ ಇತರ ಕೆಲಸಗಳಿಗೆ ಹೊರಬರಲು ಅಂಜಿಕೆ ಪಡುವಂತಾಗಿದೆ. ಈಗಾಗಲೇ ಮಹಿಳೆಯರಿಗೆ ಕೋತಿಗಳು ಕಚ್ಚಿ, ಪರಚಿವೆ. ಇದಕ್ಕೂ ಮುನ್ನ ಗ್ರಾಮದಲ್ಲಿ ಹುಚ್ಚು ಕೋತಿಯೊಂದು ಮಹಿಳೆಯರ ಮೇಲೆ ನಿರಂತರವಾಗಿ ದಾಳಿ ನಡೆಸಿತ್ತು. ಆಗಲೂ ಸಹ ಅನೇಕ ಮಹಿಳೆಯರು ಗಾಯಗೊಂಡಿದ್ದರು. ಕಳೆದ ಕೆಲ ತಿಂಗಳು ಕಾಲ ಸಮಸ್ಯೆ ಇರಲಿಲ್ಲ. ಈಗ ಮತ್ತೆ ಗ್ರಾಮದಲ್ಲಿ ಮಂಗಗಳ ಹಾವಳಿ ಮುಂದುವರಿದಿದೆ. ಕೋತಿಗಳ ಹಾವಳಿ ಕೈ ಮೀರುವ ಮುನ್ನ ಕೋತಿಗಳನ್ನು ಸರೆ ಹಿಡಿಯುವಂತೆ ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.
