ಕ್ಯಾಂಪ್ನಲ್ಲಿ ಒಂದರಿಂದ ಐದನೇ ತರಗತಿವರೆಗೆ ಶಾಲೆಯಿದೆ. ಒಟ್ಟು 28 ವಿದ್ಯಾರ್ಥಿಗಳಿದ್ದಾರೆ. ಆದರೆ, ಶೌಚಕ್ಕೆ ತೆರಳಲು ಮಕ್ಕಳು ಪರದಾಡಬೇಕಿದೆ. ಏಕೆಂದರೆ ಶಾಲೆಯಲ್ಲಿ ನಿರ್ಮಾಣ ಮಾಡಲಾದ ಶೌಚಗೃಹ ಆಟಕ್ಕುಂಟು, ಲೆಕ್ಕಕ್ಕಿಲ್ಲ ಎನ್ನುವಂತಾಗಿದೆ. ಬಾಗಿಲುಗಳಿಲ್ಲ. ಸಮರ್ಪಕ ನೀರಿನ ವ್ಯವಸ್ಥೆಯಿಲ್ಲ. ಬೇಕಾಬಿಟ್ಟಿ ನಿರ್ಮಾಣ ಮಾಡಿ, ಕೈ ಬಿಡಲಾಗಿದೆ. ಇನ್ನೂ ಶಾಲೆಯ ಸುತ್ತ ವಿಶಾಲ ಮೈದಾನವಿದೆ. ಅದರ ತುಂಬೆಲ್ಲ ಗಿಡ, ಕಂಟಿಗಳು ಬೆಳೆದಿವೆ. ಮಕ್ಕಳಿಗೆ ಸರಿಸೃಪಗಳ ಕಾಟ ಎದುರಾಗಾಗಿದೆ. ಈ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳು ಶೌಚಕ್ಕೆ ತೆರಳಿದರೆ ಅವರ ಹಿಂದೆಯೇ ಶಾಲಾ ಅತಿಥಿ ಶಿಕ್ಷಕರು ತೆರಳಬೇಕಾದ ಅನಿವಾರ್ಯ ಪರಿಸ್ಥಿತಿ ನಿರ್ಮಾಣವಾಗಿದೆ. ಮಕ್ಕಳ ಹಿತದೃಷ್ಟಿಯಿಂದ ಸಂಬಂಧಪಟ್ಟ ಅಧಿಕಾರಿಗಳು ಇತ್ತ ಗಮನ ಹರಿಸಬೇಕು. ಶೀಘ್ರವೆ ಮಕ್ಕಳಿಗೆ ಸಮಸ್ಯೆಯಾಗದ ರೀತಿ ಕ್ರಮವಹಿಸಬೇಕು ಎನ್ನುವುದು ಸಾರ್ವಜನಿಕರ ಒತ್ತಾಯವಾಗಿದೆ.
