ಕಟ್ಟಿಗೆಹಳ್ಳಿ ಹಿರೇಮಠದಲ್ಲಿ ತಾಮ್ರ ಶಾಸನ ಪತ್ತೆ

ಕಾರಟಗಿ: ಪಟ್ಟಣದ ಪುರಾತನ ಕಟ್ಟಿಗೆಹಳ್ಳಿ ಹಿರೇಮಠದಲ್ಲಿ ತಾಮ್ರ ಶಾಸನವಿರುವುದನ್ನು ಮಲ್ಲಿಕಾರ್ಜುನ ನಾಗಪ್ಪ ಪದವಿ ಕಾಲೇಜು ಉಪನ್ಯಾಸಕ ವಿರೂಪಾಕ್ಷೇಶ್ವರ ಸ್ವಾಮಿ ತಲೇಖಾನ್‌ಮಠ ಪತ್ತೆಹಚ್ಚಿದ್ದಾರೆ.

ಈ ಶಾಸನ ವಿಜಯನಗರ ಕಾಲದ್ದು ಎಂದು ಊಹಿಸಲಾಗಿದೆ. ವಿಜಯನಗರದ ಅರಸರು ಕಟ್ಟಿಗೆಹಳ್ಳಿ ಹಿರೇಮಠಕ್ಕೆ ನೀಡಿದ ಶಾಸನ ಇದಾಗಿದ್ದು, ಮೂರು ತಾಮ್ರ ಫಲಕಗಳನ್ನು ಒಳಗೊಂಡಿದೆ. ಒಂದೊಂದು ಫಲಕವು 11.4 ಇಂಚು ಉದ್ದ ಹಾಗೂ 4.6 ಇಂಚು ಅಗಲ ಇವೆ. ಮೂರು ಫಲಕಗಳು ಗುಚ್ಚವನ್ನು 4 ಇಂಚು ಉದ್ದ ಹಾಗೂ 4.5 ಇಂಚು ಅಗಲದ ಮುದ್ರೆ ಉಂಗುರದಿಂದ ಕಟ್ಟಲಾಗಿದೆ. ಮುದ್ರೆ ಉಂಗುರದಲ್ಲಿ ವಿಜಯನಗರ ಅರಸರ ರಾಜಮುದ್ರೆ ವರಾಹದ ಚಿತ್ರವಿದೆ. ಶಾಸನದ ಬಗ್ಗೆ ಹೆಚ್ಚಿನ ವಿಷಯ ತಿಳಿಯಲು ಹಿರಿಯ ಸಂಶೋದಕರೊಂದಿಗೆ ಅಧ್ಯಯನ ನಡೆಸಲಾಗುತ್ತದೆ ಎಂದು ವಿರೂಪಾಕ್ಷೇಶ್ವರ ಸ್ವಾಮಿ ತಲೇಖಾನ್‌ಮಠ ತಿಳಿಸಿದ್ದಾರೆ