ದಸರಾ ಹಬ್ಬದ ಮಧ್ಯೆಯೇ ಹುಬ್ಬಳ್ಳಿ ಹಾಗೂ ಸುತ್ತಲಿನ ಚಿತ್ರರಸಿಕರು ಕಾಂತಾರ : ಚಾಪ್ಟರ್ 1 ಬಿಡುಗಡೆಗೊಂಡ ಮೊದಲ ದಿನವೇ ವೀಕ್ಷಿಸಿ, ಸಂತಸಪಟ್ಟಿದ್ದಾರೆ. ಸ್ನೇಹಿತರು, ಕುಟುಂಬದವರೊಂದಿಗೆ ಚಿತ್ರ ವೀಕ್ಷಿಸಿರುವ ಅನೇಕರು, ಚಿತ್ರಮಂದಿರಗಳಲ್ಲಿ ಕಾಂತಾರ : ಚಾಪ್ಟರ್ 1ರ ಪೋಸ್ಟರ್ ಎದುರು ನಿಂತು, ಸೆಲ್ಪಿ ಹಾಗೂ ಫೋಟೊಗಳನ್ನು ತೆಗೆದುಕೊಂಡು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಚಿತ್ರಮಂದಿರ ಹಾಗೂ ಮಲ್ಟಿಪ್ಲೆಕ್ಸ್ಗಳ ಸ್ಕ್ರೀನ್ಗಳು ಪ್ರೇಕ್ಷಕರಿಂದ ತುಂಬಿದ್ದವು. ರಿಷಬ್ ಶೆಟ್ಟಿಯ ನಟನೆ, ದೈವಗಳು ಹಾಗೂ ಇನ್ನಿತರ ದೃಶ್ಯಗಳನ್ನು ಮೆಲುಕು ಹಾಕುತ್ತ ಪ್ರೇಕ್ಷಕರು ಚಿತ್ರಮಂದಿರಗಳಿಂದ ಹೊರಬರುತ್ತಿರುವುದು ಕಂಡುಬಂದಿತು.
