ಇಂದು ಜಗತ್ತಿನ ಬಹುತೇಕ ದೇಶಗಳು ತಮ್ಮ ವಾಣಿಜ್ಯ ವ್ಯವಹಾರಗಳನ್ನೆಲ್ಲ ಆನ್ಲೈನ್ ಮೂಲಕವೇ ಆರಂಭಿಸುತ್ತಿರುವುದರಿಂದ ಭಾಷೆ ಬಳಕೆ ಮಹತ್ವ ಪಡೆದುಕೊಂಡಿದೆ. ತಂತ್ರಜ್ಞಾನದಲ್ಲಿ ಸ್ಥಳೀಯ ಭಾಷೆಗಳ ಬಳಕೆ ಹೆಚ್ಚಾಗಬೇಕು. ಆಗ ನಮ್ಮ ಭಾಷೆಗೆ ಮಾನ್ಯತೆ ಸಿಗುತ್ತದೆ. ಎಲ್ಲರ ಬಳಕೆಗೂ ಲಭ್ಯವಾಗುತ್ತದೆ. ಜತೆಗೆ ಪುಟ್ಟ ಉದ್ಯಮ ಸ್ಥಾಪನೆ ಮಾಡಬಹುದು. ಕೆನಡ, ಅಮೆರಿಕ, ಜಪಾನ್ನಂತಹ ದೇಶದಲ್ಲಿ ಆನ್ಲೈನ್ ಮೂಲಕ ಕೇವಲ 24 ಗಂಟೆಯೊಳಗೆ ಮಾರುಕಟ್ಟೆ ತೆರೆಯಬಹುದು. ಇದು ನಮ್ಮ ದೇಶದಲ್ಲಿ ಏಕೆ ಸಾಧ್ಯವಾಗುತ್ತಿಲ್ಲ ಎಂದು ಪ್ರಶ್ನಿಸಿದರು.
ಸಾಹಿತಿ ಪೂರ್ಣಚಂದ್ರ ತೇಜಸ್ವಿ ಹೇಳುವಂತೆ ಒಂದು ಭಾಷೆಯ ಅಳಿವು- ಉಳಿವು ಆ ಭಾಷೆಗೆ ಎಷ್ಟು ಪ್ರಶಸ್ತಿ ಸಿಕ್ಕಿದೆ ಎಂಬುದರಿಂದ ನಿರ್ಧಾರವಾಗುವುದಿಲ್ಲ. ಬದಲಿಗೆ ಭಾಷೆಯನ್ನು ಎಷ್ಟು ಜನರು ಬಳಸುತ್ತಿದ್ದಾರೆ ಎಂಬುದರ ಮೇಲೆ ಅಲವಂಬಿತವಾಗಿರುತ್ತದೆ. ಇಲ್ಲವಾದರೆ ಸಂಸ್ಕೃತ ಭಾಷೆಗೆ ಬಂದ ಪರಿಸ್ಥಿತಿಯೇ ಕನ್ನಡ ಭಾಷೆಗೂ ಬರುತ್ತದೆ ಎಂದು ಎಚ್ಚರಿಸಿದ್ದರು ಎಂದು ಸ್ಮರಿಸಿದರು.
