ಕನ್ನಡ ಭಾಷೆಯ ಪ್ರಸಿದ್ಧ ಕೀರ್ತನಕಾರ

ಕನಕಗಿರಿ: ಕನಕದಾಸರು ಬಾಲ್ಯದಲ್ಲಿಯೇ ತರ್ಕ, ಮೀಮಾಂಸೆ, ವ್ಯಾಕರಣದಲ್ಲಿ ಪರಿಣತಿಯನ್ನು ಹೊಂದಿದ್ದರಲ್ಲದೇ, ಹರಿದಾಸ ಪರಂಪರೆಯಲ್ಲಿ ಗುರುತಿಸಿಕೊಂಡಿದ್ದರು ಎಂದು ಹಾಲುಮತ ಸಮಾಜದ ಮಾಜಿ ಜಿಲ್ಲಾಧ್ಯಕ್ಷ ಸಿದ್ದಪ್ಪ ನಿರ್ಲೂಟಿ ಹೇಳಿದರು. ತಾಲೂಕಿನ ಸಿರವಾರ ಗ್ರಾಮದಲ್ಲಿ ಹಾಲುಮತ ಸಮಾಜದಿಂದ ಆಯೋಜಿಸಿದ್ದ ಕನಕದಾಸರ ಜಯಂತಿಯಲ್ಲಿ ಮಾತನಾಡಿದರು. ದಂಡ ನಾಯಕರಾಗಿ ಯುದ್ಧದಲ್ಲಿ ತೀವ್ರವಾಗಿ ಗಾಯಗೊಂಡ ಕನಕದಾಸರು ನಂತರ ಹರಿದಾಸ ಪರಂಪರೆಯಲ್ಲಿ ಕಾಣಿಸಿಕೊಂಡರು. ಕನ್ನಡ ಭಾಷೆಯ ಪ್ರಸಿದ್ಧ ಕೀರ್ತನಕಾರರಾಗಿದ್ದಾರೆ. ಸಮಾಜದಲ್ಲಿದ್ದ ತಾರತಮ್ಯವನ್ನು ಖಂಡಿಸಿದ ಅವರು, ಉಡುಪಿಯ ಶ್ರೀಕೃಷ್ಣನನ್ನೇ ತನ್ನ ಭಕ್ತಿಯಿಂದ ಒಲಿಸಿಕೊಂಡಿದ್ದು, ಇಂದಿಗೂ ಉಡುಪಿಯಲ್ಲಿ ಕನಕನ ಕಿಂಡಿಯನ್ನು ಕಾಣಬಹುದು ಎಂದರು. ಇದಕ್ಕೂ ಮೊದಲು ಕಳಸ ಕುಂಭಗಳೊಂದಿಗೆ ಕನಕದಾಸರ ಭಾವಚಿತ್ರದ ಮೆರವಣಿಗೆ ಮಾಡಲಾಯಿತು.

ಗ್ರಾಪಂ ಅಧ್ಯಕ್ಷೆ ರೇಣುಕಮ್ಮ, ಪ್ರಮುಖರಾದ ಹನುಮೇಶ ನಾಯಕ, ಪಕೀರಪ್ಪ ಬಂಕಾಪುರ, ಕನಕಪ್ಪ ಗುರಿಕಾರ್, ಭಾಷಾಸಾಬ ಬಳಿಗೇರ, ರಾಯಪ್ಪ ತಾವರಗೇರಾ, ಬಾರಿಮರದಪ್ಪ ನಡುಲಮನಿ, ಹುಲಗಪ್ಪ ದೊಡ್ಡಮನಿ, ಸಾಲಿಮ್ ಸಾಬ್, ಶರಣಪ್ಪ, ಬಾರಿಮರದಪ್ಪ ಬಂಡ್ರಾಳ ಇತರರಿದ್ದರು.