ಕಾನಹೊಸಹಳ್ಳಿ: ಸಮಾಜದ ಸುಧಾರಣೆಗೆ ಶ್ರಮಿಸಿದ ಮಹಾನ್ ಶರಣರ ಪೈಕಿ ಹಡಪದ ಅಪ್ಪಣ್ಣ ಅವರೂ ಒಬ್ಬರು ಎಂದು ನಾಡಕಚೇರಿ ವಿಷಯ ನಿರ್ವಾಹಕಿ ಅನಿತಾ ಪೂಜಾರ ತಿಳಿಸಿದರು.
ಗ್ರಾಮದ ನಾಡಕಚೇರಿಯಲ್ಲಿ ಗುರುವಾರ ಹಡಪದ ಅಪ್ಪಣ್ಣ ಭಾವಚಿತ್ರಕ್ಕೆ ಮಾಲಾರ್ಪಣೆ ಮಾಡಿ ಮಾತನಾಡಿದರು. ಸಮಾಜದಲ್ಲಿದ್ದ ಮೌಢ್ಯ ಆಚರಣೆಗಳ ವಿರುದ್ಧ ಮತ್ತು ಸಮ ಸಮಾಜಕ್ಕಾಗಿ ವಚನಗಳನ್ನು ರಚಿಸಿ ಆಕ್ರೋಶವನ್ನು ಹೊರ ಹಾಕಿದ ಮಹಾನ್ ಶರಣ ಹಡಪದ ಅಪ್ಪಣ್ಣ ಆಗಿದ್ದು, ಅವರ ಚಿಂತನೆ ಮತ್ತು ವಚನಗಳು ಎಂದಿಗೂ ಪ್ರಸ್ತುತವಾಗಿವೆ ಎಂದು ಹೇಳಿದರು.
