ಭಾನುವಾರ ಸಂಜೆಯಿಂದ ಸೇತುವೆ ಮೇಲಿನ ಸಂಚಾರ ನಿಷೇಧ ಸೋಮವಾರವೂ ಮುಂದುವರಿದಿತ್ತು. ಆದರೆ, ಸೋಮವಾರ ಬೆಳಿಗ್ಗೆ ಪಾದಚಾರಿಗಳು ಗುಂಪು ಗುಂಪಾಗಿ ಸೇತುವೆ ಮೇಲೆ ಸಂಚರಿಸಿದರು. ನಂತರ ಪೊಲೀಸರು ಬಿಗಿ ಕಾವಲಿನಿಂದಾಗಿ ಸೇತುವೆ ಮೇಲೆ ಪಾದಚಾರಿಗಳ ಸಂಚಾರವನ್ನು ನಿಷೇಧಿಸಿದರು. ರೋಗಿಗಳು, ಕಾರ್ಮಿಕರು, ಕೃಷಿಕರು ಸೇತುವೆ ಮೇಲಿನ ಸಂಚಾರ ನಿಷೇಧಕ್ಕೆ ಹಿಡಿ ಶಾಪ ಹಾಕುವುದು ಕಂಡು ಬಂತು. ಚಿಕ್ಕಜಂತಕಲ್ನ ಕೆಲವರು ಪೀರಲ ದೇವರ ಹರಕೆಗಾಗಿ ಹುಲಿವೇಷ ಬಣ್ಣ ಧರಿಸಲು ಚಿಕ್ಕಜಂತಕಲ್ನಿಂದ ಪಟ್ಟಣಕ್ಕೆ ಬೆಳಗ್ಗೆ ಬಂದವರು ಸೇತುವೆ ಮೇಲೆ ಪ್ರಯಾಣ ನಿಷೇದಿಸಿದ್ದರಿಂದ ಅನಿವಾರ್ಯವಾಗಿ ಕಡೇಬಾಗಿಲು ಮೂಲಕ ಗಂಗಾವತಿಗೆ ಬಂದು ಅಲ್ಲಿಂದ ಚಿಕ್ಕಜಂತಕಲ್ಗೆ ಸುತ್ತವರಿದು ಹೋಗಬೇಕಾಯಿತು.
