ನಾಲ್ಕು ದಿನವಾದರೂ ಪತ್ತೆಯಾಗದ ಬಾಲಕ

ಅಕ್ರಮ ಮರಳುಗಾರಿಕೆಯಿಂದ ಜೀವಕ್ಕೆ ಕುತ್ತು ಗಂಗಮ್ಮ ಗುಡಿ ಮುಂಭಾಗದ ನದಿ ತಟದಲ್ಲಿ ಅವೈಜ್ಞಾನಿಕವಾಗಿ ಮರಳು ತೆಗೆದಿದ್ದರಿಂದ 15 ಅಡಿ ಆಳದ ಗುಂಡಿಗಳಾಗಿವೆ. ಮರಳು ಗುಂಡಿಗಳೇ ನದಿಗೆ ಇಳಿಯುತ್ತಿರುವವರ ಪ್ರಾಣಕ್ಕೆ ಸಂಚಕಾರ ತರುತ್ತಿವೆ. ನದಿಗೆ ಸ್ನಾನಕ್ಕೆ ಬಂದವರು ನದಿ ನೀರಲ್ಲೇ ವಸ್ತ್ರ ಬಿಡುವುದರಿಂದ ಇದು ಕೂಡ ಸಮಸ್ಯೆಗೆ ಕಾರಣವಾಗುತ್ತಿವೆ. ಗಂಗಮ್ಮನ ಗುಡಿ ಬಳಿ ಅಪಾಯದ ಎಚ್ಚರಿಕೆಯ ಬರಹ ಗಮನಕ್ಕೆ ಬರದಂತಿದೆ. ಚಿಕ್ಕಜಂತಕಲ್ ಭಾಗದ ಗಂಗಮ್ಮ ಗುಡಿ ಬಳಿ ಕನಿಷ್ಠ ಐವತ್ತು ಮೀಟರ್‌ವ್ಯಾಪ್ತಿಯಲ್ಲಿ ಎರಡೂ ಕಡೆ ಮರಳುಗಾರಿಕೆ ತಡೆಯಲು ಸಂಬಂಧಿಸಿದ ಅಧಿಕಾರಿಗಳು ಮುಂದಾಗಬೇಕಿದೆ. ಈ ಭಾಗದಲ್ಲಿ ಜನರು ನದಿಗೆ ಇಳಿಯದಂತೆ ಎಚ್ಚರ ವಹಿಸಲು ಸಿಬ್ಬಂದಿ ನೇಮಿಸಬೇಕಿದೆ. ಜಿಂದಾಲ್ ಮುಳುಗು ತಜ್ಞರು ಮೇ 21 ರಂದು ಹುಡುಕಿದ್ದು, ಬಾಲಕ ಪತ್ತೆಯಾಗಿಲ್ಲ. ಇದರಿಂದಾಗಿ ಗುರುವಾರವೂ ಪತ್ತೆ ಕಾರ್ಯಾಚರಣೆ ಮುಂದುವರಿಸಲಾಯಿತು. ಆರ್.ಎಲ್.ಪೂಜಾರಿ ಅಗ್ನಿಶಾಮಕ ಅಧಿಕಾರಿ, ಗಂಗಾವತಿ ನೀರಿನಲ್ಲಿ ಇಳಿಯದಂತೆ ನದಿ ಬಳಿ ಎರಡು ಮೂರು ಸಲ ಎಚ್ಚರಿಕೆ ಫಲಕ ಹಾಕಿದ್ದು ನೆರೆಗೆ ಕೊಚ್ಚಿ ಹೋಗಿದೆ. ನದಿ ಪ್ರವೇಶಿಸುವ ಸ್ಥಳದಲ್ಲಿ ಗೇಟ್ ಅಳವಡಿಸಲಾಗುವುದು. ನದಿಯಲ್ಲಿ ಈಜುವುದನ್ನು ತಡೆಯಲು ಚೈನ್ ಹಾಕಿಸಲಾಗುವುದು. ಗಂಗಮ್ಮನ ಗುಡಿ ಬಳಿಯಲ್ಲಿ ಮರಳು ಅಗೆಯುವುದನ್ನು ಪ್ರತಿಬಂಧಿಸಲಾಗುವುದು. ಅಕ್ರಮ ಮರಳುಗಾರಿಕೆಯನ್ನು ತಡೆಯಲು ಸಂಬಂಧಿಸಿದ ಅಧಿಕಾರಿಗಳಿಗೆ ಪತ್ರ ಬರೆಯಲಾಗುವುದು. ನೇತ್ರಾವತಿ ಯಂಕೋಬಾ ಭಂಗಿ ಗ್ರಾಪಂ ಅಧ್ಯಕ್ಷೆ, ಚಿಕ್ಕಜಂತಕಲ್