ಹೊಳೆ ದಾಟಲು ಘಾಟ್ ಬುಟ್ಟಿಗಳನ್ನು ಬಳಸುತ್ತಾರೆ. ಅಲ್ಲದೆ ಮನುಷ್ಯರ ಸಾಗಣೆಗೆ, ದ್ವಿಚಕ್ರ ವಾಹನಗಳ ಸಾಗಣೆಗೆ ಘಾಟ್ ಬುಟ್ಟಿ ಸೂಕ್ತ. ಈ ಮೂರು ರೀತಿಯ ಬುಟ್ಟಿಗಳನ್ನು ಬೇಡಿಕೆಯಂತೆ ತಯಾರಿಸಿ ಕೊಡಲಾಗುತ್ತದೆ. 25 ರಿಂದ 35 ಕೆಜಿ ತನಕ ತೂಗುವ ಬುಟ್ಟಿಗಳು ಮೂರೂವರೆ ಕ್ವಿಂಟಾಲ್ ಭಾರ ಸಹಿಸಬಲ್ಲವು. ಕೊರೇಕಲ್ ಬುಟ್ಟಿ 5-15 ಸಾವಿರ ರೂ., ಮೀನು ಬುಟ್ಟಿ ಆರು ಸಾವಿರ ರೂಪಾಯಿ, ಘಾಟ್ ಬುಟ್ಟಿ 15 ಸಾವಿರ ರೂ.ಯಿಂದ 25 ಸಾವಿರ ರೂ.ವರೆಗೆ ಬೆಲೆ ಇದೆ. ಇಲ್ಲಿನ ಬುಟ್ಟಿಗಳನ್ನು ತುಂಗಭದ್ರಾ ನದಿ ಪಾತ್ರದ ಮೀನುಗಾರರು ಕೊಳ್ಳುತ್ತಾರೆ. ಅಲ್ಲದೆ, ಆಲಮಟ್ಟಿ ಜಲಾಶಯ, ಬಾಗಲಕೋಟೆ, ಜಮಖಂಡಿ, ವಿಜಯಪುರ, ರಾಯಚೂರು, ತಿಂಥಿಣಿ ಬ್ರಿಡ್ಜ್, ಹಡಗಲಿ, ಹರಪನಹಳ್ಳಿ, ನೆರೆ ರಾಜ್ಯದ ಅನಂತಪುರ, ಮಂತ್ರಾಲಯಗಳಿಗೂ ರವಾನೆ ಮಾಡುತ್ತಾರೆ.
