ರಾಮಸಾಗರ ಗ್ರಾಮದ ಸಿದ್ಧೇಶ್ವರ ನಗರದ ಹತ್ತಿರದ ಸಾರ್ವಜನಿಕ ಕಲ್ಯಾಣಿ ಕಸ, ಪ್ಲಾಸ್ಟಿಕ್ನಿಂದ ಮುಚ್ಚಿಹೋಗಿ, ದುರ್ವಾಸನೆಯಿಂದ ಕೂಡಿತ್ತು. ಪಶು ಪಕ್ಷಿಗಳು ಸಹ ನೀರು ಕುಡಿಯಲು ಯೋಗ್ಯವಾಗಿರಲಿಲ್ಲ. ಇದೀಗ 2020-21ನೇ ಸಾಲಿನ ನರೇಗಾದಡಿ ಕಲ್ಯಾಣಿಯನ್ನು 30ಕುಟುಂಬಗಳ 476 ಮಾನವ ದಿನಗಳ ಸೃಜನೆಯೊಂದಿಗೆ 3.70ಲಕ್ಷ ರೂ. ಸಾಮಗ್ರಿ ವೆಚ್ಚ ಹಾಗೂ 1.30 ಲಕ್ಷ ರೂ.ಗಳ ಕೂಲಿ ವೆಚ್ಚ ಸೇರಿ 5 ಲಕ್ಷ ರೂ.ಅಂದಾಜು ಮೊತ್ತದಲ್ಲಿ ಪುನಶ್ಚೇತನಗೊಳಿಸಿದ್ದು ನೋಡುಗರ ಕಣ್ಮನ ಸೆಳೆಯುತ್ತಿದೆ. ಜನತೆ ವಾಯುವಿಹಾರ, ಯೋಗ, ಧ್ಯಾನಗಳಿಗಾಗಿ ಕಲ್ಯಾಣಿಯತ್ತ ಬರುತ್ತಿದ್ದಾರೆ. ಕೃಷಿ ಸೇರಿ ಪ್ರಾಣಿ ಪಕ್ಷಿಗಳಿಗೆ ಕುಡಿವ ನೀರಿನ ಆಸರೆಯಾಗಿದೆ. ಜೀಣೋದ್ಧಾರಕ್ಕೂ ಮುನ್ನ ನೀರಿನ ಸಾಮರ್ಥ್ಯ 42,684 ಗ್ಯಾಲನ್ನಷ್ಟಿತ್ತು.ಇದೀಗ 77,402 ಗ್ಯಾಲನ್ಗೇರಿದೆ. ಇದೇ ಮಾದರಿಯಲ್ಲಿ ತಾಲೂಕಿನಲ್ಲಿ ಇನ್ನು ಎಂಟು ಕಲ್ಯಾಣಿಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದ್ದು, ಕಾಮಗಾರಿ ಪ್ರಗತಿಯಲ್ಲಿದೆ.
