4 ತರಬೇತಿ ಕೇಂದ್ರ: ದ.ಕ. ಜಿಲ್ಲೆಯ ಮೂಡುಬಿದಿರೆ, ಉಡುಪಿ ಜಿಲ್ಲೆಯ ಮಿಯ್ಯರು, ಬೈಂದೂರು, ಕಾಸರಗೋಡು ಜಿಲ್ಲೆಯ ಪೈವಳಿಕೆಯಲ್ಲಿ ಕಂಬಳ ಓಟಗಾರರ ಕ್ರೀಡಾ ತರಬೇತಿ ಕೇಂದ್ರ ಸ್ಥಾಪಿಸಬೇಕು. ಕಂಬಳ ಓಟಗಾರರು ಮತ್ತು ಕೋಣಗಳಿಗೆ 19 ಫಿಟ್ನೆಸ್ ತರಬೇತಿ ಕೇಂದ್ರ ತೆರೆಯಬೇಕು ಎಂದೂ ಶಿಫಾರಸು ಮಾಡಲಾಗಿದೆ. ಕಂಬಳ ಓಟಗಾರರಿಗೆ ಸರ್ಕಾರಿ, ಅರೆ ಸರ್ಕಾರಿ, ಖಾಸಗಿ ಸಂಸ್ಥೆಗಳಲ್ಲಿ ಉದ್ಯೋಗಾವಕಾಶ, ಕ್ರೀಡೆ/ಶೌರ್ಯ ವಿಭಾಗದಲ್ಲಿ ರಾಜ್ಯೋತ್ಸವ ಪ್ರಶಸ್ತಿ, ಉಚಿತ ಬಸ್ ಪಾಸ್, ಓಟಗಾರರ ಮಕ್ಕಳಿಗೆ ವಿದ್ಯಾರ್ಥಿವೇತನ, ಕುಟುಂಬಕ್ಕೆ ಪಿಂಚಣಿ, ವಿಮೆ, ಕ್ರೀಡೆ/ಅಥ್ಲೆಟಿಕ್ಸ್ ತರಬೇತಿ, ಸಾಹಸ ಕ್ರೀಡೆಗಳಲ್ಲಿ ತರಬೇತುದಾರರಾಗಿ ನೇಮಕ ಮತ್ತಿತರ ಅಂಶಗಳನ್ನೂ ಪ್ರಸ್ತಾಪಿಸಲಾಗಿದೆ.
